قصيدة المجاراة الثانية ( الحد الجنوبي )

[سلمان عزيز]

السلام عليكم ورحمة الله وبركاته

أسعد الله جميع أوقاتكم بكل خير

يسعدني ويشرفني أن أبدأ بالمجاراة الثانية بعنوان ( الحد الجنوبي )

على الحد الجنوبي للبواسل ياوطن ميعاد=تدك اقصى حصون الشر والشله تزلزلها
على الميعاد حنا ياوطن وقت الجهاد جهاد=نفادي بالعمار وفرحة العدوان نقتلها
تحت راي الزعيم اللي عن اوطان العروبه ذاد=ودافع عن حقوق المسلمين ولا تجاهلها
حكيما بالمواقف يعرف المصدار والميراد=سياسيا محنك ينقض الخطه ويفتلها
ابومتعب ملكنا اللي على عرش الجزيره ساد=ملكنا اللي يزور الناس في داخل منازلها
مثل ما يفعل الفاروق في عهده هنا ينعاد=يعيده خادم البيتين عبدالله ويفعلها
هذا الأب الحنون اللي بقلبه للحنان بلاد=هذا اللي شال هم شعوب واسقاها وأكلها
عسى الله يحفظك ذخرا لنا ياسيد الأسياد=ويشفي ساعدك سلطان وسنينه يطولها
ابوخالد حليف الجود راع الزود ياما جاد=يمينه بالعطايا مثل غر المزن وابلها
شجاعا صيرميا شامخ الهامه شموخ اوتاد=شموخ اوتاد الأرض اللي خلقها الله وجللها
وسمو النايب الثاني وزير الداخليه قاد=صقورا تحفظ امن الدار خارجها وداخلها
على الإرهاب شب النار نايف للصقور سناد=يداهم شلة الإرهاب في داخل معاقلها
ولا انسى بدر دوره بالحرس بارز وله ميراد=اميرا وقفته تحسب وصعب انا نهملها
ومتعب طال عمره له مع اصحاب الشداد شداد=اوامر سيدي يامر بها متعب ويزهلها
ترى كل الكتايب جاهزه للحرب والإمداد=مواقفنا تشرف والعرب تعرف فعايلها
عسى الله يحفظك يادارنا ويدمر الحساد=نهاية شلة الحوثي نعلقها بأسافلها

فعلى الراغبين بالمجاراة من الشعراء لهذه القصيدة

ارسال المجاراة على الرابط التالي

http://www.alhfah.com/vb/newthread.p...newthread&f=38


دمتم بحفظ الرحمن