ردية بيني وبين الشاعر عادل منور الثبيتي

[سلمان عزيز]

السلام عليكم ورحمة الله وبركاته

أسعد الله جميع أوقاتكم بكل خير

هذه ردية بيني وبين الشاعر / عادل بن منور الثبيتي

مدير منتديات قبيلة الثبتة

سلام مني والمعاني حزينه=حزن الاسير بدون حق بوطنا
سلام وسطور القوافي رزينه=رزن الصحون لضيفنامن كرمنا
سلام وابيات القصايد مدينه=لاساكنه فينا ولابها سكنا
وسلام ياصل كل قرمآ يمينه=سباقتن بالطيب ماهي تونا
الي ليامن مد يعطي السمينه=يعطي ولايتبع عطاياه منا
حاز المراجل من فعايل يدينه=ماجابها تلفيق منا ومنا
من ساس قومآ بالمراجل فطينه=قومآ يديها بالكرامه تحنا
هذاك جعله طايلاتن سنينه =يبقي لحزات المفاخر فخرنا
شرواك يامن له خفوقي حنينه=حن الرعد من عقب غيبتك عنا
الغايه إن الحال ماهي بزينه=وضروفنا عن شوف مثلك حدنا
مير العذر ياهل العقول الذهينه=إن كان قصرنا وضاعت حيلنا
الصبر زين وكل شي بحينه=يصير بامر الي عليه إتكلنا

عادل بن منور الثبيتي

وهذا ردي عليه

يامرحبا ترحيب حاضر بحينه=من هاجسن رحب وهلا وثنا
فتحت للهاجس قفول الخزينه=وجت لي هواجيسي على ما اتمنا
وان كان يوجد في وطنا رهينه=مكرم معزز والردا ماشحنا
ترى الأمانه باليدين الأمينه=وعز الوطن نتعب له انتم وحنا
والطيب عدا كلنا واردينه=وان راده الله يالثبيتي وصلنا
وانته ذهين من الرجال الذهينه=وان فاتن البيتين ما يحسبنا
بيت الكرم مافيه شي(ن) يدينه=وبيت الفخر مافيه شك(ن) وظنا
ياللي تقول ظروف وقتي لعينه=الوقت ما ريح فواد المعنا
الآدمي يشقى وربه عوينه=وعقب العنا لن قاله الله تهنا
واللي يداحم بالجنوب المتينه=يحسب حسابه لا يداحم جملنا
قل للقرين اللي يخاطب قرينه=حنا ترانا بالهجوس اقترنا
علم اليقين تحصله مع جهينه=اللي سروا به يوم غزوة مهنا
الله يبارك بالحصون الحصينه=اللي حنان اسوارها يحتضنا
ياعادل اصحاب العقول الرزينه=بيوتهم في كل حاره تبنا
وشعيل لا يعقب هديره حنينه=تراه عيب اليا هدر ثم حنا

سلمان بن عزيز الحافي

[ناصر بن سعود]

حجز ملكي رقم (1)

صح لسان الثبيتي

وصح لسانك يابوراكان

صوت وصدى ولاأروع

الله يعطيكم العافية

[سلمان عزيز]

صح بدنك يابوسعود
ومرورك شرف

[النايفه]

الغايه إن الحال ماهي بزينه =وضروفنا عن شوف مثلك حدنا

صدقت يالشاعر عادل وصح لسانك مليون مره

ياللي تقول ظروف وقتي لعينه =الوقت ما ريح فواد المعنا

صدقت يالشاعر سلمان وصح لسانك ورد وافي مشاء الله

[بعيد المدى]

صح الله لسان الشاعر عادل

وصح الله لسانك يا ابو راكان

[مريض المحبه]

صح الله لسان الثبيتي


وصح الله لسانك يابو راكان


ماعرف كيف اعبر عن اعجابي بك

[ابن الوطن]

صح لسان لسانك يا سلمان


وصح لسانك يا عادل

[برق الحيا]

صح لسان الثبيتي

وصح لسانك يابوراكان

[بدر الحافي]

الله الله الله

بدع من شاعر متمكن
ورد راهي ووافي من شاعر علم

الشاعر سلمان عزيز ابوراكان
صح لسانك صح لسانك لين ترضى اي والله

[سعد حميد الثبيتي]

بدع من شاعر متمكن
ورد راهي ووافي من شاعر علم

الشاعر سلمان عزيز ابوراكان
صح لسانك صح لسانك لين ترضى اي والله[/quote]