صوت وصدى بيني وبين الشاعر / ماجد محمد المويعزي الحربي

[سلمان عزيز]

السلام عليكم ورحمة الله وبركاته

الله يسعد جميع أوقاتكم بكل خير

وردتني هذه الأبيات من الشاعر / ماجد محمد المويعزي الحربي

هذا كلام الراس ماهو بقرطاس=زبد الحكي ماهوعلوم ودوادي
جالك بصدق شعور مع صادق إحساس=مبني على طيب الوفا والمبادي
غلاك ياسلمان تاج (ن) على الراس=لأن شخصك شخص ماهوبعادي
تشوف لو جنسك كثير(ن)مع الناس=يمدي الزمان بخير والجوهادي

ورديت عليها بهذه الأبيات

حي الكلام الزين من طيب الساس=للهرج زبده والمواقف وكادي
هاض الخفوق ونس للشعر نسناس=وسليت صادق هاجسي من فوادي
للطيب ناس وللمواجيب نبراس=وللصبر صدرن مثل صدر المهادي
وللكيف راس من الزمن كله عماس=وللعز سيف وللمراجل شدادي
لاباس ياعسرات الأيام لاباس=انا حيادي والطريق متحادي

سلمان بن عزيز الحافي

[ابن الوطن]

صح لسان الشاعر ماجد الحربي




وصح لسانك يابو عزيز

[شباب الحافي]

صح لسان الشاعر/ ماجد الحربي

وصح لسان الشاعر/ ابوراكان

ابوراكان

بيض الله وجهك

يا غـــــــــــــالي

[بدر الحافي]

وسليت صادق هاجسي من فوادي

لو عرض هاجس سلمان عزيز على الناس صاروا كلهم شعراء


شاعرنا العلم والكبير سلمان عزيز الحافي
صح لسانك
واطال الله عمرك
والله انك ذخر وشعرك كنز
يابو راكان
وصح لسان الشاعر ماجد الحربي
ولاهان منطوقه

[بنت قبيلتها]

صح لسان الحربي
ولسان اخي سلمان عزيز

[محمدالوافي]

صح لسانك يابو ركان وصح لسان ماجد الحربي وبيض الله وجيهكم

[ناصر بن سعود]

وعليكم السلام ورحمة الله وبركاته

الله يمسيك بالخير

وصح لسانك يابوراكان

كما عهدناك جزل في كل حالاتك

الله يحفظك

وصح لسان الشاعر ماجد الحربي

ودي وتقديري لكم

[الجذع الروقي]

صح إلسانك وتقبل مروري ...

[معشي الذيب]

ياهلا وغلا يابو راكان .. هذي والله الساعة المباركة يوم تشاركنا

صح لسانك يالقرم ولا هنت

[غريب ابن سمار]

صح لسانك يالشاعر سلمان الحافي



تحياتي


غريب ابن سمااااار