القلم

[حامد الروقي]

القلمـــــــــــــــــــــــــــــــــ

يعلم الله نهيتك يـوم دربـك خطيـر= بس جيت ومعـك بلـواك مجترهـا
تكشف الستر ليتك يوم تدري ستير= كان ماتت نفوس أعداي من حرهـا
كان منته بتايـب لاتصيـر السفيـر= خل غيرك يداوي النفـس ويسرهـا
ياعرب وين أبا ألقى للمعـارك مغيـر= يتصـدى لهجمـة قايـدا كـرهـا
يحمل الترس والرمح ويسل الشطير =صابرا مثل صبري لوشـرب مرهـا
يورد عداي فوج وفـوج للزمهريـر= دامحـن زلت الاصحـاب ماضرهـا
فيه مني ومنـي فيـه شـي كثيـر =يقبل اخذ الا وآمر لوهـي اشرهـا
فيه مني شبه لوهو مهوب الكبيـر= يضرب اخطارها فالبحـر مع برهـا
احتسيه إليالـن شرهـا مستطيـر= لقبلـت بالغبـون لحـدي تجرهـا
جرته ماتبى مـري بدربـه يسيـر= كنها الشمس للـي منكـم يمرهـا
ياول الخلق ماضني بدالـك عشير= مكرمـه مـن إلاه عالـم سرهـا
أنت والشعر مثل السيف وسط الجفير= حافظـا عنـي الابيـات وتبـرهـا
من فقد صحبتك والله ماهـو بخيـر =أثمن من الكنوز اللي زهـا درهـا

وسلامتكم .

[حافي حائل]

صح لسانك يابعد حيي

[عبدالرحمن الحمد]

الله الله
صح الله لسانك يا القرم وبيض الله وجهك
تقبل مني خالص الشكر والتقدير
احترامي يا الغالي

[نايف مطلق بن مصيبيح]

صح السانك

حامد الروقي

مبدع تقبل تحياتي ومروري

[ناصر الحافي]

فكرة القلم ،،،


ابداع اخوي حامد ولاهنت صح لسانك


دائماً متابع لجديدك


تقبل مروري واحترامي

[طالب الحور]

وأنت سـالم

مبدع حامد الروقي

لاهنت وننتظر جديدكـ

[حامد الروقي]

اهلا بكم اخواني صحة ابدانكم



مروركم يسعدني

[مرزوق الحافي]

إبداع وتصوير مثير

صح لسانك

أخوي

حامد

نترقب جديدك

تحياااتي لك

[حامد الروقي]

هلابك اخو ي / مرزوق



وتسلم على المرور الكريم

تحيه طيبه

[بن كليفيخ الوافي]

صح لسانك ياشاعرنا

ماقصرت علي القصيده


تقبل مروري
بن كليفيخ
الوافي الحافي