** الــزوجــة الثــانيــة و مــا بعــد ذلك **

[سعود بن سعد الحافي]

مره حدث لى موقفٍ يالرياجيل = يوم قلت أبآخذ حرمة لي جديده
ودي اغيّر يوم شفت البهاذيل = من ذا القديمه يوم صارت جليده
من عقب ماشاروا عليّه مشاكيل = قالوا تجوز خل عنك العنيده
قلت ابشروا باللى يرد المكاييل = والصاع مدبولن وفوقه نقيده
قالوا مرادك عندنا بالتساهيل = انته تقدم والمطالب زهيده
ثم قمت انفّش كشختى فوق واشيل = مثل الحصان اللى عزومه شديده
ماهمنى لو صار بعض الاقاويل = فى نفسى احفّز مواقف سديده
صمّلت بالنيه وعزمت بالحيل = وانا اتطلع للحياة السعيده
خذنا الوعد والوقت لجل المقابيل = عند الذى ساكن بدارٍ بعيده
جينا و حيونا بذيك الفناجيل = قالوا نعرفك انت راع القصيده
قلنا نريد اللى رموشه مضاليل = على كتاب الله محصي عبيده
قالوا طلبكم والم يالحلاحيل = بليا شروط وقدم اللى تريده

لاجيت بعد اسبوع تلقى المعاميل = واتحظر المملك ويدك بإيده
عودت مع دربى بذيك المواويل = ادعى الاهى كل ما ابنى نشيده
يوم جيت لعيالى لقيت التهاويل = لقيت قدامى حرايق وقيده
البيت مقلوب وفيه الغرابيل = وقدامى الحرمه بيدها حديده
قالت علومك وصلوها المراسيل = اعلوم نبخصها وجتنا وكيده
قلت الخبر ملبوس بالقال والقيل = ما هو صحيح اللى بلغكم مكيده
معقول نرضى بالغنادير تبديل = لا لا ولا يمكن وانتى الوحيده
من بعدها والراى جاله تحاويل = ودى اتراجع مير كيف الشريده
حطيت نفسى فى ضروف ومشاكيل = ويش العمل ياهل الحلول المفيده
مضى علي اسبوع مثل المهابيل = والناس ترقب جيتى فى وعيده
فكرت واعطيت التفاكير تحليل = أبغى اتخلص مير ما أبغى النقيده
زهمت باللى ودهم بالمواصيل = اهل العروس اللى خصاله فريده
قلت العذر لو يمكم نفسى اتميل = لكن حدانى حادىٍ يالوليده
يوم رحت للمشفى بقصد التحاليل = قالوا نتايجكم هجدها هجيده
حالتك صايبها كثير العلاعيل = بالدم فيروس ومشاكل عديده
لياك تعرس دام بالدم تشكيل = حالك دمار وغير لايق وريده
اقنعتهم بالشاطحات المثاقيل = قالوا هذا المقسوم والله مريده
خلصت واتخلصت من ذا المهازيل =وكلن رضا بمقسومه اللى حديده

[بعيد المدى]

سعود سعد الاهذي مافيها تراجع صح لسانك وعلى شانك قصيد ه راقيه مثل صاحبه


وتقبل مروري

[الجذع الروقي]

شاعرنا سعود صح إلسانك وتقبل مروري ....

[بنت قبيلتها]

صح لسانك ودام حالك

[سعود بن سعد الحافي]

المشاركة الأصلية كتبت بواسطة بعيد المدى

سعود سعد الاهذي مافيها تراجع صح لسانك وعلى شانك قصيد ه راقيه مثل صاحبه

المشاركة الأصلية كتبت بواسطة بعيد المدى

وتقبل مروري

مرحبا بك يا بعيد المدى

و صح بدنك يالغالي

مع التحية لك

**********

[ابن الوطن]

صح لسانك ياسعود

[بدر الحافي]

ابو سعد خخخخخخخخخخخخخخخ
لاعادت اجل خخخخخخخخخخخخخخ
بس التصريفة مضبوووووطة خخ

صح لسانك يابعد راسي
لاهنت والله

[ابن مجلبه]

سعود

الله يعينك اجل

صح لسانكـ ملايييييييين

و اعتلى شانكـ

قصيدة جزلة من جزل


لاهان منطوقك



ازكى تحية لكـ

[سعود بن سعد الحافي]

المشاركة الأصلية كتبت بواسطة الجذع الروقي

شاعرنا سعود صح إلسانك وتقبل مروري ....

صح بدنك يالغالي مع الشكر لك

و لاهنت

&&&&&&&&

[- الوافي -]

صح لسانكـ....