رحلة عمر

[تركي الثبيتي]

يوم أقبلت صوّت لها القلب في الحال=من فرحتي زلّ القدم خطوتيني
قلت أقترب ليل السعد والخطر زال=وإستيقض الجر القديم الدفيني
قدام أشوفك يالغلا ضايق البال=وحيد مالي في زماني عويني
قالت ترى ماكل حاجات تنقال=لكن شوف الفرق بينك وبيني
المستوى المرموق والعز والمال=واللي في بالي لا طلبتة يجيني
قلت المسافة يحسبوها بالأميال=والعمر تحسب رحلته بالسنيني
يمكن في لمحة طرف يتبدل الحال=والحر يسريله بصيد ثميني
قالت كلامك زين ياطيب الفال=معناه مايخفى على العارفيني
لكنّ ماتقدر على القلب تحتال=بدري عليك الحلو يانور عيني
قلت الهوى والشوق ياشوق قتال=إن لاح برقة كل خافي يبيني
صدق المشاعر سيل جارف ليا سال=يطفي لهيب النار في كل حيني
قالت على هونك ترى القلب ما مال=وإن مال يمّك كثروا الحاسديني
تاخذ لها جولة مع القيل والقال=تشك في مقصدك وتشك فيني
قلت الوفا ما هو بعادات الأنذال=واعمالهم ما تخدع الفاهميني
عند الشدايد تذلف يمين وشمال=شلّه وقايدهم بليس اللعيني
قالت علامك كنّ في الأرض زلزال=ترجف عظامك وأنت شكلك حزيني
إن كان خايف صدّ وأمثالك أمثال=عاشوا بخوف وكنّهم ميّتيني
قلت إنتهى الموضوع والليل لوطال=تنسين ما قلته ولا تذكريني
حبك سكن قلبي وتاريخك إنهال=صرتي كما الخاتم في أصابع يديني
قالت تبي تتعب والأقوال بأفعال=تعيش في غربة وهم وأنيني
حتى إيش لوحرّكت موجات الإرسال=أقيس فيك الشك قبل اليقيني
قلت إستعدي زين في كل الأحوال=مالك ملاذ وكل قاسي يليني
هذي حياتي بين حلٍّ وترحال=مالي مكان إبخانت الخايفيني
قالت معك لا صرت لي ستر وإظلال=سوى سوى حتى الليالي تزيني
في إقلوبنا للحب والشوق منزّال=أنا شمالك وأنت عني يميني

[بعيد المدى]

تركي الثبيتي


صح لسانك

[تركي الثبيتي]

بعيد المدى

مشكور على ردك الرائع

يعطيك الف عافية يالغالي

لا هنت

[برق الحيا]

تركي


صح لسانك

[النايفه]

ياسلام يالشاعر تركي ياسلام

صح لسانك

ومشاء الله تبارك الله شعر جزل

لك الاحترام والتقدير

[ابن وافي]

اخوي تركي


صح لسانك ..واعتلاء شأنك ...



ابن وافي

[ابن الوطن]

صـــــــــــح لسانك يا تركي

[تركي الثبيتي]

أنا خويك لاعوى الذيب لذيب
النايفة
إبن وافي
إبن الوطن
لقد أسعدت جدا وهللت صفحاتي بمروركم العطر والرائع
فإن كانت قصيدتي جميلا
فتأكدوا .أنه لن يرقى لجمال حضوركم
وأتمنى أن تتقبلوا مني
كل ما أملك من مشاعر أخوه وإحترام وتقدير

وأتمنى أن أكون أنصفت الطرفين

[نايف مطلق بن مصيبيح]

صح السانك

اخوي تركي

مبدع

بارك الله فيك

[ابن مشيب]

صح لسانك وتسلم على


هالقصيده وكل الود لك