سعود سالم الحافي ( القهوة )

[ناصر الحافي]

السلام عليكم ورحمة الله وبركاته

قصيدة القهوة للشاعر / سعود بن سالم بن معزي الحافي

هــات الحـطـب نـويــت لـــي نـيــه=نـيـة شـــرف مـاهـيـب عوجـانـيـه
هـات الحـطـب ثــم شق لـه يامحـمـد=شقاً في الارض بطـول بـاع بنيـه
وبعـرض بـاع اللـي ذراعـه وافـي=شـيـخ السرَب متـحـيـزم الجنـبـيـه
والسـمـر حــط مــن أولــه ثنتـيـنـه =وثنتـيـن واقـبـس نــار عــزً حـيــه
حــتى السـنـا يـقـدح ونـــاره تـشـعـم=تــقــول نــــار الـضـفــة الـغـربـيـة
واليا كلت نصـف الحطـب او ثلثـه=عزبـتـك جبـهـا وابـسـط الـزولـيـة
ونـزل معاميـل الـرجـال ونـجـرك=كـبـه لاقــع يصـيـر وسـطـه شـيـه
والـهـيـل دنــــه والـعـويــدي دنــــه=وبـيــدك قــــرب كـيـســة الـبـريــة
وبـراح كفـك حـط فــي المحمـاسـه=حفنـه مـن اللـي مـن عـدن مشـريـه
وضعيـف حـب البـن طشـه بــرى=افـرز جمـر واقلـط علـيـه شـويـه
وحـــرك كـبــار الـبــن بالملـقـامـه=ملـقـامـة ســـوداء تـقــول مـشـويـة
واحمـس حـبـوب الـبـن لاتحرقـهـا=واحـذر يجـي فـي الحـب حبـة نـيـه
وانصـب مـاه وبــش كــل عرقـتـه=الـحــبــه الــهـــا يــاولـــد مــاريـــه
لاهيب لاسوداء ولا هي خضـراء=ولاهــيــب لاشــقــراء ولا بـنــيــه
والــى بــرد حــب الـزيـود وبــردت=محـمـاسـة مــــع طـولـهــا مـثـنـيـه
الـقـرش حـلـه عـــن نـــواة الـحـبـه=حتـى تجـي مثـل الحـصـى مبـريـه
وصـبــه بـنـجـر ماتـخـالـف يــــده=ولاهيـب فـي وقــت الـلـزوم يـديـه
ودقــــه ودقــــه بالـيـمـيـن ودقـــــه=وحــرك طحـيـن اجـــزاءه التحـتـيـه
وان كــان ماتـعـرف لـدقـه وزنـــه=مــن صـفـر عــد الـيـن حــد المـيـه
ثـم اغـسـل ابـريـق الطـبـخ بالمـيـه=ثـم صـب وسطـه مـن زلال الميـه
واركـه علـى جمـرً تـزايـد صـلـوه=وابعـد عـن المـاء الجمـره المطفيـه
ورومس وغن ولال كانـك شاعـر=وان كـان مانتـه مــن هــل الـرديـه
عـوذ مـن الشيطـان واذكــر ربــك=ترى النصيحه فـي الزمـن مشريـه
والى دفاء الماء صب مافي نجرك=صبـة لـواري الـرمـل فــي القـديـه
واغط الابريق بغطوته وافطـن لـه=وافـطــن بـعــد للخـلـطـه الـسـريــه
واسبـر وعايـن لـيـن يـاخـذ فـوحـه=وفـوحــه وفـوحــه ثـالـثـه مـغـلـيـه
والـهـيــل دقــــه مـرتـيــن ومــــره=وصـــبه بوســـط الـدلــه المـركـيـه
ثــم صــب بــنً طابـخـه بابريـقـك=صبـت سـوانـي مــن بـطـن ركـيـه
وحـط العويـدي بيـن اصابـع يــدك=ان كــان تـبـغـى الـقـهـوَه عـويـديـه
والـى اونسـت دلتـك نـار وجـمـره=والشعـلـه الـلــي تـصـلـى حـدريــه
يـبـى يـجـي للهيــل زبــد ورغـــوه=وبينـقـلـب مـثــل انـقــلاب الـحـيــه
ولـــم فناجـيـلـك وصـــب لـربـعـك=مــن الـدلـه الـلـي بالـذهـب مطـلـيـه
دلــه تـعـدل الــراس ولـهـا خـرمـه=ومــــحلله مــــن لـجـنــة شـرعـيــه
هـذي سلـوم اهــل القـيـم والشيـمـه=اهــل الـكـرم والطـيـب والجـاهـيـه
خـل قهـوة راعـي الدجـاج التركـي=الــلــي يـسـمــي قـهـوتــه تـركـيــه
يحـط مــاء فــالـكـاس ويبـردهـا=ويبيـعـهـا فـــي الـســوق بـالـربـيـه
وقـــتً يـــدور وتــــدرج رحــاتــه=والشمـس صـارت فـيه مثـل الفـيـه
راحـوا هـل المعـام واهــل اللحـيـه=وجونـا هـل الطـربـوش والطاقـيـه
اهل المراقص والطـرب والدسكـو=بـــرق الـعـيـون متعـبـيـن الـهـيـئـه
لاجـاك واحدهـم بـوسـط المجـلـس=كــنــه وزيــــر الـنـفــط والـمـالـيـة
واليا طلع لو شـاف زول الجـرذي=يـصـيــح كـــــن مـعـانـقــه جـنــيــه
الـلـيـل كـلــه يـــدرج مـــع ربــعــه=مـثـل الـكـلاب الـلـي تــدور الـبـيـه
واليا أصبح الصبـاح واقبـل نـوره=مــن قـــو بـاســه صـبــح البـوفـيـه
عطنـا صحـن كبـده وببسـي بــارد=واثـنـيـن يــابــن الـنـيــل كـمـونـيـة
عــســى هــــذا يـاسـامـعـنً قــولــي=تـبـحــث خــفــاه الـنـوبــة القـلـبـيـه
هــات الحـطـب نـويــت لـــيلي نـيــة=نـيـة شـــرف مـاهـيـب عوجـانـيـه
هـات الحطـب نويـت كانـك منـهـم=أحــط فــي عـلـبـاك وســـم وكـيــه

للشاعر / سعود بن سالم الحافي

.

[مرزوق الحافي]

صح لسان الشاعر / سعود سالم الحافي





ولاهنت أخوي ناصر على النقل الرائع

[ناصر الحافي]

الشاعر مرزوق ابو شيبه


شاكر لك تواجدك في متصفحي

[سلطان الحافي]

صح لسان الشاعر / سعود سالم الحافي





ولاهنت أخوي ناصر على النقل الرائع


مودتي

[ناصر الحافي]

مرحبا ياسلطان


اسعدني تواجدك واطلاعك