حب الطفوله

[بنت قبيلتها]

مساء الخير اعضاء شبكة الحفاه الموقرين
اقدم لكم تلك المتواضعه والخياليه بعض الشيء
واتمنى ان تقبلوها كبطاقة اعتذار لغياب قد يقصر وقد يطول

شخبار حبٍ مع الايام فارقنَي=شخبار حبٍ على وضح النقا جاني
حبٍ معي من صغرسني تملكني=حبٍ درا به بعيد الدار والداني
لكن شائت بي الاقدار تذبحني=وتفرق الحب لو ماكنت اناالجاني
قفّت ثمانٍ وانا عشقه تملكني=قفّت وانا بنتظر في يوم يلقاني
والموقف اللي ولو طوّل بيجرحني=في يوم ٍ اغبرنزف دمي مع اعياني
جتني بنّيه معاها طفل يجذبني=طفلٍ اخذ فكري وقلبي وشرياني
جلست جنبه وصدّت عمته عني=من ردة الفعل شب القلب نيراني
اثره تزوج وانا ذكره يجالسني=رضا بغيري وانا ماافكر بثاني
الله واكبر ومن صدّته بعثرني=الله واكبر وخلي صد وخلاني
ليته ذبح هالخفوق ومعه ريحني=وياليتني ناسيه من قبل ينساني
او ليتني طعت من عنه يناصحني=او ليتني عشت طول العمر وحداني
اول حروف اسمه وطاريه يسعدني=اسمه الا من طرا غنى به لساني
واليوم ذكره الى من مر يقتلني=واليوم ذكره سبب همي واحزاني

[أبن الزعيم]

الله واكبر ومـن صدّتـه بعثرنـي
الله واكبر وخلـي صـد وخلانـي

صح لسانك اوخيه

اخوك

ابن الزعيم

[بدر الحافي]

اول شي صح الله لسانك
رائــــــعة كعادتك يا اختي


ثانيا
نتمنى ان يكون الغياب خير ان شاء الله
وترجعين بسلامة

الله يوفقك

[النايفه]

اثره تزوج وانا ذكـره يجالسنـي
رضا بغيري وانا ماافكـر بثانـي
الله واكبر ومـن صدّتـه بعثرنـي
الله واكبر وخلـي صـد وخلانـي

كان الله بعونك

وصح لسانك يابنت قبيلتها


تقبلي مرور النـــايـــفـــه

[سعود بن سعد الحافي]

صح لساانك يا بنت قبيلتها

قصيدة جميلة رغم الالم و المعاناة

و اتمنى أن لا يكون سبب الغياب هذه القصيدة و احداثها ،

و صح لسانك ثم صح لسانك

مع تحيتي لك و تقديري

********************

[أبوسيومي]

اول حروف اسمه وطاريه يسعدني
اسمه الا من طرا غنى به لسانـي



بس (لاتعليق)
الله يحفظك والله لايجيب لك الحزن وييسر لك أمورك

[بنت قبيلتها]

شكرا لك اخي ابن الزعيم مرورك شرف لي

[بنت قبيلتها]

صح بدنك القدير بدر الحافي
والله يجعل لك من دعواك نصيب

[بنت قبيلتها]

صح بدنك اختي النايفه
والابيات ليست واقعيه بقدر ماهي خياليه
اقتبستها من احدى القصص المشهوره والمتداوله
اتمنى ان تنال استحسانكم

[بنت قبيلتها]

المشاركة الأصلية كتبت بواسطة سعود بن سعد الحافي

صح لساانك يا بنت قبيلتها

قصيدة جميلة رغم الالم و المعاناة

و اتمنى أن لا يكون سبب الغياب هذه القصيدة و احداثها ،

و صح لسانك ثم صح لسانك

مع تحيتي لك و تقديري

********************

صح بدنك يااخوي
ولاهنت
وبالطبع لن تكون هي سبب الغياب
فهي مجرد قصيده من نسج خيال شاعره

كل التحايا لمرور شخصك الكريم