نشرة حكيم::::::::::::::::::

[سويلم عرنان الخراص]

لها طابعها الخاص عسى ان تنال على الاعجاب

القرار المتخذ نسبح فضاك=كيفي الدله واحشمك ياالحشيم
ادري انك جيت يسعد لك مساك =مير خلك فالطريق المستقيم
ليه يالهاجوس مايمطر سماك=لاضويت وصرت في صدري مقيم
اعتقد مافيه شين ويغواك=ياشعورن ظلمك بوقتك مهيم
ذكر اللي غافلن عنك ونساك=لايمشيها علي شخصن حليم
ناد بااعلى الصوت واسمع ياهذاك=انته المخطي وهو دربه سليم
حظك المقفي على ضيمك رماك=وطحت في جون على الغبه عتيم
تلتجي صوب البرائه وتحداك=غلطتك لين انكشف مافالصميم
والا هو يشقى ويسعى في رضاك=ماسمع فيك اللبيب مع الغشيم
في غيابك لابدا شي يحماك =وانت توريه البهاذل والحميم
وان كشفك ابرك لتحميلة خطاك=لين عظمك يصبح بحملك حطيم
نشرتن جتكم ولافيها ارتباك=ياثنينه واسمعو نشرة حكيم
وبعدها مدام ذعذعلي هواك=مايردك ياالهبوب الااللئيم
ياكريمه جيتي بصورة ملاك= في ظلام الليل والقمرى زعيم
صورتن تسمو قبل عقد الشباك=يوم ماطردارناغشنه وديم
دالهين عن التشتت والهلاك=تضحك الخطر ولافيناشأيم
ياكريمه حسبي الله وش بلاك=هلت العبره وفرحنا خصيم
ارجعيله ياسريعه في خطاك=بلغيه الحال من بعده سقيم
وقولي سويلم رهينن في رجاك =انه عشره واشف جرحن لك قديم
خط قرمن يرسله والخط جاك =جتبه الك الريح وافهم يافهيم
مابقى غير انت يامعلن ولاك=للهجوس وجبت سين وجبت جيم
كل ماحلت تشبكلي يداك=والله لتصبح بعون الله نديم
لازم اخلف هقوت اللي بي هقاك=تخلف الاحوال ولسره كتيم
يرسلك وانت صغير في صباك=صاحين لك واله واقنع يازنيم
والله لتركد ويرجعله غثاك=لو صدى المخفي وصل حدالسديم
عارفن ياكيد كايد وش دواك=سورتن من قول رحمن رحيم
واذكر الرابع بفن الاشتباك=شربك العالم ومسكين اليتيم
حارب المقفي بمقبل وانتواك=يالمسالم هقوته سيفك ثليم
ضحك سنك ماحجب عني رداك=لامتى وانته بوضعك مستديم
بدل الغيبه بذكره والسواك=كل ماحولك يبايصبح هشيم
ماوطى غيرك لبد انه يطاك= مايدوم الا الولي حين عظيم
وقبل مااطف الليت واصك الشباك= اذكر اللي يحيي العظم الرميم

[ناصر بن سعود]

ياسلام ياسلام يابو عرنان

ابداع

صح لسانك لين ترضى

الله لايهينك

[شبيه الريح]

صح لسانك يابو عرنان على هذا الإبداع

وننتظر منك المزيد من القصائد الجزلة

[نايف بن مزيد]

صــح لســانكــ ...يــابو عــرنــان.......

وننتظــر جــديدكــ..

[عاشق الديره]

سويلم
يعطيك العافيه

[بعيد المدى]

سويلم بن عرنان صح لسانك
على ها
الجزاله والراقيه

[سويلم عرنان الخراص]

مشكورين على التواجد الله لايهينكم

دمتم بالمعزه

[حامد الروقي]

صح لسانك



وبيض الله وجهك



تقبل مروري


وسامحني مبطي مامريت المنتدى بسبب المشاغل واسعدني جدا وجودك وديوانك

الله يحييك .

اخوك :حامد الروقي.

[برق الحيا]

سويلم عرنان الخراص


صح لسانك

[شباب الحافي]

ابوعرنان

صح لسانك

على القصيدة الجزله