النايفه للنايفه الشمريه

[النايفه]

بسم الله الرحمن الرحيم

السلام عليكم ورحمة الله وبركاته

أخواني أدارة ومشرفين وأعضاء منتدى الحفاه

أحب أن أستاذنكم بوضع قصيدتي هنا

وقد اطلعنا على قصايد عندكم وجميعها تبيض الوجه وشامخه وتعرفنا

من خلالها على تاريخكم المشرف وكان من الواجب علي ان اكتب عن قبيلتي شمر وافتخر بها عند هذه الوجيه الفليحه الي تقدر الطيب لانكم من اهل الطيب

وقد نشرت ايضا عند منتديات شمر

لاح القصيد وهل صادق سحايبه=واخضر نباته في عوالي رقايبه
من النايفه والنايفه شمريه = شعرن يجمل يا بدا في نوايبه
مبداه باسم الله رزاق خلقه=بامره جرت هوج الرياح بسحايبه
الواحد المعبود سلمته امري=رب السماء والارض سايق هبايبه
يالله يالي بامرك الكون دبرته=الروح تغفر له وتمحى عقايبه
ترجيك من لا دنس اللاش عرضها=ولا شافها الي نظرته في خبايبه
من فضلك الثجاج كملت عقلي=ووهبتني شعرن تقرا عذايبه
مثل الذهب يا من نضمته بفكري=في جيد من غطت متونه ذوايبه
واليوم في مدح الطنايا نخيته =نخوة شجاعن شاكين من غرايبه
أبا افتخر في عزوتي تاج راسي=ولا خير في من لاافتخر في قرايبه
أنا لمن ينشد من انساب شمر=من نسل عبده مابحلت بنسايبه
عيال ضيغم من سلاسل كحيلان =درعن مثمن في ليالي صعايبه
تاريخنا قبل اذكر العلم مذكور =نقشن على صم الصخر مع صخايبه
بهيج من ربعي عن الدار مطرود=ساقوه لين اقفى وطفى حرايبه
وبعده على ارض الجزيرة تمكنوا=من الجبل حد السهل مع شعايبه
تاريخنا في نجد وادي الاديرع =العلم مثل الشمس تلمع سنايبه
والحظر والبدوان مع باقي القرى =يوم الولا مرفوع والكل هايبه
بحكم الرشيد وكلهم تحت طوعه =مودع مسال الد م تدرج سكايبه
أميرنا عبد العزيز الجنازه = ألي زهد بالروح حزة نشايبه
أبن رشيد عبيد راع الاماره =ألي طرد له شيخ وأبعد سهايبه
وابن علي شيخ الضياغم بعيجان =ضد الزمان اليا تهافت مصايبه
ومنا ترا السمن العرابي محمد =مودع صحون الحيل بالسمن ذايبه
ويضا ترا الجربا شيوخن مسمين = من جالهم بالطيب يملا حقايبه
والاشمل الضرغام يا منه اعتزا=السيف يشكي من مفارق جرايبه
والشمري عبد الكريم الجربا =راع العطا والجود متعب هذايبه
ومنا اخو جوزا هو الشيخ مطلق =مودع جموع القوم تنعى غلايبه
وشيخ الطواله طيب الذكر برغش =وضاري ظناه القرم قايد سرايبه
ربعي هلا الطولات واهل الفعايل=وشقال أبن حافي بجملة كتايبه
(شمر هلا الرده على حربة العدا)= يومن وطيس الحرب ثارة لهايبه
ويما لهم من ماضيات الفعايل =نذكر صريف وكم خذت من سبايبه
وأم الجماجم بالجما جم تشهد =راحت نشاما بلا قبور ونصايبه
وايضا نعد أفعالهم يم بقعاء =يوم العدو مغلوب وقفت ركايبه
وكون الشريف المعركه مشهوره =يبكي حبيبن ما تهنى ب حبايبه
وشقالوا الشعار في ذبحت الجوف = العود يشهد للفتى من عجايبه
وياكثر مافينا منابر شجاعه = لو عدها الشاعر تقصّر وهايبه
مثل القعيط معرب الخال هايس =مودع كبود عداه تيبس رطايبه
وعلي ابن عراك شيخ الزقاريط =من السطر ماتستوي به نجايبه
وعقاب ابن عجل ونعم الوليده =موتن على الفرسان يصلا صلايبه
ومعرب الجدين مطني وصيته =شيخن عريبن والعرب من عرايبه
ومنا من التومان أخو العليا = رموش العدا من فعل يمناه شايبه
ويوم الفعايل باسم اهلها تعدد =مفتاح اخو سلمى شاهرحدايبه
دغيرات صدوا من طمع في حماهم =وخلو جموع القوم ترشف للعايبه
ومنا هلا البلها عيال الشميلي=الي رفعوا سيف الخطر عن ضرايبه
وعلى الكرم تشهد لهم كسرة الباب=ابن دويهم نادرن في ثوايبه
ومنا حمات البيض عيال الجنيدي =ستر البني يافرعت عن ذوايبه
وابنا الوبيري من صناديد شمر=رجالن على الوقفات فخراً مهايبه
وابنا الحسين مزبنين المجلا =دخيلهم سمح الوجه من طرايبه
وصبح الشريفي بدل النور ظلمة=ليلن دجاه يزيد عجة ترايبه
نعم الصيارم ياعيال العفاريت =ماحسبوا عمرن تقافت حسايبه
وأبن جري من روس قومً كبيره =مرجع حلال أحماه من يد نهايبه
وسنجار و زوبع وثابت وتمياط =الاصل شمر خالصن من شوايبه
ومنا هلا اللحيسه شيوخن فالاسلم = الطيب سيل والكرم في ثغايبه
وكريم سبلا يا ذكرنا بن بقار=يسبق سخا كفه لطايف رحايبه
ودغيم الظلماوي وذكره لدلته =والنار جوف الليل توحي وحايبه
ومنا معشي الذيب حزة مجاعة =مكازي رجع للذيب ولبا نقايبه
وأبن اللغيصم هو زبون المناعير =مزبن دخيله يوم صكت طلايبه
ويشهد أبن هذال لفعل أبن غاطي=يوم العنا والموت جاه بغصايبه
غاطي ابن جبرين راع الشهامه=لولاه راح الشيخ بدرجة شغايبه
وابن عمود الي دعته الحميا =يوماً نخته البنت والبعد عايبه
الي نوا مسراه من نقرة أيوب =بس القهر ذباح والروح غايبه
ومنا ابن شايع عمير الرمالي=فكاك قيد معدمن من قضايبه
ويما لنا في واجب الجار موقف=هجرس لجيرانه محيّن حلايبه
من شان مايشكي من القل جاره=ذراه يا صك الزمان ب هلايبه
والمفضلي طير السعد نسل شالح =شال الخوي يوم أنفرد عن ركايبه
شاله على المتنين أربع ليالي =مسراه ليل وخايفن من لهايبه
ومنا هلا الخوه عيال الشلاقي=ألي يعزون الخوي عن مشايبه
ونواف أبن مشل ضد المعادي=صد المريكي يوم بانت نكايبه
عشرين رجلاً راح حول الرمادي =يشهد له ألي باقين من صوايبه
ونعمن بابن طوعان ابن السويدي =الي كتم غيضه وسكت نحايبه
عفا عن الي بالغلط صوب ابنه=ما دوّر الفدية وكثّر ضرايبه
والسيف ابن فدعوس أبن النماصي =يوم الولي ساقه بحزه كأيبه
منجي فتاة السيل من موتت الغرق =لولاه راحت شربةً مع شرايبه
هذا قليل من الفعول الكثيرة=ولا جبت كل العلم ولا أحصاه جايبه
وهذي علامة كل من قال شمري=ياشفت ربعن مايلاتن عصايبه
اعرف تراها ميزة عيال حاتم =ألي له التاريخ سطر عجايبه
أبن الجبل راع الكرم حاتم الطاي=تضرب به الامثال والجود نايبه
هذي علوم حجاب وجهي وستري=ومن طيبهم بين المخاليق طايبه
وكل القبايل له فعولن تشرف=ومن يجحد العربان تقطع صلايبه
والحمد لله عزنا بحبل دينه=وجمع خبرنا تحت راية كتايبه
تمت وصلا الله على سيد الملا=محمد شفيع الخلق منجي صحايبه

شـــعــر النايــــفه

[نايف بن مزيد]

أنــــا لــمــن يـنـشــد مــــن انــســـاب شــمـــرمــــن نــســل عــبـــده مـابـحـلــت بـنـسـايـبـه

صــح لســانكـ...

والله ومليـون نعم بــالطنايــا....

[بعيد المدى]

ربعي هلا الطولات واهل الفعايـل وشقال أبن حافـي بجملـة كتا يبه (شمر هلا الرده على حربة العـدا)يومن وطيس الحرب ثـارة لهايبـه





الاخت الشاعره النايفه صح لسانك وقصيده في مكانها

ونعم في من قيلت بهم وبا العزوه اللي انتي منها

فتقبلي مروري البسيط على صفحتكـ

[ابو تركى محمد]

قليله بحقهم ويستاهلون اكثر

النايفه دايم نايفه سصح لسانك

والف شكر قليله بحقك
والله يستر عليك

[الجذع الروقي]

صح السانك شاعرتنا الكبيره النايفه والله والنعم بقبيلة شمر وجميع قبائل الشمال والعراق والشام من القبائل العربيه التي نعتز كثيراً بفعولهم وتاريخهم العضيم مثل قبيلة عنزه وغيرها ...

تقبلي مروري من اجلك ...

[النايفه]

المشاركة الأصلية كتبت بواسطة القناص

أنــــا لــمــن يـنـشــد مــــن انــســـاب شــمـــرمــــن نــســل عــبـــده مـابـحـلــت بـنـسـايـبـه

صــح لســانكـ...

والله ومليـون نعم بــالطنايــا....

هلا والف القناص

اسعدني جدا مرورك

يابو مزيد

وصح بدنك ولا عليكم زود والله ياعتيبه

لك الاحترام

[النايفه]

المشاركة الأصلية كتبت بواسطة بعيد المدى

ربعي هلا الطولات واهل الفعايـل وشقال أبن حافـي بجملـة كتا يبه (شمر هلا الرده على حربة العـدا)يومن وطيس الحرب ثـارة لهايبـه





الاخت الشاعره النايفه صح لسانك وقصيده في مكانها

ونعم في من قيلت بهم وبا العزوه اللي انتي منها

فتقبلي مروري البسيط على صفحتكـ

حياك اخوي بعيد المدى

صح بدنك

وانعم الله بحالك يالقرم

لك الاحترام

[محمد ال علي]

الاخت العزيزه الاميره النايفه
لا اعرف كيف اشكرك
ولا اعرف من اين ابدا
ولا اين انتهي
على هالاسطوره
التي تفتخر بها قبيله شمر
وشمر تفتخر فيك
وخاصه الضياغم
النايفه
الله يعطيك الصحه والعافيه
وعسى الله يعطيك طوله العمر
وحياه سعيدا
ان شاء الللللللللللللللله
ولا تهون القبيله العزيزه
الحفاه

[شباب الحافي]

النايفه
صح السانك

والله والنعم بقبيلة شمر

[بدر الحافي]

والله والف نعم فيك وفي شمر كفو كفو كفو


الاخت الشاعرة النايفة

صح الله لسانك
وسيحفظ التاريخ ما كتبتي


وفقك الله لما يحب ويرضا