راشد الخلاوي

[ناصر بن سعود]

من قصائد راشد الخلاي

متى الثريا مع سنا الصبح وايقت = على كل خضرا ودعت بالسنايد
من عقبها نجم كما فرخ متلي = على الشوق يتليها بمشيه يعاود
بوارح الجوزا ربا فيه بسرها = واختلفت الالوان بين الجرايد
وإلى ظهر المرزم شبع كل كالف = من الفيد وانحن الليالي شدايد
ونجوم الكليبين التي تنشف الجم = يغور فيها ما العدود الوكايد
والى غابت النسرين بالفجر علقوا = مخارف في لينات الجرايد
والى مضى عقبه ثمان مع اربع = الخامسه طالع سهيل يحايد
تشوفه كقلب الذيب يلعج بنوره = مويق على غرات حدب الجرايد
والى مضى واحد وخمسين ليله = فلا تامن الما من حقوق الرعايد
قضى القيظ عن جرد السبايا ولابقى = من القيظ الا مريخات القلايد



ويحدد مواسم الامطار وضمان سقوطها واخلافها باذن الله فيقول

اذا ظهر نو السماك ولانشا = من المزن مايملا دعوث المسايل
قد خلت الخور المتالي عيالها = وطلقت اولاد السلو الحلايل
وغدى منادي الليل ماينوحي له = وغدو فتخ الا كاسبين النفايل
فيالله بتالي العقربيات سيله = يفرح بها راعي السواني الهزايل
حميم او تالي حيا عقربيه = صدوق الحيا يحيي العصور الاوايل



وقال ايضاً في النجوم


قال الخلاوي والخـلاوي راشـد=عمر الفتى عقب الشباب يشيـب
حسبت أنـا الأيـام بالعـد كلهـا=ولاكل من عد الحسـاب يصيـب
حساب الفلك بنجم الثريا مركـب=يحـرص لـه الفـلاح والطبيـب
فالى صرت بحساب الثريا جاهـل=ترى لهـا بيـن النجـوم رقيـب
اليغابـت الثريـا تبيـن رقيبهـا=وإلى طلعت ترى الرقيـب يغيـب
وإلى قارن القمر الثريـا بحـادي=بعد أحد عشر عقب القران تغيب
وسبع وسبع عد له بعـد غيبتـه=هذيك هي الكنه تكـون مصيـب
ومن بعدها تطلع وبها القيظ يبتدي=وتاتي بـروق ولايسيـل شعيـب
والى مضي خمسٍ وعشرين ليلـة=ثقل القنا من فوق كـل عسيـب
وتطلع لك الجوزا وهي حنة الجمل=وتأتي هبايـب والسمـوم لهيـب
وإلى مضي خمسٍ وعشرين ليلـه=يطلع لك المـرزم كقلـب الذيـب
وإلى مضي خمسٍ وعشرين ليلـة=يضهر سهيل مكـذب الحسيـب
وإلى مضي خمسٍ وعشرين ليلـة=تلقي الجـوازي طردهـن تعيـب
وإلى مضي خمسٍ وعشرين ليلـة=ليلـة نهـار وتجتلـد وتلـيـب
وإلى مضي خمسٍ وعشرين ليلـة=لاتأمـن المـا صيبـه يصـيـب


ان شاء الله تعجبكم

تحياتي لكم

[طالب الحور]

صح لسان قايلها وناقلها

مشكور ذيب شعر على نقلكـ

[ناصر بن سعود]

طالب الحور

صح بدنك يالغالي

شكراً لك على مرورك الكريم

[ناصر الحافي]

الخلاوي رحمه الله علم من اعلام الشعر


يعطيك العافيه يالذيب على الاختيار

[حافي حائل]

صح لسان شاعرها
وسلمت يد ناقلها

[ناصر بن سعود]

الله يرحمه ويسكنه فسيح جناته

مشكور ناصر على مرورك الكريم

[ناصر بن سعود]

حافي حائل

اشكرك على مرورك الطيب

[بدر الحافي]

مادة رائعة جدا
شكرا

[سعود الحـافي]

ذيب شعر


الله يعطيك العافية على الموضوع الرائع عن شاعر متمكن مثل راشد الخلاوي


وفي ضني أنه شاعر النجوم او الفلكي كما يحلو للبعض تسميته


تحياتي

[حافي نجد]

لاهنت ياذيب

الله يعطيك العافيه