نبذة عن الجلاوي [سهم عتيبة]

[مرزوق الحافي]

بسم الله الرحمن الرحيم
السلام عليكم ورحمة الله وبركاته
شـاب واسـم بـرز عـلـى مستوى الـساحـه الـشعريـه مـؤخـراً في ايـام وفـتـرة قـلـيـلـة

اثـبـت تـواجـده بـأبـداعـه وحـضـوره الـممـيـز كـحـضـور الـمميـزيـن عـادةً

هــذا الأنــســان الـذي اتـخذ مـياديـن الـمحـاورة او الـقلطـات حـســـب تسميـة بـعـض الـنـاس ، إلـى مـنـبـراً يـــدافـع فـيـه دون قـــبــيــلــتـه ويـهـاجـم مـن يـحـاول الـنيـل من هــذي الـقبيلـة الـعظيمـــة والكـبيـرة الـذي لـهـا امــتـداد فــــي دول الـخليـج ، بـل ودول الـــعـــرب جـميعـــاً

هـذا الـشـاعـر الـفـذ صاحـب الـقـوة الـبارعـة فـي نـظـم الـقـوافـــــي وتكوينهــــا والـذي لايـستغـرق بـضـع دقـايـق للـــــرد عـلـى الـشعـراء الآخـريــــن ، والـذي اثـبـت نـفـسـه فـي فـتـرة وجـيزة لا تــتـجــــــاوز الـسـنـتـين
..
..
..
إذن شـاعـرنا هـو ../ سـلـطـان ابـن صـاهـد ابـن فـدغـوش الـجلاوي مـن ذوي فـهيـد مـن الـشيابيـن ( سـهـم عـتـيـبـة )

نـشـأتـه : تـرعرع ونـشـأ فـي هـجـرة الـفـريـدة غـرب من حلبان وشرق من الخاصرة

عـمـره : 28سـنـة

مـن مـواليـد : 1400هــ
م
بـدايـة دخـولـة إلـى ساحة المحاورة : أواخــر الـخمـس وعـشـريـن

بـدايـتـه بـالـشعـر : بـدأ بـالـنـظـم عـام 1416 هـ





بـعـض قـصـايـده : ـ

قـصـيـدة مـن بـدايـة سلطان في النظم قـالـهـا وهـو مـسافـر :







راكب اللي كل مامنـي عطيتـه00قام يسبح مثل من في البحر عايم
وارد النيسـان لامنـي نويتـه00يسبق اللي في علو الجو حايـم
مجلسن تحت المكيف ما اهتنيته00ضارين راسي على لفح السمايم
كم غبشت وكـم ليلـن سريتـه00عن دورة المرجلة مانـي بنايـم
يوم ولد اللاش دايم حـدر بيتـه00مجلسه معروف مع غبر اللثايـم
مير يا فيحـان علـم ان لقيتـه00والله اني ما ارتجي فزعة هلايم
والصلاة ختام والمصحف قريتـه00والسعـد قدامنـا والحـظ قايـم





قـصيـدتـه في ابو ( صـاهـد ) اللـه يحفظه :







كان يا منصور ابوك الصبح هاوي00للمـراح ولا يـردنـه ظـروفـه
قله اني مع صلاة الصبـح نـاوي00اعطي الفكسار لين اكتـم بلوفـه
وانا غدا للسير والمكـره تعـاوي00ما على المشوار والطرقه حسوفه
ما نقيل غير في بيـت الجـلاوي00بيت عود ما تريح ليـن اشوفـه
شوف ابويه مايجيلـي بالمنـاوي00شوف من يفرح لياكثروا ضيوفـه
ودي اسلم على الحـر النـداوي00واتعـذر منـه واقبـل كفـوفـه
لي شهر وانا على شوفه شفاوي00بس وقتي ويش اسوي في صدوفه
كل ما ينحيبي الوقـت النحـاوي00اتحـرى ساعتـن فيهـا نكوفـه
يم ابوي ويـم مخلفـة الهقـاوي00البكار اللي لهن نفسـي شغوفـه
ما حلى قدامهـن جـر الغنـاوي00لا اتزح برق الحيا والزم قدوفـه
ما قهرناها على الوادي السنـاوي00في اول الوسمي وفي مقدم صيوفه
الربيع ادنى المرابيـع الصـداوي00والعقوم اللي على الحـد معروفـه




قـصيـدتـه الـغـزليـة ( نـجـل الـعيــون ) الـشهيـــره







هيه يا نجل العيون اللي علـى طاريهـا00تستريح هجوس قلبـي ويتريـح بالـي
هيه يا اللي ما اهتني وارتاح لين اطريها00هيه يا الي كثر ما احبه معـذب حالـي
لاتحسبني على حبـك مسويـن فيهـا00والله انك عندي اغلةى من جميع آمالي
انتي شمعة حبي اللي مستحيل اطفيهـ00اكيف ابطفيها وانا محتاج لنـور اقبالـي
انتي عندي نور هالدنيا وبعد مـا فيهـا00والله لتبطي يا غالي وانت عندي غالـي
صوتك ونظرات صوتك مسمعي يوحيها00ما تقـول الا مكلمنـي علـى جوالـي
وان رقدت الليل جيت وجيتك نشريهـا00حتى لو هي حلم ابشريها وبرخص مالي
يعني افهم راح سلطان الجـلاوي فيهـا00لكن ألحق قبل ارمي غترتـي وعقالـي
وقبل اقول السبة اللي لا صدف طاريهـا00تستريح هجوس قلبـي ويتريـح بالـي




قـصيدتـه في الـجيب :







انا ما شريت الجيب يابو فهد مجـان00انا شريتيلـه كـان تجهـل سبايبهـا
ابي الصبح لا قالو على الحد يا فيحان00بروق تشادح فـي مقـادم سحايبهـا
نباري الملحا لامشت تعبث الذرعـان00وخطرن من الملـزم تمـزه جنايبهـا
شهاب الخدود اللي تطاولبها اللحيـان00قصار الفقار اللي طوالـن غواربهـا
شهاف البكار اللي ليا طـوّل الميـدان00ليا طـوّل الميـدان والليـل حاظبهـا
علي الحرام انـي لطوعبهـا الفدقـان00عشان غالـي ينتبـه مـن عواقبهـا
بعد ثالث الأعياد في راي ابو سلطـان00نباهـا تحـدر بعـد كفـت مزاهبهـا
وعقب عاشر الأعياد بسم الله الرحمان00تهارفو للصمـان والصلـب عاقبهـا
وجو ثـلاث ايـام وتعقـل الحيـران00على الحد لابو ديرتن ما تليـق ابهـا
وهذا هو بالي وشفي مـع الجذعـان00ولبو لحيتن مـا تحتميهـا شواربهـا






وهـذا غـيـض مـن فـيـض لــسهـم عتـيـبـه أبـوصـاهــد




تحيااااتي لكم

0000

000

00


0

[طالب الحور]

مشكور على النقل أخوي ناصر

الجلاوي مبدع بشهادة الجميع

باركـ الله فيكـ

وننتظر جديدكـ

لاهنت على وجودكـ الدائم

[مرزوق الحافي]

شكرآ على مرورك أخي مبارك

وأنا وناصر واللي في المنتدى أخوان

تحياااتي لك


أخوك/مرزوق أبو شيبه

[ناصر الحافي]

ونعم بسلطان الجلاوي شاعر قدير وعزيز على قلوبنا


يعجبني من ابياته هذا البيت واردده دائماً :

دمعتي لو شافها بوش الخواجهـ = أعلن الأسلام ولربه يصلي

مرزوق ابو شيبه يعطيك العافيه على هذا البحث الرائع

[مرزوق الحافي]

لا هنت أخي ناصر سررت بتواجدك


تحياااتي لك

[حافي حائل]

سلطان الجلاوي
شاعر كبير ومعروف


سلمت مرزوق على النقل

[مرزوق الحافي]

حافي حائل


مشكور سررت بتواجدك



تحيااتي لك

[وناسه الحافي]

سهم عتيبه والله ونعم فيه ومشكور يا مرزوق يعطيك العافيه
ماقصرت............

[بوطحنون الحافي]

..................والــلــه ونعم ببو صاهد وأتمنا لة....................
....................الفوز بمسابقة قلطة الوطن.....................

[الذيب]

الجلاوي شاعر محبوب ومتميز.
واعجبني بيت يقول فيه:
اصغر عتيبي يفترسله قبايل.
وهو صادق..