مطلوب دخول الحفاه شعار وصفوف

[سلطان الحافي]

مساء الخير جميعا

خلوووووووووووووها

يا لاد حافي ياهل الميدان شعار وصفوف = الملعبه ونت وصاحت تنتخي بعيالها
وانا بعزز صوتها للجالسين وللوقوف = الدله الدله تفوح وباردٍ فنجالها

[ناصر الحافي]

هلا ياسلطان الله يحييك

ياللي تنادي شايفك والناس موجوده تشوف=والملعبه لو تنتخي معمورة ً برجالها
الدله اللي جبتها نشري لها تمر الهفوف=فنجالها ذقته ذواقه طامعاً بحثالها

[سلطان الحافي]

ارحب

يا ناصر

الساعه المباركه اللي تجمعنا وياك

الملعبه حره ابيه اشبه بنتٍ هنوف = تبي رجالٍ يدفعون لملكها معدالها
انا مذمك ياعميل الخير شاعر ومعروف = لاكن ماشوفك بركة لحملةٍ مشتالها

[ناصر الحافي]

خلووووووها

انصحك تنشر صورتك فالمختلف ولا قطوف=وتكتب عليها مهرة الشعار انا خيالها
وان كان ياسطان فالميدان حانت لك ضروف = ابدع بيوتك لايهمك واخترع موالها

[سلطان الحافي]

وسط المجله ياولد نقيت من غال الحروف = واليوم عوذه درات الدنيا ويؤسف حالها
لاكن بالله لو نشوفك فالحرم محرم تطوف = يمكن تسوق جمال قوم الروم يا جمالها

[ناصر الحافي]

استلم

كنك علينا من على الضلعان طايح ومحذوف = من يوم شفتك ياولد حافي تذب حبالها
الله يجيرك من عنا الدنيا ليا صارت نكوف = والله يعينك من عنا الطرقه وسو احوالها

[سلطان الحافي]

الله على ناصر وراه يحول شعيل لخروف = يبا يدير السالفه ويشوش بمنزالها
اقول خل البيت عامر لين تاردك الضيوف = وتشوف باع ومشترى فالسوق حسب اموالها

[ناصر الحافي]

عز الله اني لانويت الملعبه قلبي شغوف = لكن بعض احيان اشوف الناس ماتقوالها
قم ياقصيدي حانت الدعوه وابي دق السيوف = دام السوالف قاصره لاتنتهي بطوالها

[سلطان الحافي]

سيفك على العدوان سله لا قبضته بالكفوف = اضرب بسيفك روسهم في اقفايها وقبالها
وانا حزامك فالليال السود لايدخلك خوف = اضربها ياصاحبي من جالها في جالها

ناصر الحافي

بيض الله وجهك على الطاروق الطيب

وفيت وكفيت

واعذرنا اذا حصل زله ولا شي

والى طاروق آخر

والخاتمه عندك

مودتي

[ناصر الحافي]

ووجهك ابيض ياسلطان


واسعدني طاروقك وحماسك


ان شاء الله نشوفك مره ثانيه على خير