فؤاد بن خرصان يرثي محمد ابن عليان

[ناصر الحافي]

بسم الله الرحمن الرحيم


السلام عليكم ورحمة الله وبركاته


رثاء في /محمد بن عبد الله ابن عليان الحافي العتيبي رحمه الله واسكنه فسيح جنانه

للشاعر فؤاد بن سعد بن خرصان الحافي



..

يا الله يـا منشـي حقـوق الخيالـي=يا لواحد اللي من ترجاك مـا خـاب
أنت الوحيـد اللـي عليـك اتكالـي=يا محصي الآجال بكتـاب وحسـاب
أنـك تصبرنـا علـى كـل حالـي=وتجبر عزانا يـوم حلـن الأسبـاب
جاني خبر ضيعـت حتـى السؤالـي=نسيت فرض الظهر لين الشفق ماغاب
من يوم قالـوا مـات تالـي خوالـي=أونست في صدري من نار مشهـاب
لا والله ألاراح راع الـمـعـالــي=الطيـب اللـي دوم للطيـب كسـاب
شيـال صعبـات الحمـول الثقالـي=يحسب حسابه عند ربعه والاجنـاب
يفـزع بجاهـه دونهـم مـا يبالـي=سقم الحريب اليا أكترب حبل الانشاب
دايم وهو طرقـي جنـوب وشمالـي=مثل المحامي دون ربعه بـلا أتعـاب
رجل إليـا عـدو زحـول الرجالـي=عزمه شديد وللصعيبـات مـا هـاب
تبكي علـى فرقـاه صفـر الدلالـي=ومشـب نـار دايـم فاتـح البـاب
ويبكيه مـن حدتـه سـواد الليالـي=صكوا عليه ا عداه والدمـع سكـاب
يقـوم مـن دونـه بجـاه ومـالـي=يرد حقه لـو نشـب بيـن الأنيـاب
لو قمت أعداد فيـه كـل الخصالـي=عجز القلم والقاف من كثرها شـاب
أعزي أخواني مـع اعيـال خالـي=وكل القبيلة في عزيـز بعـد غـاب
عسى العوض فـي طيبيـن العيالـي=يرقـون للعليـا عريبيـن الأنسـاب
وعسـاه فالجنـه بمنـزال عـالـي=في جنه الفردوس تفتـح لـه أبـواب
برحمـة المولـى عزيـز الجلالـي=يأخذ كتابه في يمينـه بـلا احسـاب

الشاعر/ فؤاد بن سعد بن خرصان الحافي

[نايف مطلق بن مصيبيح]

رحم الله محمد عبدالله بن عليان

وبيض الله وجهك اخوي ناصر وجه الشاعر

[[.. البدر ..]]

رحم الله محمد بن عبدالله بن عليان

وسلم الله لنا يد ناقلها

صح لسان الشاعر فؤاد بن سعد بن خرصان


قصيده جزله



شكرا يالذيب

[ناصر الحافي]

صحت ابدانكم جميعاً وجزاكم الله خير

[مرزوق الحافي]

شكرآ على النقل وصح والله لسان فؤاد

والله

يرحم

محمد بن عبدالله بن عليان

[ناصر الحافي]

مرزوق

جزاك الله خير ولاهنت على المرور

[طالب الحور]

لاهنت ناصر على النقل
باركـ الله فيكـ

[ناصر الحافي]

ياهلا يامبارك


اسعدني تواجدك واطلاعك