(( حيل الله آقوى ))

[تركي الثبيتي]

	(( حيل الله آقوى )) ياطول ليل العنا واليوم ياقصره للّي عيونه لذيذ النوم حاربــــها الرأس موعود بالصكات من صغره ياما على هامته هبت هبايبها لكن في مامضى ما إهتزلي شعره آعز نفسي ولا غيري يحاسبها واليوم كل شئ تغيّر وإنكشف ستره وبعض العرب للطمع باعت مذاهبها من هول ماشفت مافكرت في بكره ضاقت بي الآرض وإصتكت جوانبها حسيت في داخل أعماقي كما الجمره من حرّها ذاب قلبي في لواهبها والجرح ينزف وعيني هلّت العبره دمعة ألم حايرة في عين صاحبها والكبد يبست وساقي ماجبر كسره والنفس عافت قبل تأخذ مطالبها والبحر هايج وموجه فاردٍ صدره إليا إحترك موجها تغرق مراكبها لامن قسى الوقت مالي في القدر قدره حيل الله أقوى ليا دقت مناسبها أكبر مصيبه لو الصابر نفذ صبره وساعات الأيام مادارت عقاربها لاقام من عثرةٍ يطيح في عثره دنياه مالامست يمناه غاربها الكل يضرب بسهم الغدر في ظهره وقوم النمايم تفتّل في شواربها كم من ضعيفٍ تسلق عالم الشهرة والناس لامن طلع هزّت مناكبها اللّي من أوّل سوات الفأر في جحره يخمدْ ليا نوّخت حوله ركايبها واليوم من زود ماله عالين قدره يزاحم أهل المناصب في مصايبها ومن لاّ معه مال بعض الناس تحتقره تفرح ليا غيرها حلت مصايبها وكم غافلٍ في زمانه جاهزٍ قبره واللّي حفر قبرها يركز نصايبها أصبح على خير وأمسى في حضن حفره هيهات دنياه لو تزهم يجاوبها لوكل منّا من الأيام أخذ عبره كان القرايب قريبه من قرايبها إليا قسى القلب صار أقسى من الصخره مايطفى النار لو شبت شبايبها الصقر لا من نوى مابات في وكره يحوم لو كان مايأمن عواقبها حرٍٍّ ليا من نهض يلقى لها دبره وعادات الأحرار تشبعها مخالبها الملك للّي مزون الخير تحت آمره لا لا ح براقها هلّت سحايبها (( تركي محمد الثبيتي ))

[ناصر بن سعود]

ابومحمد ياهلا ومرحبا

نور المنتدى بتواجدك

وصح لسانك على هذه الجزلة

ابداع

لاهنت

مع كل الود

[سعود بن سعد الحافي]

صح لسانك يالشاعر تركي

معاني جميلة و جزلة من شاعر جزل

صح لسانك مدد

مع التحية لك

،،،،،،،،،،،

[بنت قبيلتها]

لكن في مامضى ما إهتزلي شعره
آعز نفسي ولا غيري يحاسبها
واليوم كل شئ تغيّر وإنكشف ستره
وبعض العرب للطمع باعت مذاهبها
من هول ماشفت مافكرت في بكره
ضاقت بي الآرض وإصتكت جوانبها


رائعه جدا كلماااتك تلك
تقبل مروري

[نايف مطلق بن مصيبيح]

تركي الثبيتي

كل حرف دره فجتمعت الدرر

التي نظمها تركي الثبيتي

لينتج هذه الفريده

صح السانك

تقبل تحياتي واعجابي

[عزام]

صح لسانك وماقصرت
الله يعطيك العافيه

[سعود بن سعد الحافي]

قصيدة جميلة

تستحق العوده لها

لجمالها

صح لسانك ملايييييييين

مع التحية لك

،،،،،،،،،،،،،،،،،،،،

[تركي الثبيتي]

	ناصر بن سعود سعود بن سعد الحافي بنت قبيلتها ابو راكان عزام الحقيقه وجودكم هنا هوالرائع نورتم صفحتي اضفتم الى موضوعي بريقاً لاعدمنا هذه الطله ولا تحرموني تواجدكم في مواضيعي فلها اثرها الخاص على نفسي . تحياتي لكم وانتظروا القادم

[بعيد المدى]

تركي الثبيتي
صح لسانك والله يعطيك العافيه

[الودار اون لاين]

صح السانكـ ولاهنت