الطاعة

[تركي الثبيتي]

إهنيّ من قالو له إعياله إرتاح=إمن الشقا والحمل حنّا نشيله
ماعادلك ياعود مضوى ومسراح=والوقت مالك فيه ياعود حيله
حنّا عيالك مابنا شي وإصحاح=نفديك في سود الليال الطويله
نجيب لك مصحف مرتل ومسباح=ولاّ حقوقك ردها مستحيله
هذاك حظه زين واحزانه افراح=من حوله عياله نهاره وليله
ماهو سوات اللي ليا من وقف طاح=بعدالتعب عجزت عظامه تشيله
قسى عليه الوقت وايامه إشحاح=والصبر ينفذ ماباقي إلاّ قليله
تسريبه الأفكار وإليا تعب صاح=صيحت ألم تسمع صداها القبيله
من لاّ معه في المعركه جيش وإسلاح=مهزوم جيشه والخساير ثقيله
إليا جمعها صارت أضعاف الآرباح=زاد ونقص والوقت هذا حصيله
يصير للشمات مسّرح ومرواح =ولوكان كامل عقل قالوا هبيله
خلّوه مثل العود يابس في صحصاح= تلعب به إرياح الزمان وتزيله
وأن كان معروفه مع الناس ماراح=اهل الجمايل تعترف بالجميله
أنا آدري إن الفقر للرجل ذباح=الكل يحتقره ونفسه ذليله
وأنا آدري إن الدم في العرق لا فاح=احس في قلبي سوات المليله
وأنا أدري إن الدمع لو فاض فضاح=يسيل فوق الخد بأهون وسيله
متها يطيب الجرح والهم ينزاح=وتبرد لواهيب الكبود العليله
متها يجيلي ليل وأنام مرتاح=وأقط همي لايجيني بديله
متها استريح شوي في نور مصباح=والا في لمبة قاز فيها فتيله
متها يقوم الحظ والسد ماباح=مافيه داعي يشتكي وأشتكيله
الطير لو ماصار له ريش وجناح=ماطار من وكره على المستطيله
وبرق الحيا لولا المقادير مالاح=وهلّت مزونه من صدوق المخيله
اللّي قفل بابه بـضبه ومفتاح=مافيه خير ولا يزبْن دخيله
والضيف ماله فيه مجلس ومسداح=والجود مايدخل بيوت البخيله
ما كل من يجلس على البحر سباح=ولاكل من ضيّع يلاقي دليله

[سلمان عزيز]

تركي شاعرمتمكن
والله يعينك وهاذي الدنيا
مره لك ومره عليك

[ابن الوطن]

صـــــح لسانكـ

[شباب الحافي]

اخوي/ تركي

صح لسانك

على القصيدة

[برق الحيا]

تركي

صح لسانك

[حامد الروقي]

تركي محمد الثبيتي


صح لسانك


تحياتي.

[سعود بن سعد الحافي]

أشهد بالله انك شاعر ما يحتاج

و صح لسانك مليووووووووون

و لاهنت

***********

[الجذع الروقي]

صح إلسانك وتقبل مروري ...

[بعيد المدى]

تركي صح لسانك

[غريب ابن سمار]

صـــــح لــــســـــانـــــكـ