سلام الله على رجل السلام ( الجنادرية )

[سلمان عزيز]

السلام عليكم ورحمة الله وبركاته

هذه القصيدة وطنية بمناسبة مهرجان الجنادرية

سلام الله سلاماً مايساق الا على الحكام=مهوب اطرف سلاماً كل من جابه تغنابه
سلام الله على رجل السلام بدولة الإسلام=عريب الساس لاجات المواقف يحسب حسابه
سلام الله على الحاكم على العادل على الإمام=على اللي كل مسلم وامة محمد تقدابه
حكيم الراي ابومتعب لياساق الضعن قدام=يجي للنصر في هذا العصر ُوسطى وسبّابه
هذا هو خادم البيتين هذا الليث والضرغام=حضوره مفخره وان غاب كلا يحسب غيابه
هذا اللي فزعته في وقتها يفرح بها المنضام=هذا اللي دون شعبه ماقفل صدره ولا بابه
هذا اللي باليمين الطاهره يمسح دموع ايتام=هذا اللي من حنانه دمعته سالت على اهدابه
هذا اللي بالمواقف ما تطاول داره الأقزام=هذا اللي قدمه الجابان ماينطق ولا جابه
هذا اللي للعروبه والعرب درع وذرى وحزام=هذا اللي عن دقون المسلمين تعدي اشنابه
هذا اللي كلمته بالموتمر لجت بها الإعلام=هذا اللي هقوته تغلب هقاوي من تهقوابه
هذا اللي بالنظام يحاسب المجرم على الإجرام=وقف للمعتدين ورد الإرهابي عن ارهابه
هذا اللي دون جده واهل جده قام ما ينلام=وحاسب كل مخطي والخطأ ماهوب يرضابه
ملكنا العادل اللي للمواطن حقق الأحلام=دخلنا العلم في عهد الزعيم مع اوسع ابوابه
وابو خالد ولي العهد عاش ودام عزه دام=شفاه الله وعاد بخير سلطان وفرحنابه
هذا سلطان سلطان الوفا والخير والإكرام=كفوفه وبل غيثن من سحابن تبرق اعقابه
تحلا بالكرم والعلم بإدراك ووعي والمام=وكفن بالشجاعه مايداوى جرح مضرابه
وزير الجيش ليثن بالوغا دون الوطن مقدام=معه جيش البلاد اللي نهار الحرب حرابه
وأخوه النايب الثاني على جنبه ومعه حسام=وزير الداخليه مثل حد السيف ونصابه
هذا نايف ونايف للعدا موتن حمر وكعام=عمود الأمن قوم بيت الأمن وجود اطنابه
ضرب كل الخلايا النايمه وامنه معه مانام=رجال الأمن مع نايف اعيال نمور وذيابه
ولا انسى امير نجد اللي وفاه يصحي النيام=جلس فوق السنه مع جنب اخوه وهو على اعصابه
صحيح ان الوفا سلمان ذا تصريح مني عام=يقوله شاعرا ببوفهد ما ينقص اعجابه
وبدر الله يديمه للحرس في ماقفه جزام=حرسنا يفتخر به كل حزه ويتباهابه
ومتعب نايبه يسلم وحنا للوطن خدام=وخداما لحكام الوطن ونقبل ترابه
نعيش بكل شبر من البلاد ترفرف الأعلام=تحت راية هل العوجا وهذا اللي رضينابه
ونربط حاضر الأجيال بالماضي من الأعوام=مثل هالمهرجان اللي على القمه رقينابه
نعيد تراثنا في كل عام وتضحك الأيام=تراث اجدادنا اللي نعتني به ونتحفوابه
ليا جاء للهجوس الصادقه بين الضلوع زحام=قصيدن مايجّمل والله اني ما تسمّوابه
وصلاة الله على وجه الرسول اخير مسك ختام=عليه افضل صلاة وصادق التسليم لأصحابه

[ناصر بن سعود]

حجز ملكي رقم (1)

ولي عودة بعد قرائتها

[بدر الحافي]

الله الله الله

استمعت بالقصيدة حين كتابتها وسمعتها
والان استمتع بها

الشاعر العلم سلمان عزيز الحافي

صح لسانك وادامك ربي

يعلم الله انك محل الجزالة ومقرها

لاهنت والله

[ناصر بن سعود]

صح لسانك ابوراكان

قصيدة جزلة

ابداع كما عهدناه منك

[شباب الحافي]

ابوراكان

صح لسانك

على القصيدة الجزله

وتقبل مرورى

[الجذع الروقي]

صح السانك شاعرنا مبدع دائماً ....

[النجمة]

صح السانك الله يحفظك ويزيدك أبداع

[ابن مجلبه]

اللهم صل على محمد وعلى آله وصحبه أجمعين


ابو راكـــــــــــــان

صح لسانكـ و اعتلى شأنكـ

ليس غريب عليكـ كتابة مثل هذه القصيدة الجزلة فانت منبع الجزالة

لاهااااااان منطوووقكـ


ازكى تحية لك

[سعود بن سعد الحافي]

صح لسانك يالشاعر الرائع

سلمان عزيز الحافي

ابداع غير مستغرب من هل الابداع

سلمت و صح لسانك

ولاهنت

***********

[بنت قبيلتها]

سلمان عزيز شاعر علم
لاااتحتاج شهااادة احد
حضرت لمتصفحك لكي اروي ناظري واستمتع ببوحك الراقي
سلمت لنا شاعر نحتذي بحذوه
تقبل مروري