رد النايفه على بنت قبيلتها

[النايفه]

السلام عليكم ورحمة الله وبركاته

اقدم لكم مساجله بيني وبين الاخت بنت قبيلتها

اجرينها على الخاص وأستاذنتها بنقلها لكم ان شاء الله تعجبكم


قالت بنت قبيلتها

يالنايفه تكفين يااغلى صديقه =الداب في داخل حشاي متثني
يالنايفه هذي جروحي عميقه = باسباب داب(ن) فالظلام يختلني
ماقلت غيرابغى لهرجك وثيقه =عرٌض هروجي صيحة(ن)تمتحني
بغيت استرله هروج(ن)تعيقه = صد وتكبـر والظــــنون يحــدنًي
يالنايفه للهرج سلم وطريـقه = ومايختلف في هرجةالخبل ظني
يالنايفه اشعر بذا الروح ضيقه = وعشان نخفي هالجروح ابنغني
ماقد عرفنا النار تطفي حريقه = وماقــد عرفنا يامر الخلق جني

ردي عليها

الصدر فدوه للجروح العتيقه =ومشاعري لمشاعرك ينتخني
موتي ولا بوق الرفيق برفيقه =أما قتلت الداب ولا قتلني
والداب شرس ولا علومه رقيقه = اكمع بسم ولا رفيقي يوني
يابنت هاك العلم مني حقيقه = ولا تتركين العلم يجاك مني
جل العلوم ولا مطارد دقيقه = يجاك خبلا عن كلامه تأني
من كثر هرجه يبس الهرج ريقه = ترى سكوت البيض فيه يحلني
والوسم نعرف حزته من بريقه = ولاكل حزات الوسم يبرقني

ومن اراد الاستماع للقصيدتين فعليه زيارة الرابط أدناه

http://www.al-hfah.com/vb/showthread.php?t=11429

[بنت قبيلتها]

النايفه شموخك ليس غريبا عليك
كذلك نخوتك ووفائك وطيب اصلك
باختصار افتخر اني عرفتــــــــــــك واشكرك لردك الجميل

[فيصل التوم]

الله يعافيك يالنايفه على هالنقل

المتميز بحد ذاته القصيدة وردها
جميله بشكل رائع
واصلي إبداعك
وبنت قبيتها التي أسعدتنا وابهرتنا فعلاً
بتواجدها بيننا وإبراز قصائدها الجزله

يعطيكم العافيه وما قصرتوا
إبداعكم وبالتوفيق
دمتمك بخير

[بدر الحافي]

لم ولن يكون الشعر محصور على الرجال اطلاقا
والدليل ماقرأت في هذه الصفحة

ابداع منقطع النظير بسراحة من الجميع

احترامي للمعنى والهدف والبدع والرد

شكر شكرا

[ابن مشيب]

الله يعطيك اختى النايفه


وكذالك بنت قبيلتها وتسلم

[حافي نجد]

هنا تميز البدع

ماقد عرفنا النار تطفـي حريقـه
وماقد عرفنا يامر الخلـق جنـي

وهنا تميز الرد

والوسم نعرف حزته من بريقه

ولاكل حزات الوسـم يبرقنـي

صح لسان كل منكن

[نايف مطلق بن مصيبيح]

صح الله السنتكم

ولا قول سوى ماقال

اخي بدر الحافي

[بعيد المدى]

النايفه صح لسانك
وسلمت يداك على النقل
وصح لسان بنت قبيلتها
وكلكم مبدعين اثنينكم

[ابن مجلبه]

الله الله على هالابداااااااااااااع

صح لسان بنت قبيلتها ملاييييييييييييين


صح لسان النايفة على هالرد الوافي


مساجلة جزلة و غير مستغربة هذه الابيات منهن


لا هنتي يا بنت قبيلتها و لا هانت النايفة


ازكى تحية للجميع

[النايفه]

المشاركة الأصلية كتبت بواسطة بنت قبيلتها

النايفه شموخك ليس غريبا عليك
كذلك نخوتك ووفائك وطيب اصلك
باختصار افتخر اني عرفتــــــــــــك واشكرك لردك الجميل

هلا بك يالغلا اخت وعزيزه

مرورك متوج بالذهب يابنت قبيلتها