ياانكسار القوافي ياانكسار الخفوق

[بنت قبيلتها]

السلام عليكم اعضاء منتدى شبكة الحفاه
هنا سأضع ابياتي الوحيده التي لم يسنح الي الوقت لاقطفها ناضجه
وكلي امل ان تنال اعجاابكم

لا ماهزمت الجرح هالجرح غلاب=شوف انتصار الجرح بين عليه
يالعنبوه الجرح وشلون ماطاب=وشلون ينزف كل صبح وعشيه
هذي ثمان شهور والحال منصاب=هذي ثمان شهور نفس القضيه
احس كني مذنب(ن) مات ماتاب=مذنب ولكن دون ذنب وخطيه
اشوف من حولي وقف وقفةاعجاب=اشوف فيهم خبث مع سوء نيه
ياهيه يالله جيتك اليوم مااهاب=قم ناخذ الحق بجموح وسويه
تصير جنحاني وانا اصير مخلاب=نكسر جناح اللي هدا لي الاسيه
عزي لوقتن خالط المعدن تراب=من شوفهم آرد حياض المنيه
وعزي لرجلن ايتخبى ورا الباب=عن الرجال وقوته بس عليه
قد قالها قبلي طويلين الاشناب=لاتامن الخبل ويبوق بخويه
يارب ياللي لابيض الحظ جلاب=ارزقني حظ(ن)مارزقته سريه

[بنت قبيلتها]

لا ياحبيبي وش بك ابطيت ماجيت=اقرب قعدت اليوم دونك خلاوي

يامدمي القلب الخلي ياعلاجه=ياجاعلن قرب المسافه مسافات

يالايمي شف دمع عيني عرايا=نبغى الستر لكن صعب حصوله
وشلون بخفي مايجول بحشايا=قلي وانفذ كل شيٍ تقوله
قلت لجروحي هيه روحي ورايا=قالت تبين ارجع ماني خجوله
انتي عطيتي زموم الولايا=والحين وش بك لي غديتي ملوله

[بنت قبيلتها]

تبغى قصايد يافهد تبغى من النـزف الجديد=تـامر وألـبي هالطـــلب تامـر يااخويـه يالحبيب
شقول لك قلـبي حجر ولا أقول إني حديد=ولا اقول ان الزمــن بي زاد دمـــعاتي نحيــب
هالجرح أبطا بلا دوا حتى غدا نزفه صديد=ماشفت من هوعالجه ولاشفت من هو له طبيب
هذي جروحـي يافـهد استوطنت بي بالاكيد=استـوطنت بي لين شفت اقرب قريب لي غريب
تبغى حروفي يافهد تبغى من النزف القصيد=جــا لك قصـيدي يافهـد مادمت لحـروفي طلـيب

[بنت قبيلتها]

يارب ترحمني الا زارني الموت=والتفت يمين الرجل بالشمالي
وذكرت اني لا معي زادن وقوت=ومرت ذنوبي كلها من قبالي
ماعاد تنفعني الا فاتني الفوت=والموت باغيني ولابه مجالي
ثم ركبوني فوق نعشي وتابوت=ثم دخلوني وسط قربي لحالي
يارب يامنجي نبيك من الحوت=يامرسل الطاغي لدرب الزوالي
ان اوسعتني رحمتك حيل مبخوت=وان لفني ذنبي فيا ويل حالي

[بنت قبيلتها]

على الله ياجروح ٍمستديمه=على الباري شفاك ومنتهاكي
الايالجزن ماجوفك حشيمه=طعون الحزن عذبتي ضناكي

[بنت قبيلتها]

ألله اكبر وصارت هالثعالب اسود=يوم مكر الثعالب رافع شانها

[بنت قبيلتها]

لا يالسؤال اللي قلب خاطري شين= عجزت لااتجاهله وازريت ارده

[بنت قبيلتها]

ادورك ياصحيب العز وين انته=ياللي اذا ضاقت الدنيا تناساني
البارحه ثار بي حزنٍ توطنته=واستعمر افراح قلبي ثم خلاني
والبارحه كل همٍ بي لونته=همٍ تلون معي وهم يعصاني
ياحزني اللي تعبت ولاتصاغرته=ياحزني اللي كسرني ثم تحداني

[بنت قبيلتها]

مضى وقت الكسل يالله ترا وقت البطوله عاد=يعود الوقت والامجاد والقوه منازلها
لنا صولات مع جولات لنا وسط العرب اشهاد= لنا مع كل ديره موقف ويشهد لنا اهلها
ترا ماهمنا حوثي..خبل..ثاير بوسط رقاد= جهل من هو عدوه يطفي النار ويشعلها
ياشاعل هالفتيل ابشر ترا عظمك حطب ورماد=ترا قبرك يبي جثتك ودودٍ يبيحللها
كليب الفرس وش جابه طموح يسابق الاسياد= طموح وحلمه بديرة رجال ذي فعايلها

[بنت قبيلتها]

((يالناقه اللي تايهه عن طريقك=هو شردك راعيك ولا انتِ جيتي
وشلون تهتي ماعرفتي فريقك=ابوسمك بالنار دامك رضيتي
ثم رّوّحي للي بيطفي حريقك=راعيك يعرف علتك لاطفيتي))

ابيات بين اقــــــــــــواس