ܓܨܓ واحـة ضـ م ـيري ܓܨܓ

[بدر الحافي]

.

لـ بدر .. فقط ,..

عنونته بـ واحة ضـ م ـيري

آكتفي في هذا المتصفح بـ [ . مروركم الكريم . ] !

ܓܨܓ

.
.
.

واحة ضميري عليها من نهر دجلة=ومن السحايب عليها البارق الوجلي
ازرع بها الورد ما ازرع في ارضها فجله=شف زهرها يبتسم في خدها الخجلي
حروف مغرم وكاس العشق يمزج له=على سما الشوق يصدح طيره الزجلي
اليا دعت هاجس الاشعار ياعجله=وانا على اجابته فالحال ياعجلي
اهديتها العمر من ميلاده ليا اجله=قلت اسلمي يا فديت عيونك النجلي
سميتها ام الحياء والنظرة الخجلة=في حجاب عذراء وفي المنطوق مرتجله
من مخمل اغلا الحرير العقل تنسج له=وانا علشانها الخفاق ينسج لي
كلامها من خوايا الروح ترتجله=من طلسمة سحري الفرعوني ودجلي
ولّيتها العاطفة وشعوري الوجلة=وقالت تفضّل ودوك قلادتي وحجلي
قلت اقبلي والفضا من شانك اعرج له=لو العفاريت في المعراج تدرج لي
برد الشتاء نار مشتاقك تغنّج له=على ضفاف الضمير امست توهج لي
ياخذك نوم العوافي لا طوا سجله=وفلوا مناديب سهر العين لي سجلي
ليلي هلال الشهر فأول شهر حجله=قبل القمر يكتمل وجهه ويبلج لي
تايه زمانه من اول يوم يسرج له=جيوش بوش الابن وانا على رجلي

[بدر الحافي]

لله درك سرقت من النظر عينـي

وسلبـت روحـي قبـل ما تاخـذ فـؤادي

(

)

ملكت عطفي واخذت من اجمل سنيني

وش باقـي ؟ الا . .تعـال .. استعـمـر بـلادي

(

)

وان ما اكتفيت اخذني لاعاد تعطيني

عـادي وش أخـسـر بعـد مـا اخـذتـنـي عـادي

(

)

[بدر الحافي]

ياذا الغلا من بعيد الدار ل هنيا=وش خاتمة حبنا يالترف صارحني
اليا بغيت الوصال الي عطا عيا=وان قلت اقفي سهوم العشق تذبحني
كل الغلا لك حكمني حكم وبليا=قلب العنا في غلا الخفرات طارحني
ياشوق برق المحبة لا لمع ضيا=واحيا الهشيم ونما به عوده المحني
ماهوب واجب تطوّي حلمنا طيا=وتضرب عن الزاد وانا اقول مالحني
فان كان قصدك تموت وتذبح الحيا=تراك من نظرتك بالرمش سافحني
وان كان قصدك تحط بناظري كيا=الدمع وسمه على الاوجان شارحني
هيا تعال اشعل النيران بي هيا=وش تنتظر هاتها لا عاد تكسحني
اليا اجتمع في فوادك حب وحميا=مانيب لايمك تغليني وتجرحني
دم العروبة يبين بوجه ومحيا=والعز لا صافحك كأنه مصافحني

[بدر الحافي]

علمتني وشلون اقاوم دمعتي قبل القراق =واكفّها قدّام لا تسقط على راحة يديك
واليوم لو ودعتني والصدر من فرقاك ضاق=حرام ما تنزل دموعي من محاجرها عليك
خطاك يوم اجيك والخاطر على لاماك تاق=وتردني ودموع عيني واصلك قدّام اجيك

[بدر الحافي]

جيتك وانا كلي وله يدفعه شوق=واستقبلتني نار صدك وهجرك
لا جمل الله حالك ولا لك وفوق=ولا عظم الله في سواياك ..اجرك
رح والغلا يلقا من الخلق مخلوق=غيرك بدا فجره قبل نور فجرك

[بدر الحافي]

الغبن لاجا العين من حاجب العين=ماتشكي عيوني شقاها للاهداب
اعصا الدموع وكسرة العين ياحسين=ماهيب الي لو تاصل اعمار وارقاب
والقلب لو من ماجرا راح قسمين=اصبر ولا افتح للمناقيد الابواب

وللبوح بقية في الليلة القادمة