،، قــانونكــم هــذا يغيــض الجمــاهيـــر ،،؟؟

[سعود بن سعد الحافي]

يقول من حاله كثير التفاكير = دايم هواجيسه تسابق حضوره

يسوقها و تسوق ممشاه و يسير = كنه على المضمار مع كل دوره

مما يشوفه يالوجيه المسافير = من حاقدٍ ينفث علينا شروره

إعلام غربى ينسج الشر ويدير = يدير دوراته و مكشوف دوره

يقول للمرأة حقوقٍ و تقدير = ولها مواجيبٍ عليها مشوره

لابد ما تعطى لها دون تقصير = ياللى هظمتوا حقها بكل صوره

يا مشغلن بالك بحال المساتير = خذ الجواب اللي وصلكم سطوره

حنا على الدستور ماشين و نسير = دستورنا القرآن و النور نوره

ما نحيد عن دربه ولا جاه تغيير = و أرواحنا تبقى سياجه و سوره

يا مدعي الإصلاح و تريد تطوير = أنظر لحالك والعلوم مخبوره

نشاهد المرأة لها لبسٍ مثير = على الملا تختال ومكشوف عوره

كل الحياء معدوم و الذيب فالبير = بليا رقيب ولا رجالٍ غيوره

مثل الغنم تسرح و تآخذ مشاوير = الدرب عاثر و الحظوظ معثوره

قانونكم هذا يغيض الجماهير = ما يقبله عاقل على ادنى بزوره

أنتم كما اللي ينفخ النار فالكير = يا مشعلين النار منكم خطوره

دايم على الافساد تعطون تبرير = تستحدثون احداث دايم دبوره

ياما شعوبٍ عانت أقسى التعازير = من بطشكم ياهل النفوس العقوره

وكم دولة سقتوا عليها التدابير = تدمّرت من عقب ماهي معموره

بالدجل و الترهيب واوراق تزوير = إلكم على التدليس نفسٍ جسوره

أوضاعكم ماهي على حسن تدبير = والناس و العالم عليكم صبوره

[الجذع الروقي]

صح السانك شاعرنا وكفيت ووفيت ...

مرور من اجلك ...

[بندر الوافي]

صـح لسانك ياسعود

[نايف بن مزيد]

ســـع ــوود....

صــح لســانكــ....

وننتظـــر جــديكــ.....

[ابن مجلبه]

حنا على الدستور ماشين و نسير×× دستورنا القرآن و النـور نـوره


ابو سعد
بيض الله وجهك
وصح لسانك
جزل و لاتقول الا الجزل
لاهان منطوقك

ازكى تحية لك

[ابن سمار الحافي]

صح لسان الشاعر سعود

[سعود بن سعد الحافي]

المشاركة الأصلية كتبت بواسطة الجذع الروقي

صح السانك شاعرنا وكفيت ووفيت ...

مرور من اجلك ...

صح بدنك يالغالي

مع الشكر الجزيل لك و لمرورك الطيب

ولاهنت

************

[بنت قبيلتها]

صح لسانك ياسعود
مميز مميز ومبدع
سجل متابعتي

[برق الحيا]

صـح لسانك ياسعود

[شباب الحافي]

ابوسعد

صح لسانك

على القصيدة الجزله