من يقول ان الذيابه ماتجيب الا ذياب

[بنت قبيلتها]

من يقول ان الذيابه ماتجيب الاذياب=ومن يقول ان الاسود ماتجيب الااسود
شف شيوخ ذكرهم يشبه لوابل سحاب=خلفوا خبل(ن)كسير(ن)ولا حتى يسود
مظهره وشماغه وعطره وبيض الثياب=والحقيقه لانصيته ترا مامنه فود
هرجته لاجابها تقلب شماغه حجاب=وبصعب الحالات يكسى ملامحه البرود
ويل حالي دبل كبدي من الفعل العجاب=الاسامي شيوخ والفعل فازت به خلود
شمخ(ن)بفعول اهلهم وداخلهم خراب=ياحسافه راحت افعال اهلهم والجدود
وكم غلام(ن)يرفع لذكر ابوه من التراب=يوم ابوه هلامت(ن)ماله بارضه وجود
قالها ابن الذيب هرجه تدك لنا الصواب=الولد وان طاب طيبه على اخواله يعود
الولد وان مارفعه طيب فعله يستصاب=يصبح اعمى ولا يفيد وتكبلته قيود
ولو يحاول يرفع الراس يحنيه العذاب=المراجل ماتوارث تبي فعل وجهود
ومو ضروري لاولد ذيب يجيب لنا دياب=وموضروي لاانجب الشيخ ينجب له اسود

[عبدالله بن سعود]

**

ولو يحاول يرفع الراس يحنيـه العـذاب
................................المراجل ماتوارث تبـي فعـل وجهـود
صح لسانك يابنت القبيلة وسلم منطوقك .
وقد قيل النار تخلف رماده .
وكم من شراره اضرمت نار .

**

[بدر الحافي]

الاخت والشاعرة بنت قبيلتها

اجزم اننا امام شاعرة سيكون لها بصمة على الشعر

اعجبني كل حرف في القصيدة وكل بيت

ما شاء الله

صح الله لسانك مليون مليون

ويعطيك الف عافية

[الـتـوم]

شف شيوخ ذكرهم يشبه لوابـل سحـاب

خلفوا خبل(ن)كسير(ن)ولا حتـى يسـود

يعطيك العافيه

[فهد مزيد الحافي]

قويه .................. قويه ..................... قويه

[ابو مشعل]

ومو ضروري لاولد ذيب يجيب لنا دياب
وموضروي لاانجب الشيخ ينجب له اسود

جميل جدا البيت ويوفقة الكثير من القصص في حياتنا اليوم
مابين النقد الا ذع كنتي بنت قبيلتها متميزة كما عهدناك في اي مجال تكتبين وما بين ماهو مبكي احيانا هناك اختزان لمجال الفكاهه لديك فهذالتندر الجميل في قولك

مظهره وشماغه وعطره وبيض الثيـاب
والحقيقـه لانصيتـه تـرا مامنـه فـود

فااختلف معك هنا قليل حتى لاتنقلب الاية ويدخل الفارس العنقرى لكن
كما قال الاجداد كل عطاه الله من هبة الريح
ولايمنع ابد اني اوفقك في الكثير
هي الحياة والتجربة
اعرف انك لم تقصدي ان المرجلة مقصورة على الملبس والهئية لكن الكلام يجربعضه اجزم انها عملية مترابطة
ماكتبت لا يعدو ان يكون مجرد كلام جر بعضه حيث طابت للي الاقامة في معرفك
وددت لو المجال يسع
لقول الكثير
اكتفي
واقول
صح لسانك وعلا شانك

تحياتي

[مشيخها فعل ابوها]

ومو ضروري لاولد ذيب يجيب لنا دياب
وموضروي لاانجب الشيخ ينجب له اسود


صــــــــــــــــــــح لســـــــــــــانك بليوووووووووووون وعلا شااااانك
(بنت قبيلتها ) لاجديــــــــــد كعادتها دائمـــــــــــــــا متــــــــــــــــــــــــألقه
تقبلي مروري واعجابي/مشيخها فعل ابوها

[بنت قبيلتها]

المشاركة الأصلية كتبت بواسطة عبدالله بن سعود

**

ولو يحاول يرفع الراس يحنيـه العـذاب
................................المراجل ماتوارث تبـي فعـل وجهـود
صح لسانك يابنت القبيلة وسلم منطوقك .
وقد قيل النار تخلف رماده .
وكم من شراره اضرمت نار .

**

كل الشكر لك اخي عبدالله بن سعود مداخله طيبه ورد اطيب سعدت بمرورك

[سعود بن سعد الحافي]

هرجته لاجابها تقلـب شماغـه حجـاب
= وبصعب الحالات يكسى ملامحه البـرود

***********************

البيت هذا يكفيني يا بنت قبيلتها

صح لسااانك مليار

شاعرة معروفة بالابداع الغير عادي

تحيتي لك و تقديري

[ابن وافي]

من يقول ان الذيابه ماتجيـب الاذيـاب
ومن يقول ان الاسود ماتجيـب الااسـود
شف شيوخ ذكرهم يشبه لوابـل سحـاب
خلفوا خبل(ن)كسير(ن)ولا حتـى يسـود
مظهره وشماغه وعطره وبيض الثيـاب
والحقيقه لانصيتـه تـرا مامنـه فـود

بنت قبيلتها
يكفي الأبيات الثلاث الأولي ..مميزه كما عوتينااااا ...



صح لسااااااااااااااااااااااااااااانك واعتلاء شأنك ...




ابن وافي