لاهنتوا ياشباب ..طلب بسيط..

[بنت الشيــوخ]

السلام عليكم ورحمه الله وبركاته



الله لايهينكم ابي منكم تنزلون قصيده سعود العتيبي انا ماعرف اسمه كامل
لكن القصيده انقالت اخر يوم اواللي قبله في الملتقى وقالها بعد في الحفل الاخير للحفاه ... ابيها مقطع صوتي اوفيديو او تكتب مو مشكله اهم شي نشوفها بالمنتدى..



ودمتم بــــــــــخـــــــــير ...

[نايف مطلق بن مصيبيح]

انشأء الله نجدها مع الاخوان المهتمين

[الباشا الهلالي]

انشاء الله ينزلونها الاخووان

[اليـ عبدالله ـابس]

ماراح يقصرون الشباب

[المايسترو]

اتوقع إن الأخت تقصد الشاعر سعود سالم الحافي

ادورها وإن شاء الله احطها لكم

[حافي حائل]

هذي القصيدة كتابةً.................

انا ملـك علـى حـرار الطواريـق =تجـي طنـا والا تجينـي مهابـه
في مثل هذا اليـوم عـز وتوافيـق =لابد نحضـر والفخـر ينحكـا بـه
يا جدودنا يا اهل المهار المعانيـق = الكم علينـا حـق حـان الوفابـه
على هوازن والعصـور السواحيـق = لأخـر عتيبـي نفتخـر بانتسابـه
ما كنتوا الا كالنجـوم المشاعيـق = المجـد والتاريـخ انتـم كتـابـه
ادجر على ذكر المفاخـر ولا افيـق = الا وبحـر الشعـر عـذبٍ شرابـه
وين الذي يبغـى علـوم المواثيـق = ماهـي سواليـف الرعـاه الغلابـه
حنا فخرنـا مايجـي فيـه تلفيـق = حنا فخرنا سيـف يرعـف ذبابـه
سيـفٍ يخلـي ناطحينـه مشاليـق = سلـه عتيبـيٍ وطـوح جـرابـه
في نجد ما نحتاج راوي وتصديـق =تشهـد ضلاعينـه ويشهـد ترابـه
تمشي من الكعبة إلى قمـة طويـق = ما تمشـي الا فـي مرابـع عتابـه
قبيلةٍ مـا مثلهـا فـي المخاليـق =الله عطاهـا قـو بـاس ونجـابـه
ذباحـة الحايـل كـرام مطالـيـق = لطامـة العايـل نهـار الحـرابـه
قومٍ اولـي بـاس شديـد بتوثيـق =الله ذكرهـم للنـبـي والصحـابـه
عقبان نجـد ومشفييـن الملاحيـق = لاصـاح صيـاحٍ وشبـوا لهـابـه
وانكبت السلفان ثم الجمـل سيـق = وتلافـت الفرسـان مثـل الذيابـه
وبنـوا بيـوتٍ كنهـن المشاهيـق = وساقوه فنجـال السطـر وابتدابـه
حرٍ علـى طلعـه يتـل المسابيـق = حول على شيخ الضديد ورمـى بـه
وركبن عطفهم وانقضن العشاريـق = ينخنهم والجيـش فيـه انحطابـه
حساسهن يـوم انطلـن البخانيـق =تكفـون ياستـر العفيفـات جابـه
الخيل بالفرسـان غـارن اطاليـق =كـل ٍ يبـا فعلـه يظهـر جوابـه
ودلوا عليهم بالنمـش والمزرايـق =ضرب يورث في الشجيـع ارتعابـه
كم شيخ قوم هامهم وايبس الريـق = واليـا سلـم يعدهـا لـه كسابـه
روقي وبرقـاوي ولا فيـه تفريـق =الجـد واحـد مـا دخلهـم خلابـه
مالوا من الطايف وركبـه بتشريـق =على فقارة نجـد حطـوا انصابـه
تمذهوا في نجـد زيـن المطاريـق =بالغصب ما جاهم من الناس ثابـه
لولا غلا علـط الرقـاب المداقيـق =ما خايلوا بـرقٍ وعسـوا سحابـه
عفـرٍ نـدللهن بقطـف الزماليـق =لو الحيا باطراف تونس راعى بـه
تشرب من اجمام الثمل و المخاريق =وتسرح على وجه الخطر ما تهابـه
ما رددوهـن فالخمـر والمداريـق =تلقـى الجنايـز دونهنـه اركابـه
ولا ولدوهن فـي خطـاة المرابيـق =كسايـب الظفـران ماهـي جلابـه
حريبهـم دايـم رحالـه مراهيـق =حتى مـن العجـه تجيـه ارتهابـه
والا اقصراهم فالرفـاع الشواهيـق =وعانيهـم دايـم عزيـزٍ جنـابـه
اهل الثلاث البيض عنـد التحاقيـق = واهل الفزوع اللـي تـرد النهابـه
يوم ان اخو نوره رفيـع المنافيـق =قـام ونخاهـم حصـل الاستجابـه
مع بيرق التوحيد ساقوا مساويـق =جمـعٍ عتيبـيٍ يحسـب حسـابـه
في المجمعه والحرث وايمن صعافيق =ويوم الرغامه وتربـه وش جرابـه
كم من صباح دوب شمسه تبا تويق =والعـج والبـارود لـه انضبـابـه
ثم اقتلب ليـلٍ ومـا لـه مفاتيـق =وسيوفنـا شهـبٍ لهـن انسلابـه
نضرب بها روس العصاه العواقيـق =لين اذعنوا للطوع عقـب النكابـه
ما طاردت خيـلٍ ومـدت تفافيـق =الا و نصـر ٍ فـوق نصـر ٍ بنابـه
ربعي عتابـه لاحكمـن المغاليـق =كم هالـكٍ نجـوه عقـب انتشابـه
ابفتخر والا الـردي خلـه يضيـق = مدحـي لجدانـي ولابـه عيـابـه
وانا ولد حافـي كعـام المحانيـق =أمجادنا مـا هيـب لحـدن طلابـه

شعر الشاعر / سعود سالم الحافي

[المايسترو]

بيض الله وجهك ياراعي حايل

عز الله إنك ماقصرت

[حافي حائل]

وجهك أبيض مايستروووووووووووو

[بوطحنون الحافي]

ولله لو اقدر انزل مواضع لانزلك بس خويك جديد

[عساف]

ونعم ونعم من هنا لاخر قارت اسياء

علي الملازيم انه موقفني كلامه

يوم القاري قراها

صح لسانك اكثر من الملايين كلها

استاذنكم ابي اتشرف بنقلها