من محاورات الملك فيصل _رحمه الله_

[الجذع الروقي]

بسم الله الرحمن الرحيم

هذه من قصايد وروائع الملك فيصل رحمه الله رحمتا ً واسعه ..حيث كان الملك فيصل قائد عظيم ومفكر عربي

وعادلا ً وكان مؤسسا ً عظيما ً وله أفضال كبيره على العالم العربي والإسلامي وكان شاعرا ً ومهما كتب عنه

يعجز اللسان حصر أفضاله ومكارم هذا القائد الشهم..





الا يامل قلب ٍ كـل ماجـا الليـل جـاه خـلاج
يلوج ويجتلـد بالصـدر والعربـان ممسينـي
أنا متحير مـدري عـن المدخـال والمخـراج
ألا واعمـس رايـي مالقيـت اللـي يقدينـي
الا يامجيب دعوة من تصافق فوقـه الامـواج
أنـا بحمـاك ياوالـي الخـلايـق لاتخليـنـي
الا ياوجد روحي وجد مـن خلـوه بالمسهـاج
كسيـر السـاق بنحـور المعاديـن المغلينـي
إلا من دك هوجاسي ولو انـي علـى ديبـاج
ولو جالي جميـع البيـض غيـره مايسلينـي
الا واهنـي مخلـوق ٍ يفـرج ضيقـتـه لاداج
إلا منـه دخـل بالسـوق غـاد لـه ميادينـي
ترى بعض العرب عمله بروحه مثل عمل سراج
يضوي للعرب والنار فـي جـوف المسيكينـي


ومحاورات الملك فيصل رحمه الله كان أكثرها مع الشاعر الكبير عبدالله بن عبدالرحمن العنقري المعروف بـ (لويحان)
لانه كان خوي وملازم له رحمهما الله

وهذه واحدة منها



الليله الليله الليله نبا الطاروق طـرقٍ غريـب
مثل الدراهم الـى قامـوا صيارفهـا يعدونهـا
والله ما ادري يطيب لسيدي والا مـا يطيـب*
ان كان ما ناسبت لك يا سنادي جزت من دونها



الملك فيصل




الليله الليله الليله شواريـبٍ تحـد الشريـب
والاجنبيه الى وردت على المـارد يحدونهـا
ياذيب ياذيب ياللي جر صوته في علو الشذيب
ذكرت عيني وهلت واهملت من عقب مظنونها



لويحان



عندي خبر بك جروحٍ ما يسر بهـا عـلاج الطبيـب
مير انحـروا روضـة التنهـات ساكنهـا يداوونهـا
من قال ابا اصبر وابا اكنا الجرح لين انه يجيه العزيب
يصير بيـن الرجـا واليـاس باعوهـا ويشرونهـا



الملك فيصل




ما نيب زملٍ عليها من بعيد ولا قريبٍ طنيـب
يا عسرها وانت تحسبها ولو صديت يا هونهـا
تراي لو صرت عنه ابعيد مرجاعي عليهم قريب
والديره اللي نحل ابهـا عدانـا مـا يحلونهـا




وايضا
جرت محاااورات بين الملك فيصل رحمة الله و لويحاااان


لويحااااان




هاضني بـراق ليلـيٍ تسـارا
لاح برقة واعترض في كل ديرة
يالطويل العمـر كنـا بالنهـارا
الله اعلم بالبيـان و بالسريـره



فقال الملك فيصل




شوفكـم بالعيـن ولا بالخبـارا
كود توهف لي على حروة غديرة
خلنـل باللـوح بالماردخشـار
اوالخشير ملزمٍٍ يخشـر خشيـره


فقال لويحاااان




يا اشقر الجنحان يا طير الحبارا
انت تدري بالمضرة والسريره
اتعذر منـك زينـات العـذارا
اسمحوا لي بالكبيرة والصغيرة



فقال الملك فيصل




والله ان ودي مع الدرب انتبارا
.والسبور اتروح قدام المغيـره
وش علامك تنحرف عني يسارا
ماتبي مجراي والشسطة قصيره




فغير الملك فيصل الطااارووووق بطاروووووق فريد وغريب من نوعه..




خفا ما علـى مثـل خفـاولـو كـان بتخفونـهـا
اعف القصير من الطويل عسى القصر يكهل من بناه
وفاء اللوح ولا مـا وفـالـزا شدهـا يمتونـهـا
انا ما ادعيك بـلا دليـل ولا اضرب طواريق الفلاه



فقال لويحااااان....




طفا سوهـا عنـي طفـامـقـالات لا تحيونـهـا
تسامح عسى عمرك طويل ومن جاز له درب مشـاه
صفا الوقت ولا ما صفـاصعيبات واقصر دونهـا
سبب حملهم حمـل ثقيـل ولا كل من شالـه قـواه







وهذي محاوره بين الملك فيصل رحمه الله وهذال المطيري
والقصيدة تحكي عن نفسهااا

الملك فيصل :




هذال هذال يومنك سرقـت البعيـر
انتم دريتوا عن الحكام و الا رقـود
وراك ما خفيتها واناا حسبنك بصير
لين اقبضوك النشاما يالحصان العقود



هذال المطيري


يافيصل الأمر لله ثم لـك يالاميـر
ياولد عبد العزيز الحاكم بن سعـود
انتم عفيتوا عن اللي شال حملٍ كبير
ما هو بعير بلوا ني به عيال القرود





وهناك شوارد أبيات من قصائد للملك فيصل رحمه الله لم تصل إلينا منها :

قول الملك فيصل:



قولوا لنزال الحدود عن حدنا ينـزح وراه
عاداتنا قشع العمود والطير نرمي له عشاه



ولـه أيضاً:




يا طارشي للسيف قل له جوك العوادي بالحديد
كم واحد قفوه ظلـه قريـب والا مـن بعيـد


تحياتي .. الجــذع الروقي ..

[شباب الحافي]

الله يرحم الملك فيصل

الجذع

الف شكرا لك ع النقل

[الجذع الروقي]

شكراً لمرورك اخوي شباب الحافي ...

[إلى متى]

رحمه الله رحمة واسعة والمسلمين.. شكرا أخي الجذع ع المشاركة المميزة ؛لك احترامي وتقديري..

[maustshar]

الله يرحم موتان وموتى المسلمين

[الجذع الروقي]

شكراً لمرورك اخوي إلى متى ...

[الجذع الروقي]

شكراً لمرورك اخوي المستشار ...

[بدر الحافي]

الجذع الرووووقي
لاهنت لاهنت

اشهد انك جبت شي له ثمرة يالحصان

[النايفه]

الله الله الله

هذي الحياة الي لها قابليه

ياسلام عليك يالجذع عزالله محاوره قويه

الله

[الجذع الروقي]

شكراً لمرورك اخوي بدر الحافي ...