** حسبــي عليـكـم عــــواذل لا تــزيــدونــي **

[سعود بن سعد الحافي]

حسبي عليكم عواذل لا تزيدوني = حلفت ما اسمع لكم لو طالت ايامي
لا تكثرون الجدل بالله خلوني = خلوني أعيش وارسم باقي احلامي
أحلام حبٍ بنيته عند مزيوني = على الصفاء والوفاء متأسس وسامي
أنتم سبب كل عاشق صار مغبوني = اصبح ضحية كلام و قول نمامي
منكم ترا بالهوى قد شابت عيوني = منكم جريح الهوى في جدل وخصامي

درب الهوى يا عواذل درب ماموني = فيه الولايف تسير بذوق ونظامي
الكل مغرم بنار الحب مفتوني = خلان والشوق ممدودٍ و مترامي
ولا يعكره كود اللي يعذلوني = اللي على اهل الهوى اسلوبهم دامي
وانا وحبيبي غمرنا الحب بجنوني = متبادلين الغلا والحب بهيامي
والله من عذلنا ما تستطيعوني = حبي وحبه وثيق العهد والزامي
عهدٍ مع الزين ما خونه ولا يخوني = لو كان عشنا الدهر و الحظ ما قامي
قلبي وقلبه ولايف كان توحوني = يا هل الهوى بلّـغوا من كان لوامي

[االعذووب]

عهدمع الزين ماخونه ولايخوني


لوكان عشنا الدهروالحظ ماقامي


اسلوب جميل الله يجملك دوووم


انامالي بالشعربس الشعر الجزل الي من شعراء لهم مكانتهم بالشعرمثلك

يستحق ان نقراء لهم ونستمع


تقبل تصفحي بديوانك الجزل

[بنت قبيلتها]

المميز والمبدع
سعود
صح بدنك صح بدنك لين تروووووى

[بعيد المدى]

ابوسعد صح لسانك

[سعود بن سعد الحافي]

المشاركة الأصلية كتبت بواسطة االعذووب

عهدمع الزين ماخونه ولايخوني


لوكان عشنا الدهروالحظ ماقامي


اسلوب جميل الله يجملك دوووم


انامالي بالشعربس الشعر الجزل الي من شعراء لهم مكانتهم بالشعرمثلك

يستحق ان نقراء لهم ونستمع


تقبل تصفحي بديوانك الجزل

يا مرحبا بك يالعذوب

و صح بدنك

حضورك و كلمات الجميلة لها أثر في نفسي

و أعتز بها كثيرا

تقديري لك و احترامي

و الف شكر لك

^^^^^^^^^^^^^^^^^^^

[ناصر بن سعود]

ياسلام يابوسعد

صح لسانك واعتلى شانك

مبدع قليلة بحقك يالحصان

قصيدة جزلة وانت معودنا على الجزالة

سجل اعجابي

تقديري

[الجذع الروقي]

صح السانك شاعرنا قصيده رائعه ...

[maustshar]

صح لسانك يابوسعد

[النايفه]

حسبي عليكم عـواذل لا تزيدونـي
حلفت ما اسمع لكم لو طالت ايامـي
لا تكثـرون الجـدل بالله خلـونـي
خلوني أعيش وارسم باقي احلامـي

صح لسانك الشاعر سعود سعد الحافي

لك الاحترام والتقدير من النايفه

[المورقي]

صح لسانك ياسعود الحافي