استفسار عن ضويحي بن حسن الحافي

[سلطان]

الاخوان الاعزاء السلام عليكم ورحمه الله وبركاته آآمل منكم وضع معلومات عن الشاعر ضويحي ومن اي الحفاة واين يقيم واذا له قصائد بالنت ياليت تضاف هنا ولكم شكري وتقديري

[نايف مطلق بن مصيبيح]

وعليكم السلام ورحمة الله وبركاته

اخوي سلطان

الشاعر/ ضويحي الحافي

من قبيلة الحفاه ويشرفنا كلنا ابناء القبيله
هذا هدفنا هنا

تبقل مروري

[الباشا الهلالي]

النايف عطنا معلومات اكثر الله لايهينكـ

[سلطان]

اخواني السلام عليكم يسرني مروركم
الاخ النايف يبدو ان طلبي لم يتضح لك لاكن بامكانك قراءة رد الاخ الباشا الهلالي الله لايهينك ولك شكري

[بنت الشيــوخ]

ابشررررررررررر الشبااااااااب ماراح يقصروووووووووون

[النداوي]

المشاركة الأصلية كتبت بواسطة سلطان

الاخوان الاعزاء السلام عليكم ورحمه الله وبركاته آآمل منكم وضع معلومات عن الشاعر ضويحي ومن اي الحفاة واين يقيم واذا له قصائد بالنت ياليت تضاف هنا ولكم شكري وتقديري

السلام عليكم ورحمة الله وبركاتة

عساك بخير اخوي سلطان

تبي معلومات عن الشاعر ضويحي ابشر

اول شي اسمه في غلط الاسم الصحيح هو :

الشاعر / ضويحي بن حسن بن ضويحي الحافي

من الرهامطة من المهاثلة

هو مسقط راسه في منطقة السر وبالتحديد ساجر وحياتة كلها في ساجر لين اقريب

وقبل خمس سنوات أو ست شدو هو وابوه والعائلة كلها الى الرياض في حي العريجاء الدخل المحدود ومازال فية ليومك هذا

اما بالنسبة الى القصائد هو شاعر وقصائده كثيرة وله برامج عديدة في مهرجانات الصيف قسم التوعية والأرشاد اشعار دينية وغيرها

اما بالنسبة لقصائد والله ما يحضرني منها شيء حاليا واذا حلصتها نزلتها في المنتدى الغالي على قلوبنا

وشكرا
واي اوامر ثانية أن في الخدمة

[صقرنجد]

الاخ النداوي السلام عليكم ورحمة الله وبركاته
وهذا كلام سليم 100%


والله يعطيك العافية

ولكم تحياتي وإحترامي

[سلطان]

اخي النداوي السلام عليكم .الف شكر لك ولمن تفاعل مع هذا الطلب الصغير لي لاهتمامي بمعرفه هذا الشاعر ........عسى الله ان يوفقه ويوفقكم ...والان عرفته وعلى مااظن انهم قبل ساجر كانو في منطقه على طريق الطايف بعد الدوادمي ..اذكر وانا صغير وحنا مع الخط يقولون ذوي ضويحي ساكنين هنا واضن المنطقه حول القاعيه................معلومات من الذاكره قديمه وصحتها قليله واظن ان فيه واحد من عيال عمه او اخوانه يعمل بالقنصليه السعوديه بالباكستان اسمه مقبل ابوسلطان والله والف نعم فيه وفيكم على ذكره
على كل حال الله يوفقكم

[النداوي]

الشكر لك ياأخ سلطان

أية كانو في هجرة الأشعرية يوم الناس بدو في خيام والا عمانه بنو بيوت في الاشعرية وابوه شدا يم ساجر وعقبها شدو عمانة وبعضهم مات الله يرحمة

نعم له ولد عم اسمه مقبل بن ناحي الحافي في السفارة في تركيا الظاهر والله العالم


ومشكووووووووووووور انت وصقرنجد

[سلطان]

السلام عليكم الاخ النداوي تعقيبا على ابن عمه مقبل هو في قنصليه السعوديه بكراتشي
معلوماتي اكيده حتى لو تبي تلفونه وبيته جبت عنوانه