رشيد الزلامي وفلاح القرقاح

[ســهــم الــهــيــلا]

رشيد الزلامي=
خلو لي القرقاح بن ريفة نبي نمزح عليه = المزح مع قحطان يطربني واحبه وارغبه
الله يعودك يا الزمان اللي يجوز المزح فيه = ما هو بيرفع جوخه الفارس ليا فرع ركبه


فلاح القرقاح =
قام الزلامي من حماس الله يرحم والديه = والشايب اليا قام غيرنا نظام الملعبه
ذكرتني يوم الشجاع يشال رزقه من يديه = والوقت الأول راح لكن المراجل متعبه


رشيد الزلامي=
يا ذا الكلام اللي يبيعونه وحنا نشتريه = بعض الاوادم لو عطوها السم يمكن يشربه
ياللي تلد لنجد ما في نجد شي تشتريه = ما غير عتبان ٍ تدوس الداب راسه وذنبه


فلاح القرقاح =
حنا نعد الحق يا عتيبه مثل عد الجنيه = وأنتم شعاعير وتقولون أعذب الشعر أكذبه
بالله كم كيلو متر من دون بيتك لو تبيه= نجد العذي أصبح على عتيبه وقحطان عربه


رشيد الزلامي=
والله ما فيكم قصور الله يبى من يتقيه = لكن عاندتو عتيبه والسبب من سببه
جنى عليك الشايب اللي يعتزي بامه وابيه = اللي يحاول ياخذ الدنيا على راس شنبه


فلاح القرقاح=
اسبابها زود الشجاعة والمحنك والسفيه = يدري إن عيال العود توعد و تحضر مير أنتبه
با لله فيه إنصاف يا زلامي هنا ولا ما فيه = سبحان ربن ٍ طوع اهل رهاط عند اهل تربه


رشيد الزلامي=
لا والله الا يا عيال العود بيضان الوجيه= بعد قلعنا رمسكم ما فيه شيء نطلبه
أنته تخاطب لك عتيبي ما يقوله يحتميه = نزل من الحره ونزل عودكم من منصبه


فلاح القرقاح=
بسبابنا كم واحد وقف هنا ينعى ذويه = والجزيه الجزيه ترى ما هي بحبة حبحبه
سيف ابن هادي كان في هالارض ذخر نقتنيه =عد رقبه وآعد يازلامي ثلاثين رقبه


رشيد الزلامي=
الوقت مقبل لك بخير كان تقدر تحتريه =وانته تحسب اللي لنا واللي لكم ما تحسبه
والله لو إن الامر يسمح ما تررد هيه هيه = لا روح انا وياك في اقصى ديرتك قش صلبه

[محال]

محاور أجمل من رائعة

[شبيه الريح]

سهم الهيلا

مشكور على هذه المحاورة للعمالقة في الشعر

وتقبل مروري

[الودار اون لاين]

يعطيك العافيه سهم الهيلا

تقبل مروري

[بعيد المدى]

سهم الهيلا الله يعطيكـ العافيه
محاوره شيقه سلمت يداكـ

[غريب ابن سمار]

يعطيك العافيه

[ابن ملحق]

لاهنت ع النقل

[المبدع]

تسلم على النقل المميز
محاورة في غاية الروعة
شكرا لك اخي على نقل المحاورة