مدونة في ديوان النايفه

[النايفه]

بسم الله الرحمن الرحيم

السلام عليكم ورحمة الله وبركاته

اخواني الزوار حياكم الله في مدونة الشاعره النايفه

في ديواني الذي أحترمته وعزيته بالقوافي الجزله

فمن ألاصول والوفاء لهذا الديوان الذي خط بدمي وأحساسي

أن اكون قريبة منه حتى بالافكار التي لم تكتمل

ولكن من الظلم أن تبقى اسيرة داخل الاقفاص لم يطلع عليها

اهل الذوق مثلكم ايها الزوار الكرام

كما لايفوتني أن اشكر منتدى الحفاه الراقي بحسن تعامل ادارته الموقره

على وضع الديوان وقبول فكرة المدونه لي

اتشرف بالمتابعه منكم

ولا يلزم تكلفتكم بالردود ولوأن ردودكم ترفع من المعنويات الكاتب

واتشرف بها ولكن هذا من شروط المدونه


ترقبو ماتكتب النايفه

[النايفه]

بسم الله الرحمن الرحيم

أن كان دمع العين هين على الناس= عندي أنا ياناس ماهو بهين
لانه من أحساسي ومن قمه الراس=أحظر جيوشه بالفؤاد وتعين
وياشين حرالدمع مع جر ألانفاس=يا صفله رمش العيون وتبين
وحلت جيوشه بموقل العين وانحاس =ياقو عزم الدمع والقلب لين

للشاعرة النايفه

[النايفه]

عينك ضعيفه وعين الشمس ياقوه=أخاف تحرق عيونك من حرارتها
لاتباري الحر خـاف الله يابـوه= الحر يفهم ويفقه مـن أشارتهـا

للنايفه

[النايفه]

لاتحسبني يالغضي تابع المـدح =لاوالذي ينشي من الماء سحايب
أقلط مع الشعارما أجزع من الدح =خص(ن)الياجاني قهر من حبايب
أشرب من الصافي بقوس المقدح =وأقفي الياكثرت علي الشوايـب
ماتستوي القـاع بناس(ن)تبـدح =لابد يوم(ن)تعتليهـا النصايـب
ولايرتفع رجل(ن)عياله تسـدح =صبحه وليله بين ربعه طلايـب
ولايعتمد رجل(ن)كلامه تشـدح =منبوذ قـول ولاتفيـده قرايـب

بقلمي

[النايفه]

أكبر مصيبه ياحقروك المعازيـب =وأنت أولن في حشمتك عارفينـك
تجاهلك في حق نفسـك عذاريـب =وصوتك على صوت المعزب يهينك

بقلمي

[النايفه]

والله أني مثل عين الجريح =بالظهر مطعون وميت(ن)له ولد
وتركوه أعداه بالبيدا طريح =وظلمت دنياه وفي روحه زهد

للنايفه

[النايفه]

ياحظ وشبك تالي الوقت لي شنت=قمت اتقي عن فعل خيرك بشرك
ياحظ وشبك وأرفع الراس لاهنت=ياحظ وقتك لو ضحك لا يغرك

للنايفه

[النايفه]

ماكل من غمض سكن عينه النوم=النوم للي فارق الهم عينه
ولا كل من يبكي من الحزن مضيوم=كم واحدن يضحك ونفسه حزينه
ولاكل من صلى من الذنب معصوم =بعض العرب هدت ذنوبه يمينه

شعر النايفه

[النايفه]

دام الثقه حبله ردي حبل الغلا وش قيمته=ان استمر او مستمر معاد له عندي مكان
النفس عندي ماتهون كرامته في شيمته = حشمتها حشمة امير واعطيتها اصدق ضمان
وسمتها وسم العرب العف اشرف سيمته= فيها رسوم(ن) بينه ماتنتهي بوقت وزمان
والبستها ثوب الحيا مثل الحيا مع ديمته=اعطيتها اغلا وسام رمز المروه والبيان

شـــــــــــــعــــــــــــر الــــــــــــــنايفـــــــــــه

[النايفه]

بديت بالي بامره البرق يبرق=اللي له الكون المسوى سجديا
اللي وعد الشمس ماتشرق بشرق=في ساعتن شاب الولد بالمهديا
وقبل الحساب وقبل ماييبس العرق=اقراء الكتاب وخل عنك الحسديا
بيني وبينك ياسود القلب به فرق = تحسب وتخطي ماوصلت العدديا
انا خويي بالعلا دايمن يرق = واليا تعثر في عيوني رقديا
ولوضمني وياه البحر الازرق= في ذمتي افداه واغرق وحديا
وانا خويي دوم عن الناس يفرق= هو مسندي وانا عليه استنديا
واليا جهل ماني عليه اتحرق = جمر ولهب بين الضلوع وسمديا
لابد مايذكر ويهيض من طرق = فينا يعد الحق لو ابتعديا
لاتنشري الخوه ولاتنسرق سرق=صدفه تجي من حظ من هو وجديا
يطرب بها الاحساس ويغني لها الورق =مثل الحرار اللي لريشه فرديا

ِِِِِِِشــــعـــر النـــايـــــــــــفـــــــــه