الفراشة

[تركي الثبيتي]

الشمس غابت والقمر بعدها غاب=وأنا على حالي طريح الفراشي
مدري لكن الجرح في القلب ما طاب=وعروق كبدي نصفها في النعاشي
في داخلي من سهم الأيام مضراب=لو صاب غيري مات ما كان عاشي
أنا أدري إن الموت ما عنه مجناب=لا لاح برقة ما يفيد النحاشي
إن زادت آلامي تذكرت الأصحاب=والدمع من عيني سوات الرشاشي
اللي لهم في داخل الروح ترحاب=شجرة وفاء و إجذورها في إنتعاشي
تجنبوا عني بلا ذنب وأسباب=صابر على الزلات وأقول ماشي
الكل فصلّه على قدّه إثياب=وأنا عجزت أختار لون القماشي
اللي عطاه الله في الوقت مخلاب=يشوف بعض الناس مثل الفراشي
واللي مع أهل السوق بائع وجلاب=وإليا خسر صابه هوس وإرتعاشي
واللي شرى فله وعشرين دباب=وستين موتر واقفه في القراشي
واللي ليا جا الضيف ما يفتح الباب=وإليا سمع صوته يجيه إرتعاشي
واللي مجند له مناديب وأذناب=يدفع لهم فوق العمولة معاشي
إليا هرج صادق ولو كان كذاب=من غير شوره ما يدور النقاشي
واللي على الشاشة جمع كل الألقاب=السن يضحك قبل قدح الفلاشي
في ما مضى ما كان يحسب له إحساب=مثله مثل شرواه ياكل بلاشي
كتبت عن ناسٍ يحبون الأنشاب=تشب نار أحقادها في القشاشي
قومٍ في المجلس تعذرب وتغتاب=تسخر من اللي ناصبين العشاشي
باعوا مذاهبهم في أسواق الأجناب=إستثمروها في السفر والتماشي
الحق ضايع لو ورى الحق طلاب=وأرض الحقيقة صار فيها هشاشي
أنا أدري إن اللي معه مال غلاب=حتى لو إعيونه غشاها الغماشي
من لا يجي بالطيب جابه بمشعاب=حوله حصاني جاهزه للهواشي
لا خير في لحيه تذلل للأشناب=مقدارها بعد السمان المشاشي
ولا خير في عينٍ تلحف بالأهداب=الدمع بارد والنظر في تلاشي
تم الكلام وراعي العز ما ذاب=ولا سرى مع لابسات الغواشي
ورجاي في اللي من ترجاه ما خاب=من رحمته تروى الكبود العطاشي

[شباب الحافي]

اخوي/ تركي

صح لسانك

على القصيدة الجزله

[العمدة]

ورجاي في اللي من ترجاه ما خابمن رحمته تروى الكبود العطاشي


من توكل على الله فهو حسيه

صح لسانك

[سلمان عزيز]

تركي
صح لسانك

والله يجبر مصيبتك

ولايوريك مكروه
وترا صاحبك فالرياض

[ابن وافي]

اللي عطاه الله في الوقت مخلابيشوف بعض الناس مثل الفراشي
واللي مع أهل السوق بائع وجلابوإليا خسر صابه هوس وإرتعاشي
واللي شرى فله وعشرين دبابوستين موتر واقفه في القراشي
واللي ليا جا الضيف ما يفتح البابوإليا سمع صوته يجيه إرتعاشي


إخوي الشاعر تركي

كلمات رائعه ..توكل علي الله وإستعن به ...



صح لسانك صح لسانك صح لسانك ..حتي منتهاها ...



ابو راكان


يامرحباااااااااااا مليااااااااااااااااااار ...





ابن وافي

[بعيد المدى]

تركي صح لسانك

[بنت قبيلتها]

تركي الثبيتي
صح لسانك لين تروى
ابياتك تحكي واقع ملموووس

[بدر الحافي]

صح لساااانك
منتهى الشعر اجده في شعر تركي الثبيتي

والله يسهل امورك ويجلا همك
ويعينك ياتركي

[سعود بن سعد الحافي]

الشاعر/ تركي

صح لسانك

على القصيدة الجزله المؤثرة

و عساك سالم
***********

[برق الحيا]

تركي

صح لسانك