ردّي الثاني على قصيدة مدح قبيلة عتيبة العريقه

[سعود بن سعد الحافي]

الشاعر الكبير المعروف / احمد الجريفاني الشمري
قال القصيدة التالية مدح في عتيبه ،،
**************************

الطيب راسخ في قبيلة (عتيبـه) = ودك تأكد زود عاشـر عتيبـي
لو تطلبه روحه نهض لك يجيبه = يقول جاتك لو طلبهـا صعيبـي

من حشمته لك تحسب انك قريبه = صديقهم يحسب بحسبة قريبـي

نخوه كرم عزه شهامه وطيبـه = ازريت لالقى با الرجاجيل عيبـي

تشوف سلم شيوخهم باالشبيبـه = ابو عشر مثل الذي فيه شيبـي

محسود من يصبح عتيبي نسيبه = تلقاه دايـم يفتخـر باالنسيبـي

تبرى جروحه لو جروحه عطيبه = ولا يهزه كـل وقتـن عصيبـي

قاله ولد حايل ولاهي غريبه = مدح الذي للناس يهدون طيبـي

(الشمري)يفخر بمدحة صحيبـه = لا صار يستاهل وش اللي غريبي

ما يمدح اللي في مواريه خيبـه = المدح يذخـر للهمـام النجيبـي

ومن عشرته تسوى ولا فيه ريبه = وفي كل يوم يزيد حشمه وطيبي

قولي وكاد ودايم الكـذب خيبـه = ما قلت زور الله ربـي حسيبـي

من تجربه صغت المثل في عتيبه = ولا انتقص من قال ماني عتيبي

و جاء الرد مني كما يلي :

الجود شامخ في قبيلـه عريبـه = مركوز في شمر شموخه مهيبي

كل العرب تقتاد به و تحكي بـه = يشهد له اللي بعيد واللي قريبـي


تاريخهم مشهود ما ندّعـي بـه= لو طالت ايام الدهر مـا يغيبـي



جزل الفعايل و الصدورالرحيبـه = جود العرب من جود شمر يطيبي


يوم الجريفانـي يشيـد بعتيبـه = أنشهد انه فـي مقالـه مصيبـي



نفخر الا جات المدايـح رطيبـه = من شاعرٍ شهم و حكيم و لبيبـي



بدع القوافي منه ما هي صعيبـه = ينظم معانيهـا بشكـلٍ رهيبـي



غيث الحياء لا لاح برق بمغيبـه = جاوبه وبل من المخايل سكيبـي



رد الثناء منهاجنا و نعـدي بـه = لا شك جحد الطيب أمر يعيبـي



ممنون يا شيـخٍ تعـلا بطيبـه = ممنون يا طب الكسير العطيبـي



أنتم هل الامجاد من دون ريبـه = وقت الوغى يوم الظياغم تجيبي


يوم المعادي من قناكم غِدي بـه = هقاوي المقرود نـار و لهيبـي













وختامها عنـدي لشمـر نديبـه = تحيةٍ من كل واحـد ( عتيبـي )

[برق الحيا]

صح لسان الشاعر ... احمد الجريفاني الشمري


ابوسعد

صح لسانك

[ابن الوطن]

صح لسان الشاعر أحمد الشمري




وصح لسانك يا سعود

[ناصر بن سعود]

صح لسان الشمري

وصح لسانك يابوسعد

رد وافي وكافي

الله يبيض وجهك

لاهنت

[ابن مجلبه]

صح لسان الشاعر احمد الشمري
و لاهان منطوقه

و لا على الطنايا زووووووود




ابو سعد
صح لسانكـ

بيض الله وجهكـ

أنا اشهد انكـ كفيت و فيت

لاهان منطوقكـ



ازكى تحية لكـــــــــ

[بعيد المدى]

صح لسان الشاعر الشمري

ابوسعد صح لسانك

[سعود بن سعد الحافي]

المشاركة الأصلية كتبت بواسطة انا خويك لاعوى الذيب لذيب

صح لسان الشاعر ... احمد الجريفاني الشمري


ابوسعد

صح لسانك

صح بدنك يا خوي الذيب

و مشكوور على الرد الطيب

و لاهنت

*************

[سعود بن سعد الحافي]

المشاركة الأصلية كتبت بواسطة ابن الوطن

صح لسان الشاعر أحمد الشمري




وصح لسانك يا سعود

ابن الوطن حياك الله

وصح بدنك مع الشكر الجزيل لك

و لاهنت

*************

[الجذع الروقي]

صح إلسانك وتقبل مروري

[سعود بن سعد الحافي]

المشاركة الأصلية كتبت بواسطة ناصر بن سعود

صح لسان الشمري

وصح لسانك يابوسعد

رد وافي وكافي

الله يبيض وجهك

لاهنت

وصح بدنك مع الشكر الجزيل لك

و عذرا على الرد المتاخر ،،

و لاهنت

*************