((صقر العروبة ..))

[تركي الثبيتي]

في شهر ذي الحجة نهاية ثلاثين=قدّام حجاجه تحل الحٍراما
في الأربعاء قبل وقوف الملبين=إبيوم غطى الشمس مثل العساما
لاحت بروق الخير في إشمال ويمين=وهلّت على جدة مزون الغماما
هلّت ومعها حدّرت دمعة العين=على الضحايا من شيوخ ويتاما
السيل سال وبينّ الشين والزين=بانت خفايا من ثلاثين عاما
الكارثه حلّت بناس مساكين=صارت منازلهم دمار وركاما
نهض لهم في الحال زبن الضعيفين=وجبر على كفّه كسير العظاما
نهض وتدعيله قلوب الملايين=في جنّة الفردوس يوم القياما
داوى الجراح وصدّر أمره في الحين=وسطع شعاع النور بعد الظلاما
ملك على التقوى رفع راية الدين=يحكم بشرع الله رفيع المقاما
ملك يخاف الله في العسر واللين=حرٍ على العليا تعلّى وحاما
صقر العروبه لا كفخ بالجناحين=عينه على شعبه تعاف المناما
قدام ابو متعب تًعُقٍِل المجانين=ومن لا عقل يحرم عليه الطعاما
سيف العدل بالحق مايترك الدين=يقص روس إمخالفين النظاما
أرض الوطن مادنّسوها المعادين=ولاربوّا فيها عيال الحراما
من دونها حكام عدل وسلاطين=سقم المعادي في نهار الزحاما
الله يعزّ إملوكنا قولوا آمين=ويجعل لهم في كل خطوة سلاما
مع خالد الفيصل ليا جا براهين=يكسر مقام إمبيعّين الذماما
من هيبته ترقد عيال الشياطين=ومن نظرته يبرك كبير السناما
طيّب مع الطيّب وقاسي مع الشين=وبالحق من يستفزعه مايضاما
أمير فارس في جميع الميادين=قول وفعل ماهو مجرّد كلاما
الشعب عنده دايم السيف سيفين=سيف القصايد والعدل له وساما
في إقلوب كل الشعب حبّه من سنين=الكل يذخر له قدر وإحتراما
تم الكلام اللّي كتبته في يومين=حتى نشرته للرجال الحشاما
من شاعرٍ في قلبه الجرح جرحين=جرح الزمان وجرح طعن السهاما
مايفهمه غير الرّجال الفهيمين=مايلحقه منهم عتاب وملاما

تركي محمد الثبيتي ...

[برق الحيا]

تركي

صح لسانك

[شباب الحافي]

تركي

صح لسانك

على القصيدة الجزله

[شبيه الريح]

تركي صح لسانك يالقرم

[ابن الوطن]

تركي


صـــــح لسانك

[الجذع الروقي]

صح إلسانك وتقبل مروري ...

[غريب ابن سمار]

صـــــح لــــســـــانـــــكـ

[صقر الثامرية]

صـــــح لــــســـــانـــــكـ