طعون الظهر

[بنت قبيلتها]

ويل حالي من تباريح الجروح=ويل حالي من طعون(ن)فالظهر
من يعالج دامي(ن)كله قروح=سيفهم مسموم مالامس طهر
يالطعون القاسيه كلي جموح=طعنتك مره وقربي لك امر
ياسهول ألذل لاترقي سفوح=ياجبانه خوفك صوت البحر
عزتي ياذل شوفيها صروح=ذي ثمنها ادفعه دم(ن)حمر
الخيانه في عروقك لاتفوح=مثل فوحة شارب(ن)كاس الخمر
ياجبانه من طعونك وين اروح=ياخيانات الصداقه والعمر
وكل اناء بالذي جوفه نضوح=وكل فعل لك من الذله غمر
خايفه ياناس من هم(ن)يلوح=يدفع الراحات لاحزاني مهر
خايفه من كثر صبري لاابوح=كني اللي ماسكن بيده جمر
الزمن قاسي وانا طبعي دموح=مااقدر اتمرد ولااعلنها قهر
لاتجافل ياحمام ولاتنوح=ولايهيِبِك صاحب(ن)قلبه حجر
ياحمامه داخلك عز وطموح=ياقريبه من مدارات القمر
لاتخافي رصد صياد(ن)لحوح=حلقي دامك قريب من القمر

[النايفه]

صح لسانك بنت قبيلتها

قصيده قمه ولا استغرب منك الابداع

اشكرك على هذه الدره المتوهجه في سماء الشعر

تقبلي سلامي واحترامي

النايفه

[بعيد المدى]

بنت قبيلتها

صح لسانك

[الجذع الروقي]

صح السانك شاعرتنا قصيده رائعه ...

مرور من اجلك ...

[بدر الحافي]

الاخت الشاعرة بنت قبيلتها
والله ما استغرب الابداع على المبدع
قصيدة رائعة جدا جدا



صح لسااانك

وكم اتمنى ان تكون بنت قبيلتها امتداد لشاعرات من الرعيل الاول امثال مرسى العطاوية وبخت الحافية وغيرهن
وهي اهل لذلك


وفقكي الله لمايحب ويرضى

[سعود بن سعد الحافي]

صح لسانك يالشاعرة بنت قبيلتها

ابداع رائع

كـ حضورك الرائع دائما

صح لسانك مدد

مع التقدير لك

***********

[بنت قبيلتها]

الشاعره العزيزه النايفه مرورك ذهب يالغاليه
وتوهج قصيدتي اقتبسته من حضورك
ودي وتقديري

[بنت قبيلتها]

مشرفنا العزيز بعيد المدى صح كلك وسلم حضورك وبنانك

[العمدة]

الشاعرة بنت قبيلتها

لقد سعدت بهذا النص وقرأته عدة مرات لم أمله

بل حفظته لما فيه من كلمات جميله وآحساس مؤثر تصف به الشاعرة مابها من معاناة أو تصف حالة عزيز لديها ظناه التعب

فوصف الشعور والاحساس والحماس صفه غلبت على معظم قصائد شاعرتنا القديرة ( بنت قبيلتها )

فهي دائما متميزة ومبدعه في كل ماتخطة اناملها

وهنا أحببت مجاراة هذه القصيدة بهذه الابيات المتواضعه

واحد ن مثل هذا خله يروح
لاتتعب حالك مثل نقاش الحجر

نملة ن لو تفرح بمظهار الجنوح
حشرة ن مردها تتدخل في الجحر

انتي شامخة وانتي عالية فالطموح
لاتحسبي للردي لو غاب والا حضر

ظالم والظلم يحسب انه مزوح
اتركيه لابد ينصفك منه القدر



العـــــمدة ..

[بنت قبيلتها]

اخي الجذع الروقي صح بدنك ودام حضورك لنا
ودي وتقديري لك