عبدالله الرقاص
12-11-07, 09:58 AM
هذه قصيده في والدي الشيخ فيحان بن مطلق الرقاص الوالد العلم
والذي دوما افتخر به ومهما قلت من ابيات وكلمات لن اوفيه حقه
لانه اكبر من اي كلمة تقال في شخصيته العظيمه.
فزت بيوت الشعر تنخى القصيده=تجملي هاتي جزيل المعاني
تجملي لو هي حروفك عنيده=مارضى اكون الا البيوت السماني
ردت عليها يالبيوت الفريده=انا معك في كل وقت وزماني
انا معك لو كانت ارضي بعيده=يجيبني شاعر من اقصى مكاني
شاعر يعشق الشعر وافي رصيده=شاعر ملكني بالشعور احتواني
الشعر حبه والمعاني تريده=ماقد عصيته لازهمني ودعاني
فزيت انا والحرف يطلب جديده=وليل القصايد اشتعل شمعداني
كله لجل راع الخصال الحميده=راع الفعول الطيبه صيرماني
رمز الكرم والجود من مدة ايده=مدة كريمٍ لاعطى مكرماني
هذاك ابو محمد فعوله خليده=كلٍ ذكرها بين قاصي وداني
فعايلٍ ماتنحصي له عديده=مواقفه شهمه ولا تستهاني
فيحان ابن مطلق غناة الضهيده=للي حداه الذل وقل العواني
انشهد انك ياذخرنا وليده=ياطيب فعلك دوم للمجد باني
شيخٍ كسبت الطيب باول تليده=والطيب من فعلك غدى جوهراني
فعايلك اكبر دليل وشهيده=يوم الزمن في وقتنا جرهداني
والا السنين المقبله لك مجيده=مايختلف فيها ثنين وثماني
اسمك تعلى فوق عالي جليده=رايتك بيضاء رفرفت رفرفاني
وختامها والحر نعرف هديده=وانت حرارٍ صيرمي زيزماني
دعيت رب الخلق عمرك يزيده=ويخلدك قلبٍ غمرنا حناني
قلت البيوت وزان نظم القصيده=والشعر مايرضى هزيل المعاني
محبكم - عبدالله الرقاص
والذي دوما افتخر به ومهما قلت من ابيات وكلمات لن اوفيه حقه
لانه اكبر من اي كلمة تقال في شخصيته العظيمه.
فزت بيوت الشعر تنخى القصيده=تجملي هاتي جزيل المعاني
تجملي لو هي حروفك عنيده=مارضى اكون الا البيوت السماني
ردت عليها يالبيوت الفريده=انا معك في كل وقت وزماني
انا معك لو كانت ارضي بعيده=يجيبني شاعر من اقصى مكاني
شاعر يعشق الشعر وافي رصيده=شاعر ملكني بالشعور احتواني
الشعر حبه والمعاني تريده=ماقد عصيته لازهمني ودعاني
فزيت انا والحرف يطلب جديده=وليل القصايد اشتعل شمعداني
كله لجل راع الخصال الحميده=راع الفعول الطيبه صيرماني
رمز الكرم والجود من مدة ايده=مدة كريمٍ لاعطى مكرماني
هذاك ابو محمد فعوله خليده=كلٍ ذكرها بين قاصي وداني
فعايلٍ ماتنحصي له عديده=مواقفه شهمه ولا تستهاني
فيحان ابن مطلق غناة الضهيده=للي حداه الذل وقل العواني
انشهد انك ياذخرنا وليده=ياطيب فعلك دوم للمجد باني
شيخٍ كسبت الطيب باول تليده=والطيب من فعلك غدى جوهراني
فعايلك اكبر دليل وشهيده=يوم الزمن في وقتنا جرهداني
والا السنين المقبله لك مجيده=مايختلف فيها ثنين وثماني
اسمك تعلى فوق عالي جليده=رايتك بيضاء رفرفت رفرفاني
وختامها والحر نعرف هديده=وانت حرارٍ صيرمي زيزماني
دعيت رب الخلق عمرك يزيده=ويخلدك قلبٍ غمرنا حناني
قلت البيوت وزان نظم القصيده=والشعر مايرضى هزيل المعاني
محبكم - عبدالله الرقاص