** ويـــن أنت يــاللــي بــالــمــواقف نــجــــاآآآآوي ،،؟؟؟

[سعود بن سعد الحافي]

شريت لي موتر جديدٍ موديله = لونه على ما قيل أزرق سماوي

نظامه التقصيد والله و كيله = شيكات ندفعها عليها دعاوي

مضى معي أيام ماهي طويله = مستمتع حالي و بالي رهاوي

من شافني قال أنت شيخ القبيله = سيّر علينا يالحبيب الغلاوي

قامت تخاطفني عوالم مهيله = هذاك يعزمني و هذاك ناوي

كلن يقول سعود ما به مثيله = ما شيف بالعربان مثله حلاوي

دارت علي أيام ما هي قليله = و انا كما اللي للمعازيب ضاوي

من بعدها بيومين مع كم ليله = جاني اتصالٍ جاب لي الغثاوي

شخصٍ يكلمني ونفسه ثقيله = قال انت وينك يا لعميل الشقاوي

لك مدةٍ ماجيت تدفع حصيله = كل يوم ننطركم و حنا حراوي

بنشيل موترنا بسطحه تشيله = العقد للاطراف حق متساوي

أو تدفع اللي مستحقٍ بديله = مبالغٍ طالت و صارت مناوي

قلت امهلوا حالي وسوو جميله = با روح لاصحابي و اهل العزاوي
أهل النفوس الطيبة والنبيله = اللي لهم نهج الكريم النداوي
ركبت لي تكسي وانا له دليله = أدوّر اللي يحتسون القهاوي
اللي جمايلهم علينا جزيله = أهل العلوم الطايله و العشاوي

لقيتهم بالحال و حالي هزيله = أنظر لهم نظرات فيها رجاوي

قلت الأمر مطلوب و آنا كفيله = أهل الوكاله سببوا لي بلاوي

تكفون يا صحابي ضروفي دخيله = محتاج وقفات الرجال السخاوي

قالوا مقالك ضد من تدعي له = حنا مشاغلنا علينا طراوي

كنا نحسبك تاجرٍ في سبيله = من يوم شفنا كشختك يالصحاوي

و إلا من اهل الكاش مالي شليله = اللي لجرح الوقت دايم يداوي

اونست هرجه من وجيهٍ بخيلة = لا والله الا وجيه قشر و عداوي

عزي لحالي وموتري عزتي له = من عقب ركب البنز شفت العراوي

اللي حصل لي أمر ما فيه حيله = وين أنت ياللي بالمواقف نجاوي

[محمدالوافي]

ابو سعد
صــــــــــــح لســـــــــــــــانك وعــــــلا شــــــانك . تقبل مرووووووووري

[بعيد المدى]

ابوسعد صح لسانك

وتقبل مروري

[بدر الحافي]

ابو سعد يابعد راسي
مغربل الله يعينك


صح لسانك صح لساااانك
واعتلا شانك يالحصان
لاهنت والله
تحياتي لك
اخوك بدر

[سعود بن سعد الحافي]

المشاركة الأصلية كتبت بواسطة محمدالوافي

ابو سعد

المشاركة الأصلية كتبت بواسطة محمدالوافي

صــــــــــــح لســـــــــــــــانك وعــــــلا شــــــانك . تقبل مرووووووووري

صح بدنك مع الشكر الجزيل لك أخي محمد

و لاهنت يالغالي

**********

[العمدة]

ابو سعد صح لسانك على هالقصيدة الجزلة

تحياتي لك

[الجذع الروقي]

صح إلسانك وتقبل مروري

[سعود بن سعد الحافي]

المشاركة الأصلية كتبت بواسطة بعيد المدى

ابوسعد صح لسانك

وتقبل مروري

مرحبا يا بعيد المدى

وصح بدنك مع الشكر لك

ولاهنت

[برق الحيا]

صح إلسانك وتقبل مروري

[سعود بن سعد الحافي]

المشاركة الأصلية كتبت بواسطة بدر الحافي

ابو سعد يابعد راسي
مغربل الله يعينك


صح لسانك صح لساااانك
واعتلا شانك يالحصان
لاهنت والله
تحياتي لك
اخوك بدر

مرحبا يا بو دباس

نوّر الديوان يالغالي

وصح بدنك مع الشكر لك

ولاهنت