!! خارج حدود الفلسفة !!

[كوبرا]

السلام عليكم ورحمة الله وبركاته . .

خارج حدود الفلسفة !!


قصيده رائعه وجميله في مفرداتها..

أعجبتني . فحبيت ان انقلها لكم ..

أرجو ان تنال على إعجابكم ....



خارج حدود الفلسفه جيتك خصام * قناعتي حدسي ودقة مذهبي

متململٍ من كبوةٍ بثر انهزام * وأشيا توترني وأنا ماني HAPPy

من مخ مخي نص مفعم بالهيام * لا ما لطشته لا ولا جبته COPY

لا تحسبيني قلتها أبغى تقام * لي مأدبه عند السفير الأجنبي

هاك استفاقة وجد ما همه نظام * هزه حنينه .. للجمال اليعربي

ما تاصله نجوى ولا عادل إمام * مثله يشوف ولا رزان المغربي

في شيً إسمه حبّ والحبّ التزام * يستيقنه شيخً كبيرً والصبي

يافيه لذه .. عفه وزود احترام * وهْو الذي كان بحياتي مطلبي

ماني غبي لا زدت بالحب اهتمام * ولا ينكر الحب الندي غير الغبي

لي سلوةً ما همها لبس اللثام * تفتن رضيعً توّ بالقاع يحبي

الجسم دلّه والنظر مثل الحسام * والصدر جنّه والمشي مشي الظبي

كنّا نتعلل كانت الحلوه تنام * توسد ذراعي خفوقي واهدبي

ما مثلها في زينها بين الأنام * في صوتها وإسلوبها ولبس العبي

لكنها غابت ولا طقت المنام * وأصبح غريمي حظ ضيع ما أبي

شلت اشتياقي واحتراقي والغرام * وسط الحشا ما قلت يا بنت اتعبي

ساكت وصابر حاقن جروح وملام * انطر تجي وتعيش همي بسببي

ما بين صدق الأرض وأوهام الغمام * وإنتي وبوح الصمت عمرً يكذبي

وين ارتحل ؟ بالجوف يسكنّي عدام * من وين أرضك والقصايد مركبي ؟

بيتي خيال وعزوتي بين الزحام * إحروفك وبين المحاني مهربي

أرجوك لا لا ينتهي عهد السلام * عودي لدفتر هالخواطر واكتبي

أبيك أنا واللي أبي بعض التزام * وتحيين بي عقب الكبر روح الصبي



الشاعر : هلال بن مزعل الدهمشي ( حي الضمير )



منقول باعجاب ـ


اخوكم : كـوبـرا

[ناصر بن سعود]

صح لسانك ولسان الشاعر

نقلت فأبدعت

الله يعطيك العافية

شكراً لك

[ناصر الحافي]

صح لسانك ولسان الشاعر هلال الدهمشي


قصيدة في غاية الجمال


شاكر لك ياكوبرا


دمت بود..