سمو القصيده للنايفه

[النايفه]

السلام عليكم ورحمة الله وبركاته

سمعت هذه الابيات فحبيت ان ارد عليها

وش ينفعك طيب الاصل هو والانساب =يابنت يوم انك تسالين عنها
اليوم المال والمظهر خذو كل الاعجاب = ولا المراجل وقتنا ذا دفنها

وكان ردي

لعرفتك زاد الولع حب ألاعجاب = وش يزعلك يوم (ن)سألناك عنها
ماينبني بيت(ن)بلاعمد وأطناب= ولاتشرب قهوة(ن)قضى البن منها
وللموت يارجلاً بلا جد وأنساب = وشعاد لو عد الفلوس وخزنها
سلم على الاجواد طلقين ألاشناب=اللي يحدون الخطر عن وطنها
سلم ولا تخص الخوي دون الاجناب =يمكن مع الايام يقلب زمنها
ويجيك يوم (ن)واقفً به بلا أقراب= ويجي البعيد ودافعن لك ثمنها
لاتشعل الفتنه وتستقبل أحزاب = يجيك بحاث الخفى مع أعفنها
لاياسديد الراي لاتنقل الداب = أما لدغ يمناك ولا خدنها
خلك فطين (ن)من ذويين الالباب= أثر الكلام خيول وأمسك عننها
لاتبدي ألاصحاب على بعض الاصحاب=ألام وحده لو تعدد لبنها
والعذر ياجالك من باب الأداب = أدفن له الزله وعمق أدفنها
والطيب طيب لو غدا جسمه أتراب= ريح النفل والمسك فاح بكفنها

شعر النايفه

[بدر الحافي]

النايفة

العنوان سمو القصيدة
وانا اقول
سمو القصيدة ومعالي الشعر
ابداع ابداع ابداع
حقا ابدعتي
كعادتك


لاهنتي

[بنت قبيلتها]

ويجيك يوم (ن)واقفً به بلا أقـراب
ويجي البعيـد ودافعـن لـك ثمنهـا


بيت يحكي قصيده
ولاهانت قصيدتك
قوووه في الطرح كعادتك
تقبلي مروري

[بعيد المدى]

العذر ياجالك من باب الأداب
ادفن له الزله وعمق ادفنها


الــنـــــــــايـــــــــــفـــــــه

صح لسانك ثم صح لسانك وكما عواتينا على الجزل قصيده يتمعن القاري فيها من
الدرر في المعان ولا اقول غير الله يحفظك وكل التقدير لشخــــــــــصــــــكــــ

[العمدة]

الاخت النايفه رد وافي ماقصرتي ذكرتني هالقصيدة

بابيات من قصيدة للشاعر ابراهيم الصوفي ( ديوان العرب )

ومن بعد ذا اقول انا الناس انساب ...... والكل يرجع للأصل والقرابه .

واللي ينكر اصله تراه ينعاب .......... نذل خسيس وان كان مملي جرابه .

ترى الدراهم ما تسوي لك انساب...... وأنت لفوفه ما تظل لك مهابــــــــه .

وقدرك هو بين ربعك والأحباب ....... ومن دون ربعك ياكلنك الذيــــــــابه .

الرجل لازم في العسيرات ما يهاب .....ويخوض مع ربعه يوم الحرابـــــه .

[النايفه]

شكر اخ بدر على المرور

وصح بدنك

الله لايهينك والله

[النايفه]

شكرا يالعفيفه بنت قبيلتها

على المرور الراقي

انورت القصيده بوجودك

[النايفه]

حياك الله بعيد المدى

صح بدنك

مرورك شامخ الله لايهينك

[النايفه]

شكرا اخوي العمده على المرور

صح بدنك

مرورك سامي الله لايهينك

[نايف مطلق بن مصيبيح]

الشعر موهبه

لم يكن الشعر تصفيف الكلام لكتمال جمله معينه

وليس من السهل نظم قصيده

صح السانك مدد

قصيده جزله

وهذا غرض الشعر في وقته ومناسبته

تقبلى مروري