رسالة النايفه الى بنت قبيلتها

[النايفه]

بسم الله الرحمن الرحيم

السلام عليكم ورحمة الله وبركاته

نداء بأسمي وأسم أعضاء هذا الصرح الشامخ

بأهله ألى الاخت والصديقه الغاليه بنت قبيلتها

ومتمنيه أن لايطول علينا غيابها وأرجو منها قبول الدعوه مع هذي القصيده

سلام يالجوهر المكنون لعتيبه =سلام يالي زهيت الطوق والشالي
من بنت ضيغم بعنوانه وترتيبه= اغلى من الدر واحلامن حلا الحالي
انا الخوي مثلك وشرواك ماعطي به=عندي لحاله سما بالمرقب العالي
بنت القبيله كفى بالاسم توحي به =بنت القبيله وراها سيوف ورجالي
اشهد بربي ورب البيت يدريبه = مثل الذهب معدنه يوم الذهب غالي
عذب القصايد وروح المدح تزهيبه =لانه مجمل عريب العم والخالي
زين السجايا نظيف العرض ماحكيبه=شمسن تباهت على جبال وعلى اطلالي
عتيبيتن طيبه والطيب من طيبه=قومو لها صف .. صف الجيش للوالي
من حق روقن على العالم تماريبه=ومن حقي افخر بخوة زين الامثالي
مايلحق الترف لا شكن ولا ريبه=مالدت العين يم عيون الانذالي
طوبا لابوها وساس البنت تهذيبه=يالحيتن ناقف الها قدر واجلالي
ياحي وجهن نزيه العرض يمشي به=اكرم وانعم ونعم الفال والحالي
من غير قاصر باهل العز والهيبه=ولكل موقف شجاعن يحتم التالي
تم الكلام وجزيل المدح لعتيبة=سلام يالي زهيت الطوق والشالي
من بنت ضيغم عناوينه وترتيبه=من شمر اسمي وعنواني ومنزالي
اصوغ جزل الشعر والهزل ماليبه=للعز ياقافي ولحني وموالي

شـــعـــر النايفه

وعلى من يعرفها من الاخوات ابلاغها الرساله

[سعود بن سعد الحافي]

لله دررررررررررك

يالشاعرة النايفة

وبيض الله وجهك

و صح لساااانك مدد بلا عدد

قصيدة عبّرت عن شعور كل الاعضاء

وافية يالنايفة وافيه

وطاب فالك

ولاهنتي

و نتمنى أن تصل القصيدة مبتغاها

و صح لسانك مع التحية لك

***********

[بدر الحافي]

النايفة ما عليك زود في كل ما ذكرتي
وانتي كفو وشمر كفو الى قيام الساعة
وبياض الوجه لك

وعز الله ان قصيدتك جزلة
وتستاهل العتيبية واهلها
وان شاء الله نشوفها معنا


الله يوفقك

[النايفه]

المشاركة الأصلية كتبت بواسطة سعود بن سعد الحافي

لله دررررررررررك

يالشاعرة النايفة

وبيض الله وجهك

و صح لساااانك مدد بلا عدد

قصيدة عبّرت عن شعور كل الاعضاء

وافية يالنايفة وافيه

وطاب فالك

ولاهنتي

و نتمنى أن تصل القصيدة مبتغاها

و صح لسانك مع التحية لك

***********

هلا الشاعر سعود الحافي

وصح بدنك

والله لا يهينك يالاصيل

على الحظور المشرف والكلام النادر

[النايفه]

المشاركة الأصلية كتبت بواسطة بدر الحافي

النايفة ما عليك زود في كل ما ذكرتي
وانتي كفو وشمر كفو الى قيام الساعة
وبياض الوجه لك

وعز الله ان قصيدتك جزلة
وتستاهل العتيبية واهلها
وان شاء الله نشوفها معنا


الله يوفقك

حياك الشاعر بدر الحافي

صح بدنك

والله يرفع قدرك على الكلام الراقي

لك التحيه والاحترام

[االعذووب]

كفو يالنايفه صح لسانك وسلم بنانك وتستاهل بنت قبيلتها وعتيبه كلهم المدح00000000


ان شاءالله بترجع وتوصلها الرساله الجزله000

تقبلي تصفحي بديوانك الرائع000000

[شباب الحافي]

النايفه

صح لسانك

على القصيدة الجزله

وتستاهل بنت قابيلتها

[ابو مشعل]

اصوغ جزل الشعر والهـزل ماليبـه
للعـز ياقافـي ولحـنـي ومـوالـي

صح لسانك يالنايفه
وتستاهل
بنت قبيلتها
ولاهنتي

[ابن مجلبه]

الله الله الله الله

صح لسانكـ يالنايفة

و أعتلى شأنكـ

و لا عليكم زود يالسناعيس


قصيدة جزلة بما تحمله الكلمة

لاهان منطوقك

و اختنا بنت قبيلتها تستاهل

و نتمنى ان تعود االى هذا الصرح الشامخ



ازكى تحية لك

[العمدة]

اشكرك يالنايفة على هذه البادرة والتي غير مستغربة

وانت صاحبة شعور واحساس اخوي نبيل

واضم صوتي لصوتك واتمنى ان لايطول غياب اختنا بنت قبيلتها

فنحن في هذا المنتدى كالجسد الواحد في الاحساس بالفرح او الحزن لاقدر الله

وهذه من صفات المؤمن التي وصى بها الرسول صلى الله عليه وسلم

اتمنى ان نرى بنت قبيلتها تنور صفحات المنتدى باطلالتها الرائعة كروعتها

وبقصائدها الشامخة كشموخها



أذا لفا الغايب يقولون وش جبت؟

ولا أنت لامن جيت كلك غنيمة