والله مادري عن اللي وش تقولونه

[بجاد بن محمد الحافي]

قصيده جديده لاتعني بالظروره انها في احدا من الناس بعينه ولن اهجاء حتى من هجاني في هذا المنتدى او غيره
وليس لي فالهجاء قصائد مثل مابعض الاخوان كان يتصورون فالشعر مشاعر ومعانيه عند قائله

والله مادري عن اللي وش تقولونه = مامنكم اللي تورع ليه قافينا
عن يمت الخير كن الناس يحدونه = حاديه وقته ولا هوب متعدينا
ينطح سناها ويمش لا يقودونه = ويقول يالله دخيلك كان معمينا
هاك ابن عمك وحط يداك من دونه= وانته وحضرت جنابه في مخابينا
هاك امدحه لو جماعتكم يسبونه = قاصيك حضك وحنا الله مغنينا
هاك احفظه واحضنه لاناس يلقونه = وين انت ويا حياته يوم ماضينا
وامسح لماضيه كله مايشوفونه = بعض العرب لو درى يقعد بتالينا
ماهمنا وين كان و كيف وشلونه = ولا همنا كان قمنا راس شانينا
من يحسب ان السنين السود مأمونه = والا على ماضي الايام غاوينا
يسكت على هرجته لاالناس يوحونه =وان عاش راسي تذكر ليش ناسينا
والله ربي النبي والبيت وركونه = والكون كله يالولااها عزاوينا
مايمشي العود من بيته على هونه = ولايسكنه من همومه لين يوحينا
ذاك الزمان القديم وجور قانونه = لو تنكرون حرام يموت ماضينا
ان تجلونه كثير الناس يقرونه = مهوب مجهول عزن من مبانينا
يوم السناقي نهار الضيق مسنونه = كل الرجال الكبيره من هقاوينا
حنا منول نقود الشيخ بردونه = واليا تعثر عضدنا له بيادينا
وحنا ترانا نشوم لك مزيونه = والبيض فينا تشوم وتنتخي فينا
فينا يلوذ الشجاع ليا قدح نونه = اليوم ليه الرخوم تقوم توذينا
من مجلس الضيق كان الروس ممنونه = والله لتاطاء بعد بكره مواطينا
المجلس اللي ليا جيتو تمرونه = منه الحصيله ترى مهيب ترضينا
ادري ليا جاه خبل كال ماعونه = ومن فضل ربي حرام منه يعطينا
والطرقه اللي على المنجوب مامونه = فيها نوديك يالمسكين وتجينا
والناس كل يشوف اليوم بعيونه = والطيب معروف باولنا وتالينا

الشاعر بجاد ابوديه

[ابو مشعل]

حنا منـول نقـود الشيـخ بردونـه

واليـا تعثـر عضدنـا لـه بيادينـا

وحنـا ترانـا نشـوم لـك مزيونـه

والبيض فينا تشـوم وتنتخـي فينـا

صح لسانك
كفيت وفيت

لاهنت

[شباب الحافي]

صح لسانك

يابونايف

على القصيدة الجزله

[النايفه]

الله الله

من مجلس الضيق كان الروس ممنونه

والله لتاطـاء بعـد بكـره مواطينـا
المجلس اللـي ليـا جيتـو تمرونـه

منه الحصيله تـرى مهيـب ترضينـا
ادري ليا جـاه خبـل كـال ماعونـه
ومن فضل ربي حـرام منـه يعطينـا
والطرقه اللي على المنجوب مامونـه

فيهـا نوديـك يالمسكيـن وتجيـنـا
والناس كل يشـوف اليـوم بعيونـه
والطيـب معـروف باولنـا وتالينـا

صح لسانك يالشاعر القدير بجاد ابو ديه

لك الاحترام والتقدير من النايفه

[نايف بن مزيد]

خطــــــــــــــــــيــــــــــــــر

ابو نايف صـح لسـاكـ..........

وننتظــر جــديدكـ يـالعلم,,,,

[مطلق الحنتوشي]

[QUOTE=بجاد بن محمد الحافي;152713]

حنا ترانا نشوم لك مزيونه = والبيض فينا تشوم وتنتخي فينا

لاحظت كسر في هذا البيت ولاني شاعر لكنه واضح
اما بالنسبه للقصيد الهجائي مالك غير كديميس العصيمي
صح لسانك يا اخ بجاد ووفقك الله لمايحب ويرضى

[بدر الحافي]

ابو نايف صح لسانك وانت بعيد عن الشك كله
قصيدة رائعة جدا من شاعر علم
صح لسانك صح لسانك
وكفو كفو والله

ننتظر المزيد


[quote=مطلق الحنتوشي;152811]

المشاركة الأصلية كتبت بواسطة بجاد بن محمد الحافي

حنا ترانا نشوم لك مزيونه = والبيض فينا تشوم وتنتخي فينا

لاحظت كسر في هذا البيت ولاني شاعر لكنه واضح
اما بالنسبه للقصيد الهجائي مالك غير كديميس العصيمي
صح لسانك يا اخ بجاد ووفقك الله لمايحب ويرضى

بس تعليق على اخوي مطلق
لا اعلم اين الكسر الي ذكرت في البيت
فقط للتوضيح لك هذا على طرق الهجيني الطويل
ويمكنك ان تلحنه حتى ولو ماكنت شاعر
تبقى وجهة نظرك


وفي النهاية القصيدة من شاعر كبير في غنى عن اي ملاحظة

[مطلق الحنتوشي]

المشاركة الأصلية كتبت بواسطة بدر الحافي

بس تعليق على اخوي مطلق
لا اعلم اين الكسر الي ذكرت في البيت
فقط للتوضيح لك هذا على طرق الهجيني الطويل
ويمكنك ان تلحنه حتى ولو ماكنت شاعر
تبقى وجهة نظرك


وفي النهاية القصيدة من شاعر كبير في غنى عن اي ملاحظة

بيض الله وجهك يالشاعر بدر الحافي
وجهة نظر على عيني وراسي طال عمرك فعلا ماعندي خبره
بس اشك في الصدر وليس العجز[حنا ترانا نشوم لك مزيونه] ناقص في عدد الاحرف وياليت تكون ملاحظتي بعين الاعتبار من باب فتح مجال للنقد بعيد عن المجاملات
ليس تقليل من شان الشاعر علمً انني لم اتصفح بقية ديوانه ولي عوده

[بدر الحافي]

اخوي مطلق الله يحفظك
انت راقي فيما قلت ولك بياض الوجه والله
البيت هكذا
حنا ترانا نشوم لكل مزيونة ////////////////يمكن حرف اللام سقط سهوا لكن يبقي معروف حتى للقارئ

تحياتي لك
ومرة اخرى اشكرك على رقيّك

[مطلق الحنتوشي]

العفو يابدر وتعديلك تعديل شاعر متمكن
الان يبدو لي انه اسهل في النطق