من منتدى الهيلا حمول المواجيب

[بجاد بن محمد الحافي]

اول قصيده لي في منتدى الهيلا اتمنا ان تنال استحسان الجميع

ببدي سما في نايفات المراقيب = ودي على راس الطويلات حزات
من عادتي مالاح في عارضي شيب = واليوم شايب والمواجيب عادات
من كون الدنيا ومن يعلم الغيب = غير الذي من فوق سبع السموات
الواحد اللي رتب الكون ترتيب = نرجى رضاه ومن يداه المسرات
يحمي وطنا من هل الزيف والريب = دارن بها الوافين عدل ومقامات
لوطانا حق الثنا والمطاليب = ولملوكنا مني جزيل التحيات
حنا فداى لوطانا والمعازيب = وحنا نحب الدار من خالص الذات
المخلصين من النشاما مناصيب = يعني حمات احماه في كل الاوقات
دارن ربتنا وحضتنا عن العيب = ومن خيرها عز النفوس العزيزات
من شانها شلنا السيوف المحاديب = على العدو مايلحق الراس شرهات
فرسانها يوم القصى واشهب الذيب = وجنودها يوم الرخى والملذات
ومن منتدى الهيلا حمول المواجيب = الشامخين عن الردى والمذلات
الخادمين لدوله العز والطيب = المخلصين بكل شتى المجالات
قلت القوافي في وطنا تراحيب = وحباً بسوقه فوق يم المجرات

الشاعر بجاد ابوديه العتيبي

[بدر الحافي]

الشاعر القدير بجاد محمد الحافي

صح لسانك صح لسانك مليون
ولا تسد
الله يحرم هالوجه عن النار
يابو نايف
لاهنت
سلمت سلمت ودمت

[بجاد بن محمد الحافي]

بدر الحافي كل كلمه من كلماتك كتبتها لي فخرا وشرف اشكرك اخوي ابن حافي الف مليون

[ابن الوطن]

الشاعر بجاد ابوديه


صح لسانكــــ

[بجاد بن محمد الحافي]

صح بندنك والله يسلمك اخوي

[العمدة]

ابو نايف صح لسانك على هالقصيدة الجزلة

وفقك الله

[بعيد المدى]

ابونايف صح لسانك

[بجاد بن محمد الحافي]

العمده بعيد المدى اشكركم والله لايهينكم

[نايف مطلق بن مصيبيح]

ابو نايف

صح السانك وبيض الله وجهك

هذي عوايدك الجزاله

[ناصر بن سعود]

ابونايف صح لسانك ملايين

جزل جزل

بصراحة يطربني سماع شعرك

ربي يجعلك ذخر لعتيبة عامة والحفاة خاصة

والله يعطيك طول الصحة

مع كل الود