مشعل عوض (البر والمقناص)

[ناصر الحافي]

	السلام عليكم ورحمة الله وبركاته هذه قصيدة للشاعر القدير مشعل بن عوض بن عماش الحافي شاعر عودنا على الجزالة وعلى سبك المعنى وهنا يصف ( البـر والمقناص ) هب ذعذاع الصفاري من شمال=وانعش الخفاق في نسناس ليل مابقى لسهيل كود اربع ليال=واكثر العربان ماهمه سهيل لانشا من يمة القبله خيال=كن لمع بروقها لمع الصقيل حس رعُاده تلٌج به الجبال=منذرً بالخوف والخير الفضيل هل وبله وانتثر في كل جال=سالت الوديان والشعبان سيل جاك علمه وانبسط راع الحلال=والطيور الها تغاريد وهديل كن ريضانه تصوت لك تعال=ريحها عقب المطر يبري العليل والحطب والنار مع صفر الدلال=ريح رمث وريح بن وريح هيل والشراع وجمعة قروم العيال=ماتوسط بيننا خطو البخيل والقنص خوة مشاكيل الرجال=والحرار اللي فعايلها تهيل ماحلا لا حركن عقب الزوال=اربع الجيبات خامسهن دليل ثم نزلنا وسط روضً تو سال=باذره بيٌّن مع العشب الحويل ثم بنينا خيمة المعزاب حال=والتهينا ذا يحط وذا يشيل والعشا والفال يقفاه العقال=والوكيل الله ولاغيره وكيل لاصدفنا عقب شق النور فال=خربً ازرق صيدته تشفي الغليل فرغوا مع قولةالزم باحتمال=هاقي بالطير ماهو بالذليل بكرً ارقط ماعلى فعله جدال=قد طرحها فرخ هدّوا به فصيل الموامي لاقصار ولاطوال=والكفوف جلاف والعاتق طويل والحباري طربة في كل حال=عند راع الكيف منظرها جميل لذّة الدنيا وتاليها الزوال=وانت يابن آدم كما عابر سبيل الشاعر / مشعل بن عوض بن عماش الحافي .

[سلطان الحافي]

الله الله

صح لسان شاعرنا

مشعل بن عماش

جزله ولاهي غريبه منه

تسلم

ياناصر الحافي

على النقل الرائع

مودتي

[طالب الحور]

صح لسان قايلها وناقلها

مشعل عوض معروف ولاعرفته غير في مزاين عتيبة في حفل الحفاة وأعجبني قصيده الله يوفقه

لاهنت ناصر إختيار مميز

[حافي حائل]

صح لسان شاعرنا مشعل عوض
وسلمت يديك على النقل أخوي ناصر

[ناصر الحافي]

سلطان الحافي - مبارك العتيبي - حافي حائل



بيض الله وجيهكم واسعدني تواجدكم ومروركم

[الوليد الحافي]

ناصر بيض الله وجهك على النقل

تقبل مروري

[ناصر الحافي]

الوليد المتعب

وجهك ابيض .. يامرحبا اسعدني تواجدك

[المايسترو]

صح لسانه ولسانك .. ولاهنت ياناصر على النقل الرائع

[ناصر الحافي]

صح بدنك يالمايسترو


شاكر لك مرورك يا ابن العم

[مرزوق الحافي]

سلمت يداك أخي ناصر وصح لسان


الشاعر/مشعل عوض الحافي



تحياااتي لك