ممكن تجاربكم ياعملاء موبايلي والاتصالات

[بنت قبيلتها]

بسم الله الرحمن الرحيم

صباحكم-مسائكم رضا وهدايه
حبيت اوضح لكم السبب اللي دفعني لكتابة هالموضوع
هو اني استخدمت الاتصالات خمس سنوات
واستخدمت موبايلي تسع اشهر
ولاحظت بينهم فروق فرق الثرى عن الثريا
وحسيت مافيه اي مجال للمقارنه بينهم


اتمنى تفاعل منكم
وكل واحد يذكر انا تجربته مع شركته ويقول لنا عيوبها او مزاياه


بانتظار تفاعل الاعضاء

[ابن مجلبه]

يسعد مساءكـ بالخير

لي تقريبا اربعة سنوات استخدم stc مفوتر

صراحة فيها ظلم شوي من ناحية المبالغ

اضافة الى ان الخدمات مبالغ في اسعارها

كما ان تعامل موظفيها في نوع من الهمجية



و تقريبا لي 3 اشهر استخدمت موبايلي و صراحة شفت الفرق

لا من ناحية الخدمات او حتى تعامل موظفيها و رقي اسلوبهم




- خدمة موجود اكسترا بـstc قيمة الاشتراك فيها 8 ريالات شهرية

بينما موبايلي تقدم هذه الخدمة مجانا لعملائهاااااااااا ( هذا على سبيل المثال )


عموما استخدموا موبا يلي و ستشاهدون الفرق



بنت قبيلتها

الف شكر لكـ على ما قدمت

لا هنتي


ازكى تحية لكــ

[ابن الوطن]

STC

سرقة أفضل

لها مميزات حلوه بس الله يعينك بعد شهرين اذا نزلت الفاتورة كسرة ظهر

ولكن

mobily

بعض الخدمات ليست متوفرة حاليا

[بنت قبيلتها]

انا استخدمت الاتصالات ثم استخدمت موبايلي
كلها شحن
اولا الاتصالات تحترمك واذا كان فيه عطل تحله باسرع وقت تتعامل معك بمصداقيه
يعني ماتضحك عليك وتسكتك مثل موبايلي
موبايلي اللي يخرب عندهم مايصلحونه ان ماصلح من نفسه ولا مايلتفتون له
النظام عندهم بيب له صيانه
هذا غير ردودهم كل واحد له رد غير الثاني (كل واحد يهرج من راسه)
والدقايق عندهم بخمسين هلله
والاتصالات خمس وعشرين هلله
يالبيه يالاتصالات اثبتي جدارتك في وقت غيرك اثبت فشله
بس لو تشيلين التقارير وتحطينها ببلاش كان ياسلام

موبايلي حلوه بس للنت وغير الاتصالات وبس

[نايف مطلق بن مصيبيح]

موضوع جميل

بنسبه لى فناء في اسابق احد عملاء شركة الاتصالات

خدماتها جميله

عيوبها

1- ارتفاع سعر الفاتوره خيالى
2- تعامل الموضفين سي
3- خدمة الابراج سيه للغايه

زين

اسواء شركه وكبر شركه بعمليت النصب

زين عالم مظلم


موبايلى

خدماتها قليليه

ولاكن يعجبني بهذه الشركه المصداقيه

وحرصها على تلبيت طلابات عملائها

وهذه الحسنه الوحيده بهذه الشركه

عميل كل الشركات الثلاث

مع تعثر مرور مكالمتك

[بنت قبيلتها]

مشكور ابو راكان

يمكن يخدمونك لانك واسطه<<ترا امزح
بس انا لا احس شريحتي ددسن قرنبع مو شريحه
ننتظر تفاعل الاعضاء

[خالد بن عايض]

الله يمسيك بالنور والرضا بنت قبيلتها

بصراحه مافي الفيران فارا طاهر

كلهم اهدافهم ماديه بحته

بس نبي شي واحد التنافس بينهم

بس فيه بؤرة في هيئة الاتصالات

وصراحه انا حقدت على الاتصالات من زمان عشان الانترنت

وحطوني بلاك ليست

والحين مع موبايلي مع انه تغثك بعض الاوقات

يعني تخيلوا قبل فتره طالع برى وابي افعل خدمة التجوال يقولك انتظر 24 ساعه وصلت هناك اشغل جوالي الا مجمد واشتري شريحه وادق عليهم قالوا عليك مديونيه في سما

قلت الحين هرجتوا في المديونيات

شكلي بجيب شريحه

يعني تخيلوا برى الرسائل txt ببلاش من نفس الشركه

ولشركة ثانيه لك حد معين

هذا هو التنافس

بس الي عندنا اعتبرهم شركات الفرق بس تشوف ايهم تغطيته افضل

مشكوره بنت قبيلتها واسف على الاطاله

[ناصر بن سعود]

بالنسبة لي تعاملت مع الشركات الثلاث كلها

الأتصالات خدماتها لايعلا عليها لكن الله يعينك على الفاتورة

واذا اتصلت بخدمة العملاء انتظر من عشر دقائق الى ربع ساعة عشان يردون عليك

هذا اللي يغثك

اما الشركات الثانية فخدماتها سيئة بالنسبة لرسائل الوسائط وغيرها

وش حدك على المر قال اللي أمر منه

لكن فيه شركات ثانية بالطريق وتبي تصير الشغلة منافسة وتقديم خدمات بأقل الأسعار

وهذا اللي يبيه العميل

بنت قبيلتها موضوع مميز

كل الود

[بنت قبيلتها]

اشكرك اخوي خالد لاتعقيب على كلامك
ننتظر البقيه

[بنت قبيلتها]

اخوي نااااصر اشكرك على مرورك
وايضا كلامك لامس الجرح وتظل الاتصالات الافضل حتى اشعار اخر