فراق عيون

[نايف مطلق بن مصيبيح]

فراق عيون

مهما تبعدنا ظروف ومسافات
يبقى فراق عيون وقلوبنا احباب
لا زال يربطنا شعور وعلاقات
ولا زلت في قلبي من الباب للباب
اشتقت لك ياداعج العين بالذات
حب وغلا واحساس واسباب واسباب
ضاقت عليّ الاربع الاتجاهات
بعدك عيون احزان وجروحي اهداب
اصبحت ادور فرصة العمر ما جات
وامسيت بين ضروس الايام والناب
ترى الرجا ما ينفع الروح لا مات
والجرح يبقى جرح ما دام ما طاب
هذي ينابيع الهوى جاتك شتات
وهذي شجوني مالها اعداد وحساب
ماتنفع الاحزان لا فات ما فات
انا صريح شعور ما نيب كذاب
الكذب ساس الشر والصدق منجات
ولا يجوز الكذب ما بين الاصحاب
اللي تربى يكذب بكل الاوقات
يفقد ثقة كل المخاليق لاشاب
لو غبت مرات وتعذرت مرات
لا زلت في قلبي من الباب للباب

[الباشا الهلالي]

تسلم النايف على الخاطره الروع ــه

[اليابس]

اصبحت ادور فرصة العمر ما جات
وامسيت بين ضروس الايام والناب
ترى الرجا ما ينفع الروح

رائع يالنايف

خاطره جميله ابحرت بي في رونق عباراتك


لك تقديري

[ناصر الحافي]

يعطيك العافيه