ماعاد نحتاج النجايب ( الرويبخ وحامد )

[حامد الروقي]

بسم الله الرحمن الرحيم

هذه القصيد وصلت لي من اخوي الرويبخ / من منتدى الجذعان في قسم الشعر الشعبي .

المشاركة الأصلية كتبت بواسطة ;38439

هات القلم بعطيك من فكري انتاج = مثايلن مهيب يسمج طعمها
برقً سمر يكشف دجا الليل لعاج = أسامره والنوم عيني حرمها
خل القلم يرعف على الطرس بالزاج = ابيات شعرن بالانامل رسمها
تصريف هجسن سارحن فيه دولاج = هيض ضميري والقصيده نظمها
يالله تبدل ضيق الايام بفراج = ياللي جميع اسرار خلقه علمها
أرسل على اللي بالكرم مثل هداج = أمقلط أكبار الصحون بشحمها
قله ترى صاحبك في وضعه أحراج = همن ويأس وضيق نفسي لزمها
يشكي عليك من الهوي فراق وأزعاج = ونفسن لطيف الروح ضيق نسمها
باح الخفاء والقلب بالحب وهاج = نارن حطبها العوج حبه شعمها
يا ملن قلبن من هوا البيض لا جاج = لجة خلوجن والمفارق سقمها
عقب الحوير تذرف الدمع بأزعاج = تحن طول الليل يدوي رزمها
عليك يللي ملحق القلب بخلاج = طال الجفا وعروق قلبي صرمها
عجاب لعابن بمشيه تغناج = عفري ظباء بيبان قلبي قصمها
مانستمع في هرج عاذل وهلباج = شذابه المقفي فلا نحترمها
وختامها من فكري انتاج وأخراج = شكون بعنوانك لفت وستلمها

و
((((الرد ))))))

حي الكتاب اللي لفى عبرالامواج = امواج اثير النت ياللي عصمها
ماهي على قرطاس ولا على عاج = من لاب توب ال لاب توب استلمها
ماعاد نحتاج النجايب والامعاج=انتر وكبسة زر ثم يلتهمها
وتمر في موجه من ابراج لبراج=حتى لفت للي هنا يحترمها
جت من عزيز من عرب ذكرهم راج=فالكون كله ذكرهم في قممها
جذعان للامجاد يرقون بادراج=سلم بنوه ابطالها من هممها
لك بالكرم سيره وممشى ومعراج=ترقى ويرقابك لعالي علمها
ابشر بعزك جعل يفداك من داج=بالرجل كنه راتع مع غنمها
افدغ كبيرالقلب للنقص نهاج=سقيم عقل وفرصته مااغتنمها
لاشفت زوله قلت ذا قايد افواج=عليه لو تعرض عظام يحسمها
لوتبحثه بالعقل ريح الغباء فاج=ولوتطلبه عنزه عطا ماوسمها
قليل عرف وللسواليف بعاج = ارفل وعينه بالأيادي لطمها
تشكي غلى اللي حبها بالحشا لاج =غلى الهنوف اللي سريع سهمها
تسديد توماهوك واقلاع ميراج = من رمش عين بالضماير وحمها
هيفا نهدها مالتوى فيه لهاج= معها. حيا. عفه . شرفها خدمها
ما سيرت في زود غي وتبراج=الحسن معطيها الولا ويحشمها
خذ ني معك خصم ومحامي وفلاج= ننسف بنايات العذل ونهدمها
نغلق عنه باب العواذل بمزلا ج=ننهي قضية بعدكم ونحسمها
انا لصاحيبي على خير منهاج=اصنع معونة صاحبي من عدمها
وصلات ربي عد ماطاف حجاج=على نبيه والسلام اختمها

حامد بن ناجي

[نايف مطلق بن مصيبيح]

لله درك

يابو ناجي

جزل جزل

قصيده ومجاراه قمة الروعه والابداع

صح الله السنتكم

وبيض الله وجيهكم

[بدر الحافي]

ابو ناجي

الله لايهينك

صح لسان الرويبخ

وصح لسانك لين ترضى


جزل جزل يابو ناجي

[بنت قبيلتها]

صح لسانك حامد
وصح لسان الرويبخ

[بعيد المدى]

صح لسان حامد

وصح لسان الرويبخ

[النايفه]

مشاء الله تبارك الله

صح لسان الرويبخ على القصيده الجزله

وصح لسان حامد الروقي على الرد الجزل

لكم مني الاحترام والتقدير

[شباب الحافي]

صح لسان الرويبخ

وصح لسان حامد الروقي

على القصيدة الجزله

[برق الحيا]

صح لسان الرويبخ

وصح لسانك حامد الروقي

[الجذع الروقي]

اخوي حامد ..يعطيك العافيه على الرد الجميل وصح إلسانك وصح إلسان شاعرنا الرويبخ الجذع..بيض الله وجيهكم وعساكم على القوه...
تقبل مروري ..اخوك الجذع الروقي..

[حامد الروقي]

الله يعطيكم العافيه اخواني واخواتي الاعضاء الكرام

شاكر مروركم وصحة السنكم جميع



تحياتي.