بدويه ترد علي طالبه جامعيه

[جنرال الحفاه]

تردعلي طالبه جامعيه في قصيده قويه


هاذي قصة صارت في إحدى الكليات لطالبة وزميلتها ..
والقصة هي أن وحده من طالبات الكلية وهي شمرية
كانت تسكن في قريه وكانت بالمره واضح عليها البداوة
من لبسها لقله الماده ، وكانت من المتفوقات في دراستها ..
ومره من الايام مرت وحده من الطالبات وشافتها
فقالت : ( شوفوا البدوية..)
فحزت هـ الكلمة في نفس الطالبة البدويه..
ولما وصلت بيتها كتبت هـ القصيدة الجوووووووونان
وهي ..


إيه بدوية ريحتي بُن وبهـــار ... هذا شرف ماهو بحقي خطية
أنا بدوية بنت حرٍ من أحرار ... فزعات ربعي بالشدايد قوية
أناهلي يابنت وافين الأشبار ... كأنك جهلتي من أنا ياغبية


ياجاهلة ماتغتذي الشمس الأنوار ... حنا كما شمسٍ على الأرض ضيه
حنٌا هل الطولات هيبة ومقدار ... حناٌ مثـال للشرف والحمية
حنٌا الطنايا للكرم رمز وشعار ... حنٌا خويٍ مايخلي خـــويه



الذيب يوم إنه عوى وسط الأسعار ...عشوه ربعي من سنينٍ مديه
يوم إن جدك وتٌـق القفل بالدار ... بيت الشَعر مفتوح صبح وعشية
للضيف ريف للمعادين جبار ... نرد العــياض ولانهاب المنية



يابنت لو بكتب من أشعار وأشعار ... تعجز معاني حروفي الأبجدية
اللعب خلي اللعب لعيال شطار ... لاتدخـلين السيل وانتي نديـة

[حافي حائل]

جنرال الحفاة عز الله انها بدوية ولها الفخر وكلنا نفتخر بهذا الشيء

[جنرال الحفاه]

حافي حايل

عزالله انهاا ماقصرت في ردهااا

ولاهنت علي مرورك