شف شلوة الكفار كم رحبو بي

[النايفه]

بسم الله الرحمن الرحيم

السلام عليكم ورحمة الله وبركاته

هذه القصيده للشاعره النايفه

وأنا أختها العذوب كتبتها لكم

وهي ان شاء الله ايام وترجع

تدري وش اللي يتعب الروح ياخي = أن العنا يجيك من شخص غالي
وتدري وش اللي يجمع الميت للحي = من يجرحك وعن حالتك ما يسالي
وتدري وش اللي بالحشا يكتوي كي = يامن عطيت القلب وقفيت خالي
ليته شكر ولا عطا شي من شي = ولا سكت ما قال شر المقالي
ولا سقى روحه من ثغرة المي = ولا قال اسقو ياعرب لي حلالي
الله من علم (ن) برى حالتي ذي = بري الرحى لليابسات النخالي
ألي طوى حالي على ساسها طي = طوي البدو لمددات الحبالي
القاف عمي ومنهج الشعر لي بي = مابيلهم علوم الردى والخمالي
ولوأنتخي في عزوتي يابعد حي = أهيم في بحر الشعر يا دلالي
أشوش ياقيل الشعر مرجعه طي = ورقى مع الشعار روس المعالي
شف شلوة الكفار كم رحبو بي = ألي غدو بالشعر أول وتالي
يالموهبه قومي طرب والبسي زي = قومي سوى نرقا سنود الجبالي
ماطالع الحساد لو اشعلو ضي = لو ضيقو فج الخلا والمفالي

شعر النايفه

[عبدالله بن سعود]

**

الله الله
صح لسان النايفه وترجع بالسلامه
بيض الله وجهك يالعذوب

شكرا لك

**

[شيخة عرب]

ياسلام عليك يانايفه

ماقدرت اعبرعن ما بداخلي من اعجاب وفخر في سموك الكريم ..

انتي شاعرة الضياغم بلا منازع وهذا ماقاله كبارهم

فـــ لكي مني اجل احترام وتقدير...



ومشكوره الغاااليه العذوووب على النقل الرائع

تسلمييييين

[عطاء بلاحدود]

آنآ آشهد.. ويآلله انك تحيي النايفة وشعرهآ...واختهآ.. مآآعتقد ان النايفة تنتظر تقييمي..شآعرة وصنعت لنفسهآ مسآحة من الابداع.. وانضمآمهآ هنآ للشكبة زآد من,,جمالية التكاتف والاخووة.. ان شاء الله ترجع بالسلامة.. وفي اقرب وقت.. لاهنتي يالعذوووب,, بلغيهآ...تحياتي..

[عزام]

صح لسانك
مشكور

[الجذع الروقي]

صح إلسانك وتقبلي مروري

[االعذووب]

المشاركة الأصلية كتبت بواسطة o.k

**

الله الله
صح لسان النايفه وترجع بالسلامه
بيض الله وجهك يالعذوب

شكرا لك

**

ok

صح بدنك

وشاكره مرورك الراقي نايبه عن النايفه

لك الاحترام والتقدير

[فهد مزيد الحافي]

صح لسان الشاعره.........................................

[بعيد المدى]

صح الله لسان الاخت النايفه على القصيده الرايعه

والله يردها با السلامه العذوب يعطيك العافيه على النقل الرايع

ودمتي بحفظ الرحمن

[بدر الحافي]

الله الله الله

صح لسان النايفة


النايفة امتداد للشعر الاصيل

ابداع ابداع ابداع


وفقكي الله لما يحبه ويرضاه