الضفة الغربيه

[حامد الروقي]

بســـــــــــــم الله الرحمن الرحيـــــــــــــــــــــــــم

في حدا الأيام لاهاذي ولاهذيه = جالس لحالي مريح ومستريحٍ بالي
في يدي جريدةٍ نشاطها إخباريه = العدد منها قديمٍ من بطآها بالي
شدني فيها عمود بصفحه سياسيه= أوله صورة فتاةٍ دمعها همالي
كنها بعيونها تسال عن الحريه = من عناها كنها تقول يا عزالي
المصور وقع اسمه هاشم ابوايديه= حاذفٍ ياء النسب ومحقره بالتالي
يفخر بأنه مصور هذي المبلية = اصقه أعمى عن نخاويها بصوت ٍ عالي
من فصيلتها ولكن يحمل الجنسية = من هل ألديره لكنه للعدو موالي
صورت من بيتها تسحب بلا ماويه = بعد الاستعمار والتضييق والاذلالي
أخرجت من بيتها بالقوة الجبرية = قبلها تلوا كبار السن والأطفالي
تلها اللي جندوه الدوله العبرية = تلها علج عساه يتله السلالي
توسعة مستوطنه بالضفة الغربية = كنها حالة دمار أعظم من زلزالي
اغضب العالم توسعهم والانسانيه = تشهد اللي صار للامه من الأهوالي
والمقال أشبه بمقطوعة شعر مرثية = تجلب الأحزان للقلب الخلي السالي
اليسير امن المعاناة الفلسطينية = نكدت علي وأعمت جدولي وأعمالي
آه ياوقت ٍ مضى يافتح عموريه = يوم وصلت صرخة المستضعفة للوالي
عالجت بيض الصفايح علة مخفية = حين سمع الصيحة اللي بالضعيف يبالي
ليت مثل المعتصم للعلة القومية = من ثلاث عقود عايشها الزمان الحالي
عشتها ماكنها إلا فية العصرية = بس غيري عاشها مسجون ولا جالي
الحياة أيام وأعمار البشر عارية = ما يخلدها الخضوع وكثرة الأموالي

حامد الروقي.

[بنت قبيلتها]

صح لسانك الين تروى اخي حامد جسدت مشاعر الامه

[حامد الروقي]

بنت قبيلتها

صح بدنك ويسعدني مرورك الكريم


.

[ناصر بن سعود]

يامرحبا ومسهلا

المنتدى منور بتواجدك ياكحيلان

......

الله ينصرهم

صح لسانك مليون

ابداع غير مستغرب يابوناجي

قصيدة جزلة بماتعني الكلمة من معنى

تقديري

[النايفه]

الحياة أيـام وأعمـار البشـر عاريـة
ما يخلدها الخضوع وكثـرة الأموالـي

صدقت

وصح لسانك يالشاعر حامد الروقي

[حامد الروقي]

ناصر بن سعود
.
المنور باصحابه وبوجودك طال عمر
وصح بدنك

شكر المرور الجميل





النايفه

صح بدنك يامرحبا بك يسعدني جدا مرورك الكريم





تحياتي .

[بدر الحافي]

ياربي تحييه ...........ابو ناجي منور والله
وغبت وجيتنا بالغنايم..... بها الجوهرة الي فعلا تعبر عن شعور اي مسلم واي غيور واي قومي عربي

ما اقول الا صح لسانك
صح لسانك صح لسااانك

لاهنت يالحصااان والله

[نايف مطلق بن مصيبيح]

مرحبا يالامير

مافيك حيله

صح الله السانك

[سعود بن سعد الحافي]

صح لساااانك ملاييييييييييييين يالشاعر حامد الروقي

ولله دررررررررك

قصيدة تبري الجرح

صح لسانك مدد

مع تقديري لك

ولاهنت يالعتيبي

**************

[حامد الروقي]

الله يطول اعماركم جميع


اخوي بدر

ابو راكان

اخوي / سعود بن سعد



الله يسلمكم سعيد بردودكم ومروركم واتمنى ان يسعفنا الوقت للتواصل في مايفيد المجمتمع



تحياتي.