اهداء للشيخ / خالد بن مطلق الشريّف المطيري

[سلمان عزيز]

السلام عليكم ورحمة الله وبركاته

أسعد الله جميع أوقاتكم بكل خير

هذه القصيدة اهداء مني للشيخ / خالد بن مطلق الشريّف المطيري

يموت القصيد وتنكسر خطّر الشعار=ليا ما وفوا بالشعر في مدحت الوافي
وانا لي سنه واكثر وانا وسط قلبي نار=توهج بقلبي نار الأشعار ياكافي
ادور على اللي تّثبت ان الكبّار كبار=جزال البيوت اللي لها القلب ميلافي
من الشرد اللي قنصها يتعب الأفكار=ابحاول اجمع خيرها وآصل اهدافي
ابنقش قصيدي مثل ما تنقش الأحجار=تدور السنين وهو بالأعيان ينشافي
ياخالد لو اعبر بشعري عن المقدار=تركت البشر تحكي مية عام عن قافي
لأن المعزه جوها ماعليه غبار=تجيك المشاعر صادقه والغلا صافي
ايوالله ثم ايوالله ثم ايوالله المعذار=لو اقدمه لك يالشريّف ماهو كافي
لأنك اخو واكثر من الأخو باللي صار=معاريفك اللي غاطيتني الى اكتافي
يشوش القصيد لمثل شرواك مايحتار=عن اذنك تّسمّع ما تغنّابه الحافي
احطك على يمناي والا اليسار يسار=واعدي لفعل الطيب في كل مشرافي
لأن الصداقه يالشريّف مع الأخيار=تسجل على التاريخ صفحه للأشرافي
على العز للوافي مقام ووقار وكار=بياض الوجيه لكل موفي ومستافي
تطول العلوم ويصبحن العلوم قصار=ليا قصرن ما جّملني بميقافي
وياخالد لو اعبر بشعري عن المقدار=تركت البشر تحكي مية عام عن قافي

[ناصر بن سعود]

وعليكم السلام ورحمة الله وبركاته

الله يسعد جميع أوقاتك بكل خير

صح لسانك يابوراكان

قصيدة جزلة ياكحيلان

يستاهلها ابوحميد ويستاهل المدح

تقديري

[سلمان عزيز]

صح بدنك يابوسعود
دايم سباق للعلم الطيب
عسى تفداك الرخوم

[بدر الحافي]

ابدااااااااااااااااااااااااااااااااااااااااااااااا اااااااااااااااع
ابدااااااااااااااااااااااااااااااااااااااااااااااا ااااااااااااااع
ابدااااااااااااااااااااااااااااااااااااااااااااااا ااااااااااااااع

لله درك يابو راكان لله درك
اشهد بالله انك غير غير غير ..... من الشرد الي قنصها يتعب الافكار

الله يحفظك يابو راكان
تحياتي لك
ويستاهل الممدوح كل خير

[سلمان عزيز]

المشاركة الأصلية كتبت بواسطة بدر الحافي

ابدااااااااااااااااااااااااااااااااااااااااااااااا اااااااااااااااع
ابدااااااااااااااااااااااااااااااااااااااااااااااا ااااااااااااااع
ابدااااااااااااااااااااااااااااااااااااااااااااااا ااااااااااااااع

لله درك يابو راكان لله درك
اشهد بالله انك غير غير غير ..... من الشرد الي قنصها يتعب الافكار

الله يحفظك يابو راكان
تحياتي لك
ويستاهل الممدوح كل خير

بدر شهادتك افتخر فيها

الله يعزك يابدر

[برق الحيا]

..صح لسانك اخوي سلمان عزيز..

..وانتظر جديدك..

..تسلم يمناك..

[سلمان عزيز]

أخوي خوي الذيب

لاهنت والله لايضرك

[مشعل]

صح لسانك أخي سلمان

ويستاهل الممدوح كل علمن طيب

سجل اعجابي

[سعدالمغيبي]

ابن عزيزا
شهد بالله انك ابدعت

وبيض الله وجهك وكثر الله من امثالك هذا هو القصيد
اللي يستاهل الواحد يتعبله ويسمعه ويقراه
عزالله انها شامخه
وتقبل تحياتي

[النايفه]

يشوش القصيد لمثل شرواك مايحتـار
عن اذنك تّسمّع مـا تغنّابـه الحافـي

عزالله انك قلت قولا يرفع راسك وراس ربعك ياسلمان الحافي

ويستاهل المدح الشيخ

مشاء الله تبارك الله

وصح لسانك عزا الله انه قصيده جزله من راس جزل


تقبل مرور

النايفه