شاقني فالحيا سحبآ تقافـت وديمـه

[بجاد بن محمد الحافي]

شاقني فالحيا سحبآ تقافـت وديمـه=تسقي الظاميات من الوطا في مطرها
كنها يوم يوضي برقها وسـط خيمـه=راسها فالسماء واطنابها في بحرهـا
مثل بعض الفعول اللي لأهلنا قديمـه=يوم يقراء على النفس الفطينه خبرها
مرحبا من ضمير فيه للنـاس شيمـه=والبشر لو تحت وزن الوفاء ماحقرها
وميزته في حياته مايـدان الظليمـه=غير عثرة رفيقن كلماء جت غفرهـا
والسوالف وراء بعض المواقف عقيمه=وش عقيمه عديمه كلها في صورهـا
يوم حنا ذوي مروي وسيف وشكيمـه=والعرب كلبوهـا فـي ذرانـا ديرهـا
عندنا فالشدايد مـن يـد الله عزيمـه=وفي نواص الاصائل عزها ثم فخرهـا
كم لحقنا امنكوبن على وسق ريمـه=وكم نطحنا لقومن معطيتنـا نحرهـا
وكم ركبنا لخيل مع خطـاة الخريمـه=والسوالف بحد السيف رؤسن جزرها
فوقها الطير حايم واحمرالـدم نديمـه=ويشبع الذيب فيها غايـب ماحظرهـا
محتوين الضعيف ومكرميـن اليتيمـه =واصلنا والمراجل ليلـة فـي قمرهـا
علم اللي يقول ان المراجـل وسيمـه=عند جدي لجده مار مـات وخسرهـا
علمه قول منـت بحولهـا يالبهيمـه=جدك اللي تقوله قدمكـم قـد قبرهـا
تربطه في جذوع القشع طية بريمـه=لوبغت جدتك ترفع مقامـه عسرهـا
واصلنا من ذوي صقر الرجال العظيمه= فالزمان الرحوب وفالسنين وكدرهـا
حاسمين المواقف والنوايـا سليمـه=ماتورى عصاة القـوم فينـا خطـره
والفعـول الجيـده ثابتاتـن مقيمـه=من شيوخ القبيله باقيه فـي جبرهـا
يحسبون الـدوادي فالقبيلـه غنيمـه= نعنبوها شـوارب شايبـن ماوقرهـا
جيدن فالسوالف الاجتمع مع حريمـه=والرجال الكبيره طايحن مـن نظرهـا
لاسمع له علومن من خطاة الهليمـه=لمها ثـم عليهـا زاد زود ونشرهـا
يحسبنه على بعض المواقف صتيمـه=هرجتن في قفا ولا عجـوزن نحرهـا
والثنا في حياته عنده اكبـر جريمـه=هكذا الله خلق بعض العرب واعتبرها
والله انه مايلوي بالرداء راس سيمـه=قدم راسي وعيني منه تمـلا نظرهـا

الشاعر بجاد بن محمدبن مروي

[فهد مزيد الحافي]

قصيده جميله سلمت .......................... ابونايف....................تقبل مروري

[ابن سمار الحافي]

صح لسانك اخوي بجاد

تقبل مروري

[نايف بن مزيد]

ابــو نايـــف....

صــح لســانكــ..
ويـــن الغيبــات........

[ابن الوطن]

صح لسانك يابو محمد

[النهر الجارف]

صح لسانك ابو نايف قصيده جزله قويه مشاء الله

[النايفه]

يوم حنا ذوي مروي وسيف وشكيمه
والعرب كلبوها في ذرانا ديرها


اكيد طال عمرك وصح لسانك

[بجاد بن محمد الحافي]

مرحباء اخواني اسعتموني بمروركم وشكرا

[محمدالوافي]

صح لسانك يا ابو محمد وكفو بذوي مروي والحفاة كلهم بدون قصور

[بجاد بن محمد الحافي]

محمد الوافي شكرا على مرورك وفعلا ونعم بالجميع