الغاز من تاليفي

[حامد الروقي]

بسم الله الرحمن الريحيم


السلام عليكم ورحمة الله وبركاته

هذه الالغاز من رغب من القراء الكرام ان يشارك بالمنتدى باحدها فابمكانه ان يطلب الحل برسالة خاصه ويقوم بادراج اللغز في قسم الالغاز ويكون الحل عنده بعد طلبه مني .لا يسمح للاعضاء طرح حلول هنا ايضا الالغاز التي باللون الاحمر لن يتم استقبال طلب حلها او طلب ادراجها في اي منتدى .

اللغز الاول .1

انشدك عن شي ن مطيره عجيبي = يطير متفرق ولا شاله جناح
من سبته مخزوم خشم الصليبي = وعزي لدار مابها مثله اسلام

اللغز الثاني 2

انشدك عن من يستحيل انا نراه = كنا نراه وسد عينه سيده
من يشتمه ياثم وياثم من هجاه = واللي ذكره بخير لازم نيده
يموت مايبقى وهذا منتهاه = سبحان ربي سيره ومقيده

اللغز الثالث 3

انا بنشد عن اللي لارتفع مايلحقه معصير = كثير من النشاما لامدح لازم يحلابه
مقيد بس لاتتعب ولا يطري عليك بعير = ولا يطري عليك حصان واضح تعرف انسابه
يعلف باللحم مافيه مره علفوه شعير = يسيربه يبشربه يدوربه ويغزابه

اللغز الرابع 4

بعد كذب زوجها ياقوم فارقها = والحزن في داخله يكتض بعماقه
بعد فراقه مشت والحزن يغرقها = لين اوصلت للي الله يلعن اعراقه
شلت يده مرتين وبعده اعتقها = يرجع لها الفضل بعد الله بعتاقه

اللغز الخامس 5

انشدك عن شي ضلوعه ثمانيه = في عصرنا الحاضر وماضي زمانيه
ماتوا محبينه من الجوع والعطش = واللي يحرسونه سوات الحصانيه
يخبط له المرباع لافتح النفل = مايوكل ولا يوم ينحط بانيه

اللغز الخامس 6

انشد عن اللي ساعدن الدواوير = ويساعدن اللي يسير بطريقه
فيهن من خلى طريق الغنادير = تشرق عليه الشمس مافك ريقه
الضيف يفرقهن عن اللي مدابير= وبرحلته مافيه شي يعيقه

اللغز السابع 7

انشد عن اللي قدومه مايبشربه = ماتفرق عيالها عن شكل شايبها
والناس تنحاش عنه ولاتبي قربه = تمطر على الارض لكن شين صايبها
لو تذبح الضب عقبه ماظهر ثربه = اللي على الارض مركيتن ترايبها

يتم التحديث باذن الله في الموضوع اذا طرى الغاز اخرى ..

[عبدالرحمن الحمد]

صح لسانك يا القرم وبيض الله وجهك
تقبل مني خالص الشكر والتقدير
مع التحيه

[طالب الحور]

باركـ الله فيكـ حامد الروقي

[مرزوق الحافي]

صح لسانك أخوي حامد

[حامد الروقي]

صحة ابدانكم اخواني وياهلابكم



تحياتي

[بن كليفيخ الوافي]

صح لسانك

وبيض الله وجهك

وماقصرررت

تقبل المرور

بن كليفيخ الوافي

[حامد الروقي]

تتم الحلو بطريقه ادراج احد الالغاز في المنتدى في قسم الالغاز .


تحياتي.

[شباب الحافي]

صح لسانك
وبيض الله وجهك

[حامد الروقي]

وجهك ابيض اخوي السكب

حياك الله

تحياتي.

[hafi511]

..صح الله لسانك وعلا شانك..

..قصيده جزله من راس جزل..

..وانتظر جديدك..

..تسلم يمناك..

..كل التحايا..