المجلس اللي فيه عمي وخالي ..

[حـلم]

قصيدة أحببت أن أنقلها لكم .. لشاعر / فهد عوض الروقي

المجلس اللي فيه عمي وخالي = أتوق له عن مجلسن فيه الأجناب
تساق فيه مبهرات الدلالي = واليا تقهووا قلطوا كوم الأشباب
وسوالف(ن) ماهيب لالي ولالي = السالفه معها القصيدة والأسباب
واليا نصيت من البيوت الموالي = يحطلك من جيبه ولا يحسب أحساب
ربعي بني عمي وهم راس مالي = رجالهم قرم(ن) على المرجله شاب
اليا أونست ملهاب(ن) من الوقت صالي = أحطهم من بيني وبينه احجاب
مهوب ربعن يايبه فالشمالي = يانعنبوهم يايبه هاك الأشناب
واحدهم اتخاويه قطعة ليالي = ماوالله يقول اقلط ولا يفتح الباب
واليا هرجت بماضيات الفعالي = من قو مايطني يقرط بالأنياب
في دارهم لاشك مانيب سالي = متى على الله بكره انخلص اللاب
أبحجز الاوكي سيت ابحلالي = وان مالقيت ألقى تكاسي وركاب
أذني اليا اقفيت يرتاح بالي = ودي بشوفة نجد والنور ماغاب
الديره اللي مات فيها الهلالي = نجد ألها غلا عندي ولو إنها اتراب
مانيب من غنيت فيها الحالي = غنوا أهلها في ثراها والاغراب
اليا مشيت مع الحزوم الخوالي = أشوف لي مرقاب ويغيب مرقاب
أمد شوفي مع بياض العبالي = والعصر أميل لي على فية اهضاب
هذي طراة الروح ياهملالي = والعمر فاني و للأجل وقت وكتاب
وتم الكلام اللي نظمته على آلي = شطر(ن) على آلي وشطر(ن) على آب

.

[حافي حائل]

قصيدة جميلة للشاعر فهد
ولك الشكر على النقل

[ناصر الحافي]

صح لسان الشاعر فهد الروقي


يعطيك العافيه ياحلم على حسن الاختيار



تقبل مروري

[طالب الحور]

صح لسان قاليها وناقلها

أشكركـ حلم على القصيدة الجزله

[ذيب روق]

صح لسان شاعرنا




ويعطيك العافية يا حلم

[الذيب]

يعطيك العافيه..

وصح لسان الشاعر / فهد عوض الروقي



لاهنت..

تحيتي..